Jeremia 42:2 - MUMA MALER 2015

² mowachone niya, “Kiyie to timnwa gima wakwayi. Yie ilamnwa Ruoth Nyasachwa, wan ji duto modong’. Chon ne wan ji mathoth, to koro neye kaka wadong’ mana manok kende.

Motingʼo Loko Manyien

² janabi Jeremia kendo owachone niya, “Kiyie to iwinj kwayowa kendo ilamnwa Jehova Nyasaye ma Nyasachi ne joma otonygi duto. Nimar kaka ineno sani, kata obedoni chon ne wangʼeny, to koro sani ji matin ema odongʼ.

Jeremia 42:2 ပူးပေါင်းရင်းမြစ်များ

1 Ruodhi 13:6

Eka ruoth nowacho ni ng’at Nyasaye niya, “Kwana Ruoth Nyasaye ma Nyasachi mondo bada ochangi.” Eka ng’at Nyasaye notimo kamano, mi bade notugore.

Zaburi 119:170

Lemona otundi e nyimi, mondo iresa kaka ne isingori.

Wuok 8:28

Farao nodwokogi niya, “Abiro weyou udhi mondo utim misango ni Ruoth Nyasaye ma Nyasachu e thim, to mana ka ok udhi mabor ahinya. Omiyo koro kwanauru.”

Wuok 9:28

lamnwa Ruoth Nyasaye, nikech pe gi polo osegoyowa mohingo tekowa. Asingora ni abiro weyou mondo udhi ma ok urito gimoro kendo.”

Isaya 1:15

Bende ka uting’o bedeu malo ka ulemo, to abiro umo wang’a mondo kik aneu, kendo kata da bed ni ulemo machal nade, to ok nawinju

Isaya 1:9

Ka dine Ruoth Nyasaye Manyalo Gik Moko Duto ok oreso ji manok kuomwa to dine otiekwa chuth, mana kaka ne otiek Sodom gi Gomora.”

Isaya 37:4

Nyalo bet ni Ruoth Nyasaye ma Nyasachi osewinjo weche Rabshake, ma ruodh Asuria oseoro, mondo oyany Nyasaye Mangima. Omiyo koro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

Isaya 42:20

Useneno gik mathoth, to ok udewgi. Un gi it, to onge gima uwinjo.

Jeremia 15:11

A Ruoth Nyasaye, kapo ni ok asetiyoni maber, kata ka ok asekwayi mondo ikech wasika ka chandruok omako to kuong’ duto ma gikuong’ago mondo omaka.

Jeremia 2:27

Un duto mawacho ni yath ni, ‘In e wuonwa,’ kendo wacho ni kidi ni, ‘In minwa,’ wiu nokuodi. Ne ubaro mi uweya, kendo ne udagi duogo ira, to eka ka masira omakou, to ukwaya mondo abi akonyu!

Jeremia 21:2

“Yie ipenjnwa Ruoth Nyasaye wach, nikech Nebukadnezar ruodh Babulon kedo kodwa. Dipo ka Ruoth Nyasaye otimonwa hono moro kaka ne ojatimo, mi ochun Nebukadnezar mondo owewa.”

Jeremia 36:7

Kamoro dipo ka gilamo Ruoth Nyasaye, mi gilokore giweyo yoregi maricho, nimar osesiemogi ni obiro kumogi gi mirimbe mager.”

Jeremia 37:20

Omiyo jaduong’, akwayi ni ichik iti, kendo itim gima awacho. Kiyie, to kik idwoka e od Jonathan ma jang’adni rieko, nimar ka idwoka, to en adier ni abiro tho kuno.”

Jeremia 37:3

Ruoth Zedekia nooro Jehukal wuod Shelemia kod Zefania wuod Maaseya ma jodolo ir Jeremia mondo giwachne niya, “Yie ilamnwa Ruoth Nyasachwa.”

Jeremia 38:14

Ruoth Zedekia nogolo chik mondo okel Jeremia janabi e rangach mar adek mar Hekalu, kendo kane osekele ire, ne owachone niya, “Adwaro penji wach, to kik ipanda gimoro kata achiel.”

Jeremia 40:15

Eka Johanan nowachone ling’ling’ niya, “We mondo adhi aneg Ishmael, kendo onge ng’ama biro ng’eyo ni an ema anege. Ere gima omiyo diwe mondo onegi, to mano nyalo miyo jo-Yahudi duto moseduogo iri ke, mi ji duto modong’ e Juda rum?”

Jeremia 42:20

mano dibed ketho maduong’! Ne uora ir Ruoth Nyasachwa kuwachona niya, ‘Lamnwa Ruoth Nyasachwa, kendo inyiswa weche duto mowacho mondo watigo.’

Ywagruok 1:1

Mano kaka dala Sayun mane ji ng’enyie tinde odong’ nono! Chon ogendini ne kwane ka dala maduong’, to koro osedong’ mana ka chi liel. Adier, chon ne en ruodh mier duto, to tinde ochalo mana ng’ama tiyo tich misumba.

Ezekiel 12:16

Anawe moko manok kuomgi tony e lweny, kendo e kech gi tuoche, mondo kuonde ma gintie e kind ogendini, ging’e ni timbegi osebedo modwanyore kendo ging’e ni an e Ruoth Nyasaye.”

Hosea 8:10

To koro abiro chokogi mondo akumgi! Piyopiyo nono gibiro neno malit ka ruodh Asuria sandogi.

Tim jo-Lawi 26:22

Anaor ondiegi mondo omak nyithindu, mi ginineg jambu kendo ginimi udong’ manok, bende wang’ yore duto muluwo notho.

Amos 7:2

E fwenyno naneno ka bonyogo osetieko chamo gimoro amora mang’ich e piny. Eka ne awacho niya, “A Ruoth Nyasaye, ng’wonni jogi, ma joka Jakobo. Ere kaka ginyalo resore, to ginok kamano?”

Mathayo 24:22

Ka dine Nyasaye ok osechano mondo ong’ad kar romb ndalogo, to onge ng’ama dotony. To Nyasaye nong’ad ndalogo nikech joma oyiero.

Tich Joote 8:24

Simon nodwoko Petro gi Johana ni, “Yieuru ulamna Ruoth, mondo gik musewachogo kik timrena.”

Rapar mar Chik 28:62

Kata obedo ni ung’eny ka sulue manie polo kamano, to ji manok kuomu kende ema nodong’ nikech ne ok uwinjo wach Ruoth Nyasaye ma Nyasachu.

Rapar mar Chik 28:63

Ruoth Nyasaye nobed mamor kokethou, kendo kotiekou mana kaka nobedo mamor koguedhou kendo omiyo unya, mi nogolu gi thwon e piny ma udonjoe mondo ukau.

Rapar mar Chik 4:27

Ruoth Nyasaye noriembu, kendo nokeu e kind ogendini mamoko, mi nudong’ ji manok e kindgi.

Jakobo 5:16

Emomiyo, ng’ato ka ng’ato mondo ohul richone ni wadgi, kendo ng’ato ka ng’ato olem ni wadgi mondo obed mangima. Lemo mar ng’at makare nigi teko kendo timo gik madongo.

1 Samuel 12:19

Ji duto nowacho ni Samuel niya, “Kwanwa Ruoth Nyasaye ma Nyasachi mondo kik watho, kane wakwayo mondo wabed gi ruoth, to ne wamedo mana richo ewi moko.”

1 Samuel 12:23

To an bende, asingora ni ok naketh e nyim Ruoth Nyasaye, kaweyo lemonu kendu nyisou yo maber kendo makare.

1 Samuel 7:8

Ne giwacho ni Samuel niya, “Kik iwe kwayonwa Ruoth Nyasaye ma Nyasachwa mondo oreswa e lwet jo-Filistia.”