Jeremia 42:14 - MUMA MALER 2015

¹⁴ Bende kik uwach ni, ‘Ooyo, wabiro dhi mondo wadag e piny Misri, kuma ok wanyal chako nenoe lweny, kata winjoe tung’ ma luongowa mondo wadhi e lweny kata bedo kech.’

Motingʼo Loko Manyien

¹⁴ kendo ka uwacho ni, ‘Ooyo, wanadhi kendo wadag Misri, kama ok wana neye lweny kata winjo turumbete kata bedo gi kech mar makati,’

Jeremia 42:14 ပူးပေါင်းရင်းမြစ်များ

Wuok 16:3

ka giwacho niya, “Mad ne Ruoth Nyasaye negwa e piny Misri, kuma ne wanyalo betie piny gi tap ring’o e nyimwa, mwachiem mana kaka wadwaro. To koro usekelowa e thimni mondo kech onegwa waduto!”

Wuok 17:3

To ji ne riyo oloyo malich, omiyo ne giywakne, ka giwacho niya, “Ere gimomiyo nigolowa Misri gi nyithindwa kod jambwa mondo riyo obi onegwa?”

Isaya 30:16

mi uwacho niya, “Ooyo, wabiro idho farese mondo waringi.” To mano ber, ringuru aringa, uyombi, kunyalo! To kata obedo ni uringo matek manade, to wasiku biro ringo matek mi juku.

Isaya 30:2

Urikni kudhi Misri mondo uyud resruok kuom Farao, kendo ugeng’oru e tipo mar Misri, to ok upenja.

Isaya 31:1

Mano kaka utimo gima ofuwo, un joma dhi Misri mondo uyud konyruok! Uketo genou kuom farese, kendo kuom geche mag lweny mang’eny ka kuoyo, kod joidh farese gana gi gana, to ok udew Ruoth Nyasaye ma Ng’ama Ler mar Israel, kata kwaye mondo otelnu.

Jeremia 4:19

Iya nyawni! Awinjo rem malit! Yaye chunya! Chunya diko malit! Ok anyal ling’ nikech awinjo tung’ gi mahu mag lweny.

Jeremia 4:21

Nyaka karang’o ma ananeye bandeche mag lweny ka kwadhore, kendo nawinjie tung’ lweny ka ywak.

Jeremia 41:17

Ne gia Gibeon, mi gibuoro Gerush-kimham but Jerusalem, ka gidhi e piny Misri

Jeremia 43:7

Ne gitamore winjo chik Ruoth Nyasaye, mi giduto gidhi Tapanhes e piny Misri.

Kwan 14:3

Ere gima omiyo Ruoth Nyasaye okelowa e pinyni mondo watho e lweny, kendo omak mondwa gi nyithindwa? Donge diber ka wadok Misri?”

Kwan 14:4

Eka ne gimedo wacho niya, “Wayier ng’ato mondo odwokwa Misri.”

Kwan 16:13

Iparo ni gol mane igolowago e piny maber kendo momew mondo watho e thim ka, en gima tin koso, ma pod idwaroe mana ni nyaka ibed jatendwa?

Rapar mar Chik 17:16

Kik ruodhno bed gi farese mang’eny, to bende kik oor jo-Israel Misri mondo oomne farese moko ni eka omed bedo gi farese mang’eny, nimar Ruoth Nyasaye nokwerou ni kik udog kuno kendo ngang’.

Rapar mar Chik 29:19

Ka ng’atno owinjo weche mag singruokni, mi owuondore e chunye ni onge gima biro time, kata koluwo timbene mag wich teko, to mano nokel masira maduong’.