Jeremia 42:10 - MUMA MALER 2015

¹⁰ ‘Ka uyie dhi nyime gi dak e pinyni, to abiro gerou, kendo ok abi kethou. Bende abiro pidhou ka ng’ama pidho yien, kendo ok napudhu. Asebedo ka akuyo nikech masira mane akelo kuomu.

Motingʼo Loko Manyien

¹⁰ ‘Ka idak e pinyni, anageru kendo ok anatieku; anapidhu to ok pudhou oko, nimar asebedo gi lit kuom masiche masekelo kuomu.

Jeremia 42:10 ပူးပေါင်းရင်းမြစ်များ

2 Samuel 24:16

To kane malaika orieyo bade kochiko Jerusalem mondo oketh dalano, Ruoth Nyasaye noloko parone kuom masira ma nodwaro timo mowacho ni malaika mane nego ji niya, “Oromo! Koro dwok lweti.” To noyudo ka malaika mar Ruoth Nyasaye obet but kar dino mar Arauna ja-Jebus.

Zaburi 102:16

E kinde ma Ruoth Nyasaye nochak ogerie Sayun kendo, to enothinyre gi duong’.

Zaburi 106:45

Ne oparo singruok mane otimonigi, mi oloko parone nikech herane maduong’,

Zaburi 37:3

Gen kuom Ruoth Nyasaye mondo itim maber, eka idag e piny gi kue.

Zaburi 69:35

Enores Sayun, kendo nochak oger miech Juda. Joge nodag kuno, kendo nobed weg piny.

Wuok 32:14

Omiyo Ruoth Nyasaye noloko parone, mi koro ne ok okelo ni joge masira mane osewacho.

Jeremia 24:6

Abiro ritogi maber, kendo anaduoggi e pinyni. Abiro gerogi, kendo ok namukgi. Abiro pidhogi, kendo ok napudhgi.

Jeremia 26:19

To uparo ni ruoth Hezekia kod joge nonego Mika koso? Ooyo ne ok ginege, to Hezekia noluoro Ruoth Nyasaye, mi otemo kueyo mirimb Nyasaye. Kuom mano Ruoth Nyasaye noloko parone kuom masira mane osewacho ni obiro kelo kuomgi. To wan to koro ere gima omiyo wadwaro kelo masira malich kuomwa?”

Jeremia 27:11

To ka oganda moro oyie tiyo ni ruodh Babulon, kendo rwako jokne, to anaweye obed e pinye, mi opure kendo odagie. An Ruoth Nyasaye ema awacho kamano.”

Jeremia 31:28

Kaka ne aketo chunya mondo apudhgi, kendo agogi piny, kendo akethgi, e kaka abiro keto chunya mondo apidhgi kendo agergi.

Jeremia 33:7

Abiro miyo jo-Juda gi jo-Israel dhi nyime maber, kendo anachak agergi, mi gibed mana kaka ne gin chon.

Jeremia 43:4

Kamano Johanan gi jotend lweny kod ji duto notamore winjo chik Ruoth Nyasaye mondo odong’ e piny Juda.

Ezekiel 36:36

Bang’e ogendini mokiewo kodu ma osetony e lweny nong’e ni an Ruoth Nyasaye ema asewacho ni abiro timo kamano, kendo abiro time mak orem!’

Hosea 11:8

“To ere kaka daweu, un jo-Israel? Koso ere kaka dajwang’u? Bende datieku adier, kaka ne atieko jo-Adma? Koso anyalo timonu kaka ne atimo ni jo-Zeboim? Ooyo, ok anyal timonu kamano, nikech aherou ahinya.

Joel 2:13

Chunyu mondo otur, eka onyis ni uywagoru, to kik uyiech ayiecha lepu.” Duoguru ir Ruoth Nyasaye ma Nyasachu, nikech ong’won kendo okecho ji. Iye ok wang’ piyo, kendo onyiso herane mosiko, bende chunye lor a kuom kelo ni ji masira.

Amos 7:3

Mi chuny Ruoth Nyasaye nolendo, mowacho niya, “Ee, ayie. Gima kamano ok notimre.”

Amos 7:6

Mi chuny Ruoth Nyasaye nochako olendo, mowacho niya, “Mano bende ok bi timore.”

Jona 3:10

Nyasaye noneno gima ne gitimo, mokaka ne giweyo yoregi maricho. Omiyo nolokore, mi ok okelo masira kuomgi kaka nosesiemogi.

Jona 3:4

Jona nodonjo e dala, mowuotho kuom odiechieng’ achiel. Eka nogoyo milome kama: “Bang’ ndalo piero ang’wen, ibiro ketho Nineve!”

Jona 4:2

Omiyo nowacho ni Ruoth Nyasaye niya, “A Ruoth Nyasaye, kane pod an thurwa, donge nawacho ni ibiro timo gima kama? Mano emomiyo ne atemo ringo mondo adhi Tarshish, nikech nang’eyo ni in Nyasaye ma jang’wono, kendo makecho ji. Iyi ok wang’ piyo, kendo inyiso hera mosiko, bende chunyi lor a kuom kelo ni ji masira.

Tich Joote 15:16

‘Ruoth Nyasaye wacho ni, “Bang’ wechego anaduogi, kendo anachung od Daudi mosepodho. Anachak ager kuonde momukore, mi achunge kendo.

Rapar mar Chik 32:36

“Adier, ka Ruoth Nyasaye oneno ni joge ool, kendo ni onge kata ng’at achiel modong’ makonyogi, to obiro ng’adonigi bura maber, kendo obiro kechogi.

Jong’ad Bura 2:18

Kinde ka kinde mane Ruoth Nyasaye oketoe ni jo-Israel jatelo, nokonyo jatelono, kendo norito jo-Israel e lwet wasikgi kuom ndalo duto mane jatelono pod ngima. Ruoth Nyasaye ne kecho jo-Israel nikech ne giywak ka wasikgi sandogi kendo thirogi.