Jeremia 41:18 - MUMA MALER 2015

¹⁸ mondo gitony gia e lwet jo-Babulon. Ne giluoro jo-Babulon nikech Ishmael ne osenego Gedalia, mane ruodh Babulon oketo jatend piny Juda.

Motingʼo Loko Manyien

¹⁸ mondo gipondne jo-Babulon. Ne giluorogi nikech Ishmael wuod Nethania nosenego Gedalia wuod Ahikam, mane ruodh Babulon oyiero kaka jatelo e pinyno.

Jeremia 41:18 ပူးပေါင်းရင်းမြစ်များ

2 Ruodhi 25:22

To kuom joma nodong’ e piny Juda, Nebukadnezar ruodh Babulon noyiero Gedalia wuod Ahikam ma wuod Shafan, mondo obed jatendgi.

2 Ruodhi 25:25

To e due mar abiriyo, Ishmael wuod Nethania ma wuod Elishama ma anywola joka ruoth, nobiro gi ji apar, momonjo Gedalia. Ne ginege, kaachiel gi jo-Yahudi kod jo-Babulon mane ni kode Mizpa.

Isaya 57:11

To en ng’a ma iluoro ahinya, ma omiyo iweya, ma ok inyal para, kata mana rwaka e chunyini? Koso idagi luora nikech ne ineno ka aling’ aling’a, mi achalo ng’ama ok oneni?

Jeremia 40:5

Jeremia ne ok dwar dhi Babulon, omiyo Nebuzaradan nowachone niya, “Dogi ir Gedalia wuod Ahikam ma nyakwar Shafan, ma ruodh Babulon oseketo jatend miech Juda. Inyalo bet kode mondo idag gi jou, kata inyalo dhi kamoro amora mihero.” Bang’ mano, nomiyo Jeremia chiwo kod chiemo, mi oweye odhi.

Jeremia 42:1

Jotend lweny duto kaka Johanan wuod Karea gi Azaria wuod Hoshaya kod ji mamoko duto te nobiro ir Jeremia janabi,

Jeremia 42:11

Weuru luoro ruodh Babulon, nikech an kodu, kendo abiro konyou, mi aresu ua e tekone. An Ruoth Nyasaye ema awacho kamano.

Jeremia 42:16

to lweny ma uluorono biro jukou, kendo kech ma uparono bende biro luwou, mi utho e piny Misri kuno.