Jeremia 41:1 - MUMA MALER 2015

¹ E due mar abiriyo, Ishmael wuod Nethania ma nyakwar Elishama ma anywola joka ruoth, nobiro Mizpa gi ji apar mondo oneg Gedalia wuod Ahikam. Kane oyudo gichiemo kode kuno.

Motingʼo Loko Manyien

¹ E dwe mar abiriyo Ishmael wuod Nethania, ma wuod Elishama, mane aa e anywola mar joka ruoth kendo ma bende ne achiel kuom jotend ruoth, nobiro Mizpa gi ji apar ir Gedalia wuod Ahikam. E kinde mane gichiemo kanyakla kanyo,

Jeremia 41:1 ပူးပေါင်းရင်းမြစ်များ

2 Samuel 3:27

Kane Abner oduogo Hebron, Joab nobaro kode but rangach, ka gima odwaro wuoyo kode ling’ling’, mi nochwowo bund iye, monege, kochulo kuor nikech remb Asahel owadgi.

2 Ruodhi 11:1

Kane Athalia min Ahazia oneno ni wuode osetho, nonego joka ruoth duto.

2 Ruodhi 25:22

To kuom joma nodong’ e piny Juda, Nebukadnezar ruodh Babulon noyiero Gedalia wuod Ahikam ma wuod Shafan, mondo obed jatendgi.

2 Ruodhi 25:25

To e due mar abiriyo, Ishmael wuod Nethania ma wuod Elishama ma anywola joka ruoth, nobiro gi ji apar, momonjo Gedalia. Ne ginege, kaachiel gi jo-Yahudi kod jo-Babulon mane ni kode Mizpa.

2 Weche mag Ndalo 22:10

Kane Athalia min Ahazia oneno ni wuode osetho, nonego jood ruodh Juda duto.

Zaburi 109:5

Gichula richo kar ber, kendo sin kar hera ma aherogigo.

Zaburi 41:9

Koda ka osiepna ma ageno moloyo, kendo mane chiemo koda, bende oselokore jasika.

Ngeche 13:10

Sunga ok kel gimoro, to okelo mana miero, omiyo ber mondo ng’ato odwar rieko kuom ji.

Ngeche 27:4

Mirima kwiny, kendo ketho gik moko. Nyiego to rach moloyo!

Jeremia 36:12

ne odhi e dala ruoth modonjo ei od jang’ad ni ruoth rieko, kama ne oyudo jotelo duto nitie ka yalo. Elishama ma jang’ad ni ruoth rieko, kod Delaya wuod Shemia gi Elnathan wuod Akbor, gi Gemaria wuod Shefan gi Zedekia wuod Hanania kod jotelo mamoko duto ne oyudo ni kuno.

Jeremia 36:20

Jotelogo nokawo kitabuno mokano e od Elishama ma jang’ad ni ruoth rieko, eka ne gidhi e laru mar od ruoth, mi ginyiso ruoth weche duto.

Jeremia 39:14

ne ooro joote ir Jeremia, mogole e laru mar od jorit. Ne gikete e lwet Gedalia wuod Ahikam ma nyakwar Shafan mondo otere dala maber. Kamano Jeremia nodak gi joge.

Jeremia 40:13

Bang’e Johanan wuod Karea kod jotend lweny mane pok ochiwore e lwet ruodh Babulon nobiro Mizpa ir Gedalia,

Jeremia 40:5

Jeremia ne ok dwar dhi Babulon, omiyo Nebuzaradan nowachone niya, “Dogi ir Gedalia wuod Ahikam ma nyakwar Shafan, ma ruodh Babulon oseketo jatend miech Juda. Inyalo bet kode mondo idag gi jou, kata inyalo dhi kamoro amora mihero.” Bang’ mano, nomiyo Jeremia chiwo kod chiemo, mi oweye odhi.

Jeremia 40:6

Kamano Jeremia nodhi Mizpa, mobet gi Gedalia, kaachiel gi joma noyudo odong’ piny Juda.

Jeremia 40:7

Noyudo jotend lweny moko ma jo-Juda, kod jolwenjgi pok ochiwore e lwet jo-Babulon. Ne giwinjo ni ruodh Babulon oseketo Gedalia wuod Ahikama jatend piny Juda, mondo orit ji duto mane oter e tuech Babulon. Mago ne joma odhierie moloyo e piny Juda.

Jeremia 40:8

Omiyo Ishmael wuod Nethania gi Johanan wuod Karea gi Seraya wuod Tanhumeth kod yawuot Efai ja-Netofa gi Jezania ja-Makath ne jokawo jogi modhigo Mizpa ir Gedalia.

Ezekiel 17:13

Ne okawo owadgi ruoth moro, mi otimogo winjruok, komiyo kuong’ore. Joma dongodongo to nokawo, mi otero e tuech,

Johana 13:18

“To ok awuo kuomu uduto, nimar ang’eyo joma aseyiero. To Muma wacho niya, ‘Ng’at machiemo koda oselokore jasika’, kendo wachno nyaka timre.