Jeremia 40:9 - MUMA MALER 2015

⁹ Eka Gedalia nowachonigi niya, “Awachonu adier ni ok onego uluor chiworu e lwet jo-Babulon. Daguru adaga e pinyni mondo uti ni ruodh Babulon, to ubiro dhi nyime maber.

Motingʼo Loko Manyien

⁹ Gedalia wuod Ahikam, ma wuod Shafan, nokwongʼore kosingorenegi kaachiel gi jogo mane ni kodgi kawacho niya, “Kik uluor tiyone jo-Babulon. Daguru e pinyni kendo uti ne ruodh Babulon, to unudhi maber.

Jeremia 40:9 ပူးပေါင်းရင်းမြစ်များ

Chakruok 49:15

Noneno ni bedo gi dala en gima ber, kendo oneno bende kaka pinyno ber, omiyo noyie ting’o misigo, modoko misumba matiyo tich matek.

2 Ruodhi 25:24

Gedalia nokuong’orenigi kowacho niya, “Kik uluor jo-Babulon. Daguru adaga e pinywani kuyie loch ruodh Babulon, to unune maber.”

Zaburi 128:2

Iniyud gik moko duto misetiyonigi, bende inidhi maber, kendo inibed mamor.

Zaburi 37:3

Gen kuom Ruoth Nyasaye mondo itim maber, eka idag e piny gi kue.

Jeremia 27:11

To ka oganda moro oyie tiyo ni ruodh Babulon, kendo rwako jokne, to anaweye obed e pinye, mi opure kendo odagie. An Ruoth Nyasaye ema awacho kamano.”

Ywagruok 1:1

Mano kaka dala Sayun mane ji ng’enyie tinde odong’ nono! Chon ogendini ne kwane ka dala maduong’, to koro osedong’ mana ka chi liel. Adier, chon ne en ruodh mier duto, to tinde ochalo mana ng’ama tiyo tich misumba.

Ywagruok 5:9

Wayudo chiembwa kwachiwo ngimawa, nikech jolweny manyalo monjowa nie thim.