Jeremia 40:12 - MUMA MALER 2015

¹² Mano omiyo jo-Yahudi noa kuonde duto mane oseketgie, mi giduogo e piny Juda. Ne gidhi Mizpa ir Gedalia, kendo ne gichoko divai kod olemo mogundho.

Motingʼo Loko Manyien

¹² giduto negibiro e piny Juda, e Mizpa ir Gedalia, ka gia e pinje duto mane okegie. Kendo negikayo divai mathoth kod olembe mag ndalo oro.

Jeremia 40:12 ပူးပေါင်းရင်းမြစ်များ

Ngeche 27:25

Ka ibeto lum, mi iweyo lum manyien oloth, kendo ka ichoko ni jambi lum e kor gode,

Isaya 16:9

Kuom mano, abiro ywago mzabibu mag Sibma mana kaka aywago Jezer. Un jo-Heshbon kod jo-Eleale, pi wang’a biro lwokou, nimar mahu mar lweny ema biro winjore e puotheu mag olembe monyak maber.

Jeremia 40:10

An abiro dak Mizpa, kendo anabed jaoteu ka jo-Babulon obiro ka. To unyalo choko divai gi olemo kod mor zeituni mondo ukan, kendo udag e mier ma usekawo.”

Jeremia 40:13

Bang’e Johanan wuod Karea kod jotend lweny mane pok ochiwore e lwet ruodh Babulon nobiro Mizpa ir Gedalia,

Jeremia 41:10

Bang’e ne okawo nyi ruoth kaachiel gi ji mamoko duto man Mizpa mane Nebuzaradan jatend lweny maduong’ oseketo e bwo Gedalia. Kane osemakogi kamano, nochako wuoth kochomo yo piny Amon.

Jeremia 43:5

Omiyo Johanan kod jotend lweny nokawo ji duto mane odong’ Juda, mi gidhigo Misri kaachiel gi ju duto mane oseduogo mondo odag e piny Juda koa e pinje mane oyudo osekegie.

Jeremia 44:18

To nyaka ne wawe timo misengni ni ruoth madhako mar polo, kendo wawe chiwone misengni miolo piny, wasebet modhier maonge gimoro, kendo lweny gi kech osenego jowa.”

Ezekiel 34:6

Kamano romba bayo abaya ewi gode, kendo gike kuonde duto e pinyu, to onge ng’ama manyogi kata ma temo mondo ochokgi.