Jeremia 40:10 - MUMA MALER 2015

¹⁰ An abiro dak Mizpa, kendo anabed jaoteu ka jo-Babulon obiro ka. To unyalo choko divai gi olemo kod mor zeituni mondo ukan, kendo udag e mier ma usekawo.”

Motingʼo Loko Manyien

¹⁰ An awuon anadag Mizpa mondo achungʼ karu e nyim jo-Babulon mabiro irwa, to un onego uka olembe, divai, olembe mag ndalo oro gi mo, kendo uketgi e agulniu mag keno, kendo udag e dala ma usekawo.”

Jeremia 40:10 ပူးပေါင်းရင်းမြစ်များ

2 Samuel 16:1

Noyudo Daudi oselor matin koa ewi got, eka Ziba jatich Mefibosheth noromone, ka nigi kenje ariyo moting’o makati mia ariyo, gi tombo mia achiel mag olemb mzabibu motwo, kod olembe moko mia achiel gi divai e ndede mar pien.

1 Ruodhi 10:8

Mondi kod jotichni johawi ma winjo riekoni ndalo duto!

Ngeche 22:29

Ng’at ma ong’eyo tije maber ok ti ni ji ajiya, to tiyo mana ni ruodhi.

Ngeche 27:25

Ka ibeto lum, mi iweyo lum manyien oloth, kendo ka ichoko ni jambi lum e kor gode,

Isaya 16:9

Kuom mano, abiro ywago mzabibu mag Sibma mana kaka aywago Jezer. Un jo-Heshbon kod jo-Eleale, pi wang’a biro lwokou, nimar mahu mar lweny ema biro winjore e puotheu mag olembe monyak maber.

Jeremia 35:19

Kuom mano an Ruoth Nyasaye Manyalo Gik Moko Duto, kendo ma Nyasach Israel asingora ni e kinde duto nobedie nyakwar Jonadab wuod Rekab ma tiyona.”

Jeremia 39:10

Joma odhier ahinya maonge gimoro ema noweyo e piny Juda, mi omiyo puothe mag mzabibu gi mag cham.

Jeremia 40:12

Mano omiyo jo-Yahudi noa kuonde duto mane oseketgie, mi giduogo e piny Juda. Ne gidhi Mizpa ir Gedalia, kendo ne gichoko divai kod olemo mogundho.

Jeremia 40:6

Kamano Jeremia nodhi Mizpa, mobet gi Gedalia, kaachiel gi joma noyudo odong’ piny Juda.

Jeremia 43:5

Omiyo Johanan kod jotend lweny nokawo ji duto mane odong’ Juda, mi gidhigo Misri kaachiel gi ju duto mane oseduogo mondo odag e piny Juda koa e pinje mane oyudo osekegie.

Jeremia 48:32

Abiro ywago jo-Sibma moloyo kaka ne aywago jo-Jazer. A yaye, dala mar Sibma, ichalo gi yiend mzabibu ma bedene oyarore nyaka Nam Kado, mi ochweyo nyaka Jazer. To koro olembeni gi divai mari osekethi!

Mika 7:1

A yaye! Koro achalo ng’ama kech kayo, mobiro pono olemo, to oyudo ka yath odong’ nono, ma onge olemo minyalo cham kata mana ng’owo mamitna manyak atamalo.

Luka 21:36

Omiyo beduru motang’ kulemo pile mondo uyud teko mar tony e gik mabiro timore duto, kendo uchung’ e nyim Wuod Dhano.”

Rapar mar Chik 1:38

to Joshua wuod Nun matiyoni ema nodonj kuno. Kuom mano, jiwe mondo obed motegno, nimar en ema nomi jo-Israel okaw pinyno.

Rapar mar Chik 16:13

“Kusetieko kayo ngano kendo pono mzabibu, to nyaka utim Sap Kiche kuom ndalo abiriyo.