Jeremia 4:31 - MUMA MALER 2015

³¹ Ne awinjo ywak ka mar dhako ma muoch kayo. Ee, mana kaka mar dhako ma hango nywol. Kara ne en mana dwond Jerusalem, ma gamo yueyo, kendo orieyo bade kawacho niya, “Arumo! Chunya dwaro a, nikech jonek lwora mondo onega.”

Motingʼo Loko Manyien

³¹ Awinjo ywak kaka mar dhako mamuoch kayo, lit mana ka dhako ma nywolo nyathine makayo, ywak mar Nyar Sayun ka gamo yweyo, kotengʼo bedene kendo owacho, “To mano kaka apodho; ngimana omi jonek.”

Jeremia 4:31 ပူးပေါင်းရင်းမြစ်များ

Chakruok 27:46

Kuom mano, Rebeka nowacho ni Isaka niya, “Mond Esau ma nyi pinje mokogi ojoga. Ka dipo ni Jakobo bende okendo mana nyar Hiti, to ber katho.”

Ayub 10:1

Aol gi bedo mangima, omiyo koro abiro hulo chandruokna duto, nikech chunya lit.

Zaburi 120:5

Dak e kindu rach mana ka dak e piny Meshek, kata ka dak e kind jo-Kedar!

Isaya 1:15

Bende ka uting’o bedeu malo ka ulemo, to abiro umo wang’a mondo kik aneu, kendo kata da bed ni ulemo machal nade, to ok nawinju

Isaya 13:8

Rem bende noneggi mana ka dhako ma muoch kayo. Ng’ato ka ng’ato nong’i wadgi ka kihondko omako, kendo ka neno awedho.

Isaya 21:3

Kane aneno fwenyno ne apuodora ka rem rama malit, mana ka dhako ma muoch kayo. Gik mane aneno kendo awinjo ne ogoya gi kibaji, mi adhier nono.

Isaya 26:17

Kaka dhako winjo rem kendo ywak ka muoch kayo, e kaka wachalo ka wan e nyimi, A Ruoth Nyasaye.

Isaya 42:14

An Ruoth Nyasaye, aseling’ kuom ndalo mang’eny, ka abedo gi kue, kendo ka aterora mos, to koro abiro ywak ka dhako ma muoch kayo, ka aomo chunya, kendo agamo yueyo.

Isaya 6:5

Kane aneno kamano, ne aywak, ka awacho niya, “A yaye, piny lichna! Aruenyo, nimar an ng’at ma dhoge ochido, kendo adak e kind ji ma dhogi ok ler, to eka aseneno Ruoth Nyasaye Manyalo Gik Moko Duto gi wang’a awuon!”

Jeremia 10:19

Jo-Jerusalem ywak niya, “Mano kaka wahinyore malit, kendo adhondewa ok nyal chango, to ne waparo ni en gima wanyalo dhilgo.

Jeremia 13:21

Unuwach ni ji ang’o ka joma yande uparo ni osiepeu ema koro oket e wiu ka jotendu? Ubiro bedo gi rem mana ka dhako ma muoch kayo!

Jeremia 14:18

Ka awuok oko e pap, to aneno ringre joma onegi e lweny, to ka adonjo e dala moro, to aneno joma kech nego. Jonabi gi jodolo dhi nyime gi tijegi, to chutho ok ging’eyo gima gitimo.’ ”

Jeremia 15:18

Ere gima omiyo asiko ka an gi rem malit? Ang’o momiyo adhondena ok nyal chango? Koso idwaro bedona ka aora ma duono ndalo oro?”

Jeremia 18:21

To koro Ruoth Nyasaye, we kech oneg nyithindgi, kendo we githo e lweny. Joma chwo gi nyithindo mondo otho, kendo mon mondo odong’ mond liete, kendo maonge nyithindo. Tuoche mondo oneg jodongo, to yawuowi mondo otho e lweny.

Jeremia 22:23

Un joma odak Lebanon, moloso kuonde dakgi e yiend sida, unuywag manade ka rem malit ka rem mar muoch ochopo kuomu!”

Jeremia 30:6

Koro ling’uru mondo upar ane. Bende dichwo dinywol nyathi? Ere gima omiyo ji duto kirni?

Jeremia 45:2

Baruk niya, “Weche ma Ruoth Nyasaye ma Nyasach Israel owacho kuomi e magi:

Jeremia 48:41

Miechgi gi kuondegi mochiel motegno ibiro kawo. Chieng’no jolweny mag Moab nobed gi kihondko mana ka dhako ma muoch kayo.

Jeremia 49:22

Wasigu nomonj Bozra mana ka achuth mopodho piny kuom gima otho, koa malo e kor polo ka buombene oyarore. Chieng’no jolweny mag Edom kihondko nomaki mana ka dhako ma muoch kayo.”

Jeremia 49:24

Jo-Damaski osedoko manyap, kendo gisewichore mondo giring ka kihondko omakogi. Piny ochamogi kendo giwinjo rem mana ka dhako ma muoch kayo.

Jeremia 50:43

Ruodh Babulon owinjo wach, mi thudhno omako lwete, kendo kibaji goye mana ka dhako ma muoch kayo.

Jeremia 6:2

Un jo-Sayun uchalo gi lek maber mar jamni,

Ywagruok 1:17

Sayun ting’o bedene malo ka ywak, to onge ng’ama nyalo kueyo chunye. Ruoth Nyasaye osechiko ni mondo joma odak mokiewo gi joka Jakobo odok mamon kodgi. Jerusalem oselokorenigi ka nanga mochido mowiti.

Ywagruok 1:20

A Ruoth Nyasaye neye kaka anie chandruok malit! Chunya chandore, kendo iya nyawni, nikech asepiem kodi marach ahinya. Lweny nego ji oko e thim, mana kaka tho bende neko dala e udi, kendo nyithindo dong’ kiye.

Ywagruok 2:21

Joma dongo gi joma tindo duto nindo piny e wang’ yore. Nyiga gi yawuota lweny gi kech osenego. Isenegogi ka in gi mirima. Adier, isetiekogi ka ok ikechogi ngang’.

Hosea 13:13

Jo-Israel nigi thuolo mar chako ngima manyien, to gimemore ka nyathi ma idwaro nywolo, to ok ong’eyo kaka onego wuogi!

Mika 4:10

Un jo-Jerusalem, rudhreuru arudha e lowo kuywak mana ka dhako manywol, nimar nyaka koro ua e dalau udhi udag oko e thim, kiterou Babulon, kuma Ruoth Nyasaye nokonyoue, kendo noresue kuom wasiku.

Mika 4:9

Ere gima omiyo iywak matek? Ionge gi ruoth koso? Koso ionge gi joma ding’adni rieko, momiyo rem chami malit ka dhako ma muoch kayo?.

Mika 7:1

A yaye! Koro achalo ng’ama kech kayo, mobiro pono olemo, to oyudo ka yath odong’ nono, ma onge olemo minyalo cham kata mana ng’owo mamitna manyak atamalo.

Mathayo 21:5

‘Nyisuru jo-Sayun ni, Neuru! Ruoth biro iru, kamuol, kendo koidho kanyna. Chutho oidho kanyna matin. Adier, en mana nyathi kanyna.’

1 Jo-Korintho 9:16

To chutho ok anyal sungora kuom lando Injili, nimar ochuna ni nyaka aland Injili, kendo dane malit ahinya ka ok alando Injili.

1 Jo-Thesalonika 5:3

ji nobed kawacho ni kue nitie, kendo weche ni kare, to ka diemo wang’ nono masira nopogi, mana kaka muoch poyo dhako man gi ich, kendo ok ginitony kata matin.