Jeremia 4:28 - MUMA MALER 2015

²⁸ Ji duto modak e piny noywagi, kendo polo nolokre mudho. Ruoth Nyasaye osewacho, kendo ok nolok parone! Oseparo mogik, kendo ok nodog chien.

Motingʼo Loko Manyien

²⁸ Omiyo piny biro dengo kendo polo malo notim mudho, nikech asewuoyo kendo ok analok pacha, asengʼado wach chuth kendo ok anadog chien.”

Jeremia 4:28 ပူးပေါင်းရင်းမြစ်များ

Isaya 24:4

Piny notwo kendo gik mantie noner. Adier, piny duto noner kendo notwo, koda ka kuonde moting’ore duto.

Isaya 34:4

E ndalono gik moko duto manie polo malo noleny, mi lal nono. Polo bende nodol mana ka kalatas, kendo sulue nolwar piny mana ka oboke moner, kata ka olemo mochiek.

Isaya 5:30

Ginikog kuom jo-Israel chieng’no, mana ka nam matwaro, kendo ka ng’ato orango piny to mudho gi chandruok ema none, bende wang’chieng’ noimre e boche polo.

Isaya 50:3

Aloko polo doko marateng’ ti, mana ka gima aume gi pien.”

Jeremia 12:11

Gisekethe, ma oriere e nyima kanyo ma onge tich. Piny duto oselokore thim, to onge ng’ama dewo.

Jeremia 12:4

Nyaka karang’o ma pinywa biro bedo motwo, kendo lum manie lege biro wang’ie? Le gi winy tho, nikech timbe maricho mag joma odak e pinyni, mawacho ni ok ine gik maricho ma gitimo.”

Jeremia 14:2

“Jo-Juda ywak kendo miechgi kethore. Jogi oriere piny kokuyo, kendo jo-Jerusalem ywak mondo okonygi.

Jeremia 23:10

Joma oseweyo Ruoth Nyasaye opong’o piny. Timbegi richo, kendo gikonyore gi tekogi e yo marach. Piny ywak kendo lege otwo nikech osekuong’gi.

Jeremia 23:20

Ok obi rumo kapok otieko timo gik ma adwaro. E ndalo mabiro un joga ubiro ng’eyo tiend wechegi duto malong’o!”

Jeremia 30:24

Ok obi rumo kapok otieko timo gik ma adwaro timo. E ndalo mabiro, ubiro ng’eyo wechegi malong’o.

Jeremia 51:12

Chunguro bandera manyiso jolweny mondo omonj ohinga mar Babulon. Jiwuru jorit, kendo keturu jolweny kuondegi, bende keturu jomoko obuti, mondo obuk joma ringo.” Ruoth Nyasaye osetimo gima ne owacho ni notim ni jo-Babulon, mana kaka nochano.

Jeremia 7:16

“In Jeremia, kik ulem ni jogi, bende kik ikwaya wach moro nikech gin, kata kik ihomba, nimar ok nawinji!

Ywagruok 2:17

To Ruoth Nyasaye osetimo gima nochano chon. Adier, osetimo gima nosiemo ji ni obiro timo. Oseketho gik moko ka ok odewo, kendo omiyo wasigu ogoyoni siboi komedo tekogi.

Ezekiel 24:14

An Ruoth Nyasaye ema awacho kamano, kendo gima asewacho biro timore mak orem! Ok nakech ng’ato, kendo ok nang’won ni ng’ato, bende ok nalokra. Anakumi mana maromre gi timbeni duto. An Ruoth Nyasaye ema awacho kamano.”

Hosea 13:14

Uparo ni abiro reso jogi kuom tho, kata konyogi ni kik gidhi e piny joma otho? Ooyo! In tho, bi gi masicheni duto, kendo in piny joma otho, bi gi kethruokni duto, nimar ok abi kecho jogi.

Hosea 4:3

Omiyo pinyni biro two kendo gik moko duto modakie biro tho. Adier, le duto gi winy koda ka rech biro tho.”

Joel 1:10

Puothe ni nono, kendo piny ywak, nimar cham okethore, kendo yiend mzabibu gi yiend zeituni otwo.

Zekaria 8:14

Ruoth Nyasaye Manyalo Gik Moko Duto owacho niya, “Kaka ne awacho ni abiro tiekou, nikech kwereu nomiya mirima, mi ok aloko parona,

Kwan 23:19

Nyasaye ok en dhano ma doriambi. Ooyo, ok en dhano ma dolokre. Osewuoyo, to donge obiro timo kaka owacho? Adier, obiro chopo gima osehulo.

Mathayo 27:45

Piny duto notimo mudho, chakre sa auchiel nyaka sa ochiko,

Mariko 15:33

Kane sa auchiel ochopo, piny duto notimo mudho nyaka sa ochiko,

Luka 23:44

Koro ne en kar sa auchiel mar odiechieng’, to wang’chieng’ noimore, mi piny duto otimo mudho nyaka sa ochiko.

Jo-Efeso 1:11

Nyasaye, mochano gik moko duto mondo obed kaka odwaro nyaka a chakruok, noyierowa wan jo-Yahudi mondo wabed joge owuon kuom Kristo.

Jo-Efeso 1:9

oseelonwa dwarone mopondo, tiende ni oseelonwa gik mane ochano chon kuom ng’wonone, mondo otim kuom Kristo ka ndalo ogik kare.

Jo-Hibrania 7:21

Yesu to ne oket jadolo gi kuong’ruok, kaka Muma wacho ni, “Ruoth Nyasaye osekuong’ore, kendo ok nolokre ngang’ kuom wachne mawacho ni, ‘In jadolo nyaka chieng’.’ ”

Fweny 6:12

Eka ne ang’icho, kendo kane Nyarombo oketho kido mar auchiel, to piny noyiengni matek. Wang’chieng’ nolokore marateng’ ti, kendo due nolokore makwar ka remo.

1 Samuel 15:29

Bende Nyasaye ma en Duong’ Maler mar Israel ok riambi kata lokre, nimar ok en dhano ma dolokre.”