Jeremia 4:15 - MUMA MALER 2015

¹⁵ Winjuru! Jaote moa Dan ema hulo ni masira biro, kendo jago milome moa e gode mag Efraim bende wacho kamano.

Motingʼo Loko Manyien

¹⁵ Koko wuok koa Dan, ka goyo milome mar masira koa e gode matindo mag Efraim.

Jeremia 4:15 ပူးပေါင်းရင်းမြစ်များ

Isaya 52:7

Mano kaka ji mor ka neno jaote makelo wach maber, ka wuotho ewi gode. Jaote wacho ni gik moko koro dhi maber, kendo olando wach resruok. Bende owacho ni jo-Sayun niya, “Nyasachu e ruoth kuonde duto.”

Jeremia 10:22

Winjuru! Wach osebiro! Koko maduong’ timore e piny moro yo nyandwat. Gin jolweny mabiro ketho miech Juda, mi lokre thim ma ondiegi ema dakie.

Jeremia 6:1

Un jo-Benjamin, ringuru mondo utony! Ringuru ua Jerusalem! Gouru tung’ e Tekoa, kendo mokuru mach ewi Beth-hakerem mondo onyis ji ni lweny biro, nimar chandruok kod masira maduong’ chiegni biro koa nyandwat.

Jeremia 8:16

Ne wawinjo ka farese mag wasigu futo ka Dan, kendo ywakgi ne miyo piny duto yiengni. Wasigugo osebiro mondo oketh pinywa, kod gik moko duto mantie, kaachiel gi dalawani kod joma odakie.”

Joshua 17:15

Joshua nodwokogi niya, “Kusenya kamano, kendo uhingo piny gode mag Efraim, to koro dhiuru e bungu manie piny jo-Perizi gi jo-Refaim, mondo ubete obed lopu.”

Joshua 20:7

Kuom mano ne giyiero Kadesh-galili manie piny gode mag Naftali, gi Shekem manie piny gode man Efraim kod Kiriath-arba, miluongo bende ni Hebron, manie piny gode mag Juda.

Jong’ad Bura 18:29

Ne gichake ni Dan, nying kwargi ma wuod Israel. To nying dalano mokwongo ne Laish.

Jong’ad Bura 20:1

Jo-Israel duto, chakre Dan nyaka Beer-sheba, kaachiel gi Gilead, noyworo ni lweny, mochokore Mizpa e nyim Ruoth Nyasaye maonge ng’at modong’.