Jeremia 39:9 - MUMA MALER 2015

⁹ To mogik Nebuzaradan ma jatend lweny nomako joma ne odong’ e dala motero Babulon kaachiel gi joma nosedokne.

Motingʼo Loko Manyien

⁹ Nebuzaradan ma jatend lweny mar piny nomako joma nodongʼ e dala maduongʼ moterogi e twech Babulon, kanyakla gi jogo mane osedhi ire, kod joma moko.

Jeremia 39:9 ပူးပေါင်းရင်းမြစ်များ

Chakruok 37:36

To jo-Midian notero Josef Misri mong’iewe gi Potifar mane achiel kuom jotend Farao, kendo mane jaduong’ jorit od ruoth.

2 Ruodhi 20:18

Yawuoti moko nolok wasumbni. Adier, moko kuom yawuoti hie nolok wasumbni mabuoch e od ruodh Babulon.”

2 Ruodhi 25:11

Bang’e Nebukadnezar nomako ji duto mane odong’ Jerusalem motero Babulon, kaachiel gi joma ne oseringo modok ni ruodh Babulon, kod jotich molony mane pod odong’ kuno.

2 Ruodhi 25:20

Jogo duto notero Ribla ir ruodh Babulon,

Isaya 5:13

Kuom mano, noter joga e tuech e piny mabor kapok gifwenyo ni ginie masira. Kech gi riyo biro nego joma ogen kaachiel gi ji mamoko duto.

Jeremia 10:18

nimar Ruoth Nyasaye owacho ni obiro golo ji duto modak e pinyni, kendo obiro sandou nyaka urum pep.”

Jeremia 16:13

Kuom mano abiro riembou e pinyni, mi ateru e piny ma ok ung’eyo, kata ma kwereu bende ne ok ong’eyo. Kuno unulamie nyiseche mamoko odiechieng’ gotieno, to ok anakechu.’

Jeremia 24:8

“To Zedekia ruodh Juda gi jodonge kod jo-Jerusalem mamoko duto mosedong’ kae, kata mosedhi Misri, abiro kwano mana ka ng’owo maricho ma ok nyal chamgo!

Jeremia 38:19

Ruoth Zedekia nodwoke niya, “Aluoro jo-Yahudi ma oseringo odok ni jo-Babulon, nikech dipo ka ochiwa e lwetgi, mi gisanda.”

Jeremia 40:1

Ruoth Nyasaye nowuoyo gi Jeremia kane Nebuzaradan jatend lweny maduong osegonye Rama. Nosetere kuno kotueye gi nyororo kaachiel gi jomoko duto mane ogol Jerusalem gi Juda, kitero e tuech Babulon.

Jeremia 40:7

Noyudo jotend lweny moko ma jo-Juda, kod jolwenjgi pok ochiwore e lwet jo-Babulon. Ne giwinjo ni ruodh Babulon oseketo Gedalia wuod Ahikama jatend piny Juda, mondo orit ji duto mane oter e tuech Babulon. Mago ne joma odhierie moloyo e piny Juda.

Jeremia 52:26

Jogo duto notero Ribla ir ruodh Babulon,

Jeremia 52:27

mi ruoth nogolo chik, mi ogogi kendo oneggi kuno e piny Hamath. Kamano e kaka nodar jo-Juda e pinygi moter e tuech.

Daniel 2:14

Kane oyudo Ariok jatend jorit ruoth dhi mondo oneg jorieko, Daniel notimo rieko modhi ire,

Tim jo-Lawi 26:33

Anakeu e kind ogendini, kendo nakel lweny kuomu mi pinyu nodong’ gunda, kendo miechu nokethre chuth.

Rapar mar Chik 4:27

Ruoth Nyasaye noriembu, kendo nokeu e kind ogendini mamoko, mi nudong’ ji manok e kindgi.