Jeremia 39:5 - MUMA MALER 2015

⁵ To jolweny mag Babulon nolawogi, mojuko Zedekia e paw Jeriko. Ne gimake mi gitere ir ruoth Nebukadnezar, mane oyudo ni Ribla e gweng’ Hamath, mong’adone bura kuno.

Motingʼo Loko Manyien

⁵ To jolwenj Babulon nolawogi kendo ojuko Zedekia e pewe mag Jeriko. Negimake mi gitere Ribla e piny Hamath ir Nebukadneza ruodh Babulon, kama nongʼadone bura.

Jeremia 39:5 ပူးပေါင်းရင်းမြစ်များ

2 Samuel 8:9

Kane Tou, ruodh Hamath, owinjo ni ruoth Daudi oseloyo lweny mag Hadadezer,

2 Ruodhi 17:24

Ruodh Asuria nogolo ji Babulon gi Kutha gi Ava gi Hamath kod Sefarvaim, moketogi e miech Samaria kar jo-Israel, mi ne gidoko weg pinyno.

2 Ruodhi 23:33

Farao-neko notere Ribla e piny Hamath, motueye kuno, mondo kik obed ruodh Jerusalem, kendo noketo ni jo-Juda osuru moromo kilo alufu adek mag fedha, gi kilo mia adek mag dhahabu.

2 Ruodhi 25:6

Ne gimake mi gitere Ribla ir ruodh Babulon, mong’adone bura kuno.

2 Weche mag Ndalo 33:11

Emomiyo Ruoth Nyasaye nomiyo jotend jolweny mag ruodh Asuria odhi kedo kodgi. Ne gimako Manase gi olowu, kendo ne gitueye gi ratege mag mula, mi gitere Babulon.

Isaya 22:3

Jotendu mag lweny duto noringi, kendo nomaki kapok oywayo atungegi. Kata mana jou marateke bende noring kuma bor.

Jeremia 21:7

To Zedekia ruodh Juda gi jodonge kod jodalani duto ma otony e lweny, kendo otony e kech gi tuo, abiro keto e lwet ruoth Nebukadnezar, kendo e lwet wasikgi ma dwaro negogi. Nebukadnezar biro negogi, kendo ok obi weyogi kata kechogi kata timonigi ng’wono. An Ruoth Nyasaye awacho kamano!”

Jeremia 24:8

“To Zedekia ruodh Juda gi jodonge kod jo-Jerusalem mamoko duto mosedong’ kae, kata mosedhi Misri, abiro kwano mana ka ng’owo maricho ma ok nyal chamgo!

Jeremia 38:18

To ka ok ichiwori e lwetgi, to gibiro kawo dalani, mi giwang’ kendo in ok nitony e lwetgi.”

Jeremia 38:23

Bang’ mano Jeremia nochako onyiso Zedekia niya, “Jo-Babulon nokaw mondi gi nyithindi duto, to in bende ok nitony e lwetgi. Ruodh Babulon nokawi mi teri e tuech, kendo dalani nowang’, mi rum pep.”

Jeremia 4:12

to nobed kalausi ma Ruoth Nyasaye okelo. Ruoth Nyasaye owuon ema koro kumo joge.

Jeremia 44:30

kaketo Farao Hofra ma ruodh Misri e lwet wasike madwaro nege, mana kaka naketo Zedekia ruodh Juda e lwet Nebukadnezar ruodh Babulon mane jasike, kendo mane dwaro nege. Anamiu ranyisino mondo ung’e ni nakumu kaeri, kendo ni anakel masira kuomu kaka ne asesingora.’ ”

Jeremia 49:23

Ruoth Nyasaye nowuoyo kuom jo-Damaski niya, “Joma odak Hamath gi Arpad luoro omako, kendo chunygi chandore nikech gisewinjo wach marach. Chunygi ling’ore mana ka apaka mar Nam Makwar, kendo ok ginyal yudo yueyo.

Ywagruok 1:3

Kane jo-Juda osepodho, mi othirgi, ne otergi e tuech. Koro gidak e kind ogendini, to kuondego bende ok giyudie kue. Joma ne sandogi duto osejukogi, ke gin e thagruok malich kamano.

Ywagruok 4:20

Ruoth mane Nyasaye oyiero, kendo ma wakwano ka ngimawa, ne gimako e bur mane gikunyo. To en e jal mane waparo ni dwadag e bwo tipone e kind ogendini.

Ezekiel 23:24

Gibiro monji gi yo nyandwat ka gin gi oganda lweny maduong’ kod geche lweny gi geche mamoko. Gin gi kuodi gi okumbni kod ogut lweny, kendo gibiro lwori mi giketi diere. Abiro chiwi e lwetgi, kendo gining’adni bura, kaluwore gi chikgi giwegi.

Habakuk 1:7

Gin joma ger marach, kendo gitimo mana gima gin ema gidwaro to onge ng’ama geng’ogi.

Kwan 13:21

Kamano ne gidhi mi gichengo pinyno chakre thim Zin nyaka Rehob man but kama idonjogo Hamath.

Joshua 13:5

kod piny jo-Gebal gi piny Lebanon duto man yo wuok chieng’ mar Baal-gad manie tiend got Hermon nyaka kama idonjogo Hamath.

Joshua 4:13

Ji alufu mia ang’wen moikore ni lweny nong’ado aora e nyim Ruoth Nyasaye ka giidho loka nyaka paw Jeriko mondo gikedi.

Joshua 5:10

Kane jo-Israel obworo Gilgal e paw Jeriko, ne gitimo Pasaka godhiambo due apar gang’wen mar dueno.

Jong’ad Bura 3:3

Ogendinigo e magi: ruodhi abich mag jo-Filistia gi jo-Kanaan duto, gi jo-Sidon kod jo-Hivi mane odak Lebanon, chakre god Baal-hermon nyaka kama idonjogo Hamath.