Jeremia 39:16 - MUMA MALER 2015

¹⁶ mondo odhi onyis Ebed-edom ja Ethiopia ni Ruoth Nyasaye Manyalo Gik Moko Duto kendo ma Nyasach Israel osewacho niya, “Abiro ketho dalani, kendo ok abi guedhe, mana kaka nasingora ni natim. To ka chieng’no ochopo mi gigo otimore, to inibedie, kendo ininegi ka gitimore.

Motingʼo Loko Manyien

¹⁶ “Dhiyo kendo inyis Ebed-Melek ja-Kush, ‘Ma e gima Jehova Nyasaye Maratego, ma Nyasach Israel, wacho: Achiegni timo gik mane awacho ni natim ne dala maduongʼni, ka akelo ne masiche to ok kwe. E kindeno notimgi ka ineno.

Jeremia 39:16 ပူးပေါင်းရင်းမြစ်များ

2 Weche mag Ndalo 36:21

Mano notimore mondo wach Ruoth Nyasaye mane omiyo Jeremia owacho, ochopi. Jeremia nosewacho niya, “Pinyni nonind ma ok opur kuom higni piero abiriyo, mondo ochulgo ndalo mag Sabato mane osekadho, ka jopiny ok orito.”

Zaburi 92:11

Aseneno gi wang’a ka olo joricho ma monja, bende asewinjo ka giywak.

Jeremia 26:15

To nyaka ung’e ni ka unega, to un gi ji duto modak e dalani unubed joketho kuom nego ng’at ma onge ketho, nimar Ruoth Nyasaye ema oseora mondo anyisu wechego duto.”

Jeremia 26:18

“E ndalo loch Hezekia ruodh Juda, Mika janabi ma ja-Meresheth nonyiso jo-Juda duto ni Ruoth Nyasaye Manyalo Gik Moko Duto owacho kama: ‘Sayun ibiro pur oko ka puodho. Jerusalem biro lokore pidhe mag lwendni, kendo got mogerie Hekalu nolokre bungu.’

Jeremia 26:20

(Ne nitie ng’at moro machielo miluongo ni Uria wuod Shemaya ma ja-Kiriath-jearim. En bende ne owuoyo e nying Ruoth Nyasaye kuom dalani kendo kuom ogandani, mana kaka Jeremia osewuoyo.

Jeremia 34:22

Adier, abiro golo chik, mi jo-Babulon-go biro duogo monjo dalani mi gikaw, kendo giwang’ pep. Abiro ketho miech Juda, mi lokre thim maonge ng’ama dakie. An Ruoth Nyasaye ema awacho kamano.”

Jeremia 35:17

Omiyo an Ruoth Nyasaye Manyalo Gik Moko Duto kendo ma Nyasach Israel abiro kelo kuomu un jo-Juda gi jo-Jerusalem masiche duto mane asesiemougo, nikech ne ok unyal winja ka awuoyo kodu, bende ne ok unyal dwoka ka aluongou.”

Jeremia 36:31

Anakumi in kod nyikwayi, kaachiel gi jodongi nikech richo ma usetimo. In gi jo-Jerusalem kod jo-Juda, ok usedewo siem mane asiemougo, omiyo abiro kelo kuomu masiche duto ma asewacho.”

Jeremia 40:3

kendo koro osetimo gima ne owacho ni notim. To gigo duto osetimore mana nikech jou osetimo timbe maricho e nyim Ruoth Nyasaye, kendo nikech ne ok giwinjo chikne.

Jeremia 44:27

Abiro neno ni ok gidhi nyime maber, to anang’igi gi wang’ marach. Un jo-Juda duto modak e piny Misri, lweny kata tuoche biro negou nyaka urum pep, maonge kata ng’at achiel modong’.

Jeremia 5:14

An Ruoth Nyasaye Manyalo Gik Moko Duto abiro nyisi, in Jeremia, gima biro timore ni jogi nikech gik ma gisewachogo. Abiro loko wechena mawuok e dhogi obed mach, to jogi abiro loko yien mondo mach owang’gi pep.

Daniel 9:12

Ne ichopo mana gik moko mane iwacho ni nitimnwa kaachiel gi jotendwa, nimar ne ikumo Jerusalem malich moloyo dala moro amora e piny.

Amos 9:4

Ka wasikgi omakogi ka terogi e tuech, to anachik mondo oneggi kuno. Aramo ni ok natimnigi maber, to nyaka atimnigi marach!”

Zekaria 1:6

To donge wechena gi chikena mane amiyo jotichna ma jonabi mondo osiemgo kwereu ne otimore, mi masira omakogi? Koso donge ne gilokore mi giweyo timbegi maricho, ka giwacho niya, ‘Ruoth Nyasaye Manyalo Gik Moko Duto osetimonwa kaka nochano. Adier, osetimonwa mana maromre gi timbewa.’ ”

Mathayo 24:35

Polo gi piny norum. Wechena to ok norum ngang’.