Jeremia 38:5 - MUMA MALER 2015

⁵ Mano omiyo ruoth Zedekia nowacho niya, “Onge wach! Kara timneuru gima uneno ni ber. Ok anyal tamou.”

Motingʼo Loko Manyien

⁵ Ruoth Zedekia nowacho niya, “En e lwetu. Onge gima ruoth nyalo timo mondo okwed wachu.”

Jeremia 38:5 ပူးပေါင်းရင်းမြစ်များ

2 Samuel 19:22

To Daudi nodwoke niya, “Ang’o machandou koda, un yawuot Zeruya, momiyo udoko wasika tinendeni? Uparo ni bende dineg ng’ato e Israel kawuono adier? To kawuono eka ang’eyo ni kare an ruodh Israel!”

2 Samuel 3:39

Kata obedo ni an ruoth kamano, to yawuot Zeruyagi otamo wang’a. Ruoth Nyasaye ema mondo ochul kuor ni ng’ama rach moromo gi rach mosetimo.”

Ngeche 29:25

En gima rach luoro gima ji paro kuomi, to ber geno mana kuom Ruoth Nyasaye.

Jeremia 26:14

An to an e tekou. Timnauru gimoro amora muparo ni ber kendo kare.

Jeremia 37:17

Ruoth Zedekia nogolo chik moter Jeremia ire, kendo kane Jeremia obiro, nopenje ling’ling’ niya, “Bende Ruoth Nyasaye osewachoe wach moro?” Jeremia nodwoke niya, “Ee, osewacho wach moro!” Eka nodhi nyime kowachone ni ruodh Babulon biro make.

Daniel 6:16

Mano omiyo ruoth nogolo chik, mi okaw Daniel owiti e bur sibuoche. To nowacho ni Daniel niya, “Onego Nyasachi ma itiyone gi adiera duto, resi e masirani.”

Daniel 6:17

Bang’ mano, ne okel lwanda, mi olorgo dho burno, kendo ruoth noketoe sei mare gi mag jodonge, mondo kik ng’ato res Daniel.

1 Samuel 15:24

Saulo nowacho ni Samuel niya, “Aseketho, kaweyo luwo chik Ruoth Nyasaye kod wechene bende, nimar naluoro ji, kendo nawinjo dwondgi.

1 Samuel 29:9

Akish nodwoke niya, “Ang’eyo ni isebedona jaadiera, mana kaka malaika mar Nyasaye, to kata kamano jotend jo-Filistia osedagi ni kik idhi kodgi e lweny.