Jeremia 38:4 - MUMA MALER 2015

⁴ Kane jodongogo owinjo wechego, ne ginyiso ruoth niya, “Ng’atni nyaka negi, nikech kowuoyo kama, to onyoso chuny jolweny kaachiel gi jomoko duto modong’ e dala ka. Emomiyo waneno ni ng’atni ok dwar konyo ji, to odwaro mana ni mondo giyud chandruok.”

Motingʼo Loko Manyien

⁴ Eka jotelo nowachone ruoth niya, “Ngʼatni onego negi. Onyoso chuny jolweny modongʼ e dala maduongʼ ni, kaachiel gi ji duto, gi gigo mowachonegi. Ngʼatni ok dwar dhi maber mar jogi to mana kethruokgi.”

Jeremia 38:4 ပူးပေါင်းရင်းမြစ်များ

1 Ruodhi 21:20

Ahab nowacho ni Elija niya, “Yaye, jasika, kara isenwang’a?” Nodwoke ni “Ee, asenwang’i, nikech isechiwori mar timo gik ma Ruoth Nyasaye okwero.

2 Weche mag Ndalo 24:21

To ne giriwore ni Zekaria mi ne gigoye gi kite e laru mar Od Ruoth Nyasaye kaka ruoth nochikogi, mi otho.

Ezra 4:12

Ruoth, mondo ing’e ni jo-Yahudi mane owei mobiro kuondegi, osechopo Jerusalem, kendo ochako gero dala marach ma nong’anyono. Gisepime kendo koro gitieko gero ohingane.

Nehemia 6:9

Giduto ne gidwaro bwogowa, ka giparo ni wabiro nyosore, kendo tichwa ok bi rumo. To namedo keto tekra duto e tich.

Wuok 5:4

Farao, ruodh Misri nodwoko Musa gi Harun niya, “Marang’o umono ji tiyo tijegi? Doguru e tiju wasumbnigi!”

Jeremia 11:21

Jo-Anathoth ne dwaro nego Jeremia, kendo ne giwachone ni gibiro nege ka pod osiko koyalo e nying Ruoth Nyasaye.

Jeremia 18:23

To in Ruoth Nyasaye, ing’eyo gik moko duto ma gitimo ka gidwaro nega. Omiyo kik ing’wonngi kuom timbegi maricho, kendo kik iwenigi richogi. Kelgi e nyimi ka gichwanyore, kendo kumgi ka in gi mirima mager.”

Jeremia 26:11

Eka jodolo gi jonabi nonyiso jodongo kaachiel gi ji duto niya, “Owinjore ng’ad ni ng’atni buch tho, nikech osewuoyo marach kuom dalawa. Donge usewinje gi itu, kowuoyo?”

Jeremia 29:7

Tiuru matek mondo ulos dala moro amora ma asemiyo oterue e tuech. Lamuru ni dalano nikech ka odhi maber to un bende ubiro dhi maber.

Jeremia 38:16

Kane ruoth Zedekia owinjo kamano, nosingore ni Jeremia ling’ling’ niya, “Akuong’ora gi nying Ruoth Nyasaye mangima mane ochueyowa ni ok nanegi, kendo ok nachiwi e lwet joma dwaro negi.”

Jeremia 38:25

Ka jotelo owinjo ni asewuoyo kodi, to gibiro biro penji gima wasewacho, kendo gibiro nyisi ni ka iwachonigi weche duto ma wasewacho, to ok gibi negi.

Jeremia 43:3

To Baruk wuod Neria ema osethuwi kodwa mondo iketwa e lwet jo-Babulon, mondo onegwa, kata omakwa oterwa Babulon.”

Ezekiel 22:27

Ruodhi chalo gi otoche ma kidho le ma gimako. Gichuero remo mondo giyud mwandu.

Amos 7:10

Amazia jadolo man Bethel nonyiso Jeroboam ruodh Israel niya, “Amos piem kodi e Israel, kendo wechene biro ketho piny.

Luka 23:2

mi gichako donjone kuno, ka giwacho niya, “Ne wanwang’o jali kapuonjo jowa marach, kokwerogi ni kik gigol osuru ni Kaisar, kendo kowacho ni en owuon en Mesia, tiende ni ruoth.”

Tich Joote 16:20

Ne gikelogi e nyim jong’ad bura ma jo-Rumi, mi giwacho niya, “Jogi gin jo-Yahudi, to gikelo koko e dalawa!

Tich Joote 17:6

To kane ok ginwang’ogi, ne giywayo Jason gi owete moko oko, mi gitero ir jodong buch dala, ka gikok ni, “Jogi oseketho piny kuonde duto, kendo koro gisebiro ketho dalawa ka,

Tich Joote 24:5

Wasenwang’o ni ng’atni en achach marach, kendo okelo jemo e kind jo-Yahudi e piny ngima, to bende en jatend kanyakla mar jo-Nazareth.

Tich Joote 28:22

To dwaher winjo paroni, nikech wang’eyo ni kuonde duto ji wuoyoe marach kuom kanyakla ma intieno.”