Jeremia 38:28 - MUMA MALER 2015

²⁸ Kuom mano nodwok Jeremia e laru mar od jorit, mi obet kanyo nyaka chieng’ mane okawie Jerusalem.

Motingʼo Loko Manyien

²⁸ Kendo Jeremia nodongʼ e laru mar jarito nyaka odiechiengʼ ma Jerusalem nokaw. Ma e kaka Jerusalem ne okaw:

Jeremia 38:28 ပူးပေါင်းရင်းမြစ်များ

Zaburi 23:4

A Nyasacha, kata obedo ni akadho e hoho mar tipo mar tho, to ok analuor gimoro, nikech in koda. Ludhi gi odungani ema hoya.

Jeremia 33:1

Ruoth Nyasaye ne ochako owuoyo gi Jeremia, kane Jeremia pod otue e laru mar od jorit.

Jeremia 37:20

Omiyo jaduong’, akwayi ni ichik iti, kendo itim gima awacho. Kiyie, to kik idwoka e od Jonathan ma jang’adni rieko, nimar ka idwoka, to en adier ni abiro tho kuno.”

Jeremia 37:21

Omiyo ruoth Zedekia nogolo chik mondo otue Jeremia e laru mar od jorit. Ne imiye makati achiel odiechieng’ kodiechieng’ mogol kuom jolos makati, nyaka makati duto norumo Jerusalem. Kamano Jeremia nosiko asika kotue e laruno.

Jeremia 38:13

eka ne giywaye gi tonde, mi gigole oko. Bang’ mano ne olorne alora e laru mar od jorit.

Jeremia 38:27

Adier, jotelo duto nobiro ir Jeremia, mi gipenje gima ne giwacho gi ruoth, to ne onyisogi mana kaka ruoth nosenyise mondo owachi. Omiyo ne ok ginyal timo gimoro, nikech onge ng’ato mane osewinjo weche mane Jeremia jowacho gi ruoth.

Jeremia 39:13

Omiyo Nebuzaradan, kaachiel gi jaduong Nebushazban gi jaduong’ Nergal Sarezar, kod jodong ruodh Babulon duto,

Jeremia 39:14

ne ooro joote ir Jeremia, mogole e laru mar od jorit. Ne gikete e lwet Gedalia wuod Ahikam ma nyakwar Shafan mondo otere dala maber. Kamano Jeremia nodak gi joge.

Jeremia 39:15

Ruoth Nyasaye nosewuoyo gi Jeremia kane pod otueye e laru mar od jorit, kowachone

2 Timotheo 3:11

gi sand misandago, kod masiche ma aneno. Ing’eyo gik moko duto mane otimorena Antiokia gi Ikonio kod Lustra, kendo ing’eyo kaka ne adhil e sandgo duto. To Ruoth ne oresa e mago te.