Jeremia 38:23 - MUMA MALER 2015

²³ Bang’ mano Jeremia nochako onyiso Zedekia niya, “Jo-Babulon nokaw mondi gi nyithindi duto, to in bende ok nitony e lwetgi. Ruodh Babulon nokawi mi teri e tuech, kendo dalani nowang’, mi rum pep.”

Motingʼo Loko Manyien

²³ “Mondeu duto kod nyithindu nokelne jo-Babulon. Un uwegi ok unutony e lwetgi to enomaku gi ruodh Babulon; kendo dala maduongʼni nowangʼ mapodhi.”

Jeremia 38:23 ပူးပေါင်းရင်းမြစ်များ

2 Ruodhi 25:7

Ne ginego yawuot Zedekia e wang’e koneno, eka ne gitoko wengene oko, kendo gitueye gi nyororo, mi gitere Babulon.

Jeremia 21:10

Aseng’ado wach ni ok anyal weyo dalani, to nyaka akethe. Ibiro kete e lwet ruodh Babulon, kendo obiro wang’e morum pep. An Ruoth Nyasaye ema awacho kamano!”

Jeremia 32:4

kendo ni ruoth Zedekia ok notony e lwet jo-Babulon, to ibiro make mi tere e nyim ruodh Babulon mi enonene wang’ gi wang’, kendo nowuo kode dhok gi dhok.

Jeremia 34:3

In ok nitony, to ibiro maki mi teri ire. Ubiro nenoru kode wang’ gi wang’, mi uwuo kode dhok gi dhok. Bang’e inidhi Babulon.

Jeremia 37:8

Bang’e jo-Babulon biro duogo, mi gimonj Jerusalem, kendo gikawe mi giwang’.

Jeremia 38:18

To ka ok ichiwori e lwetgi, to gibiro kawo dalani, mi giwang’ kendo in ok nitony e lwetgi.”

Jeremia 38:24

Zedekia nokone niya, “Kik iwe ng’ato ng’e weche ma wawacho kodigi, to eka ok gimoro ditimi.

Jeremia 39:5

To jolweny mag Babulon nolawogi, mojuko Zedekia e paw Jeriko. Ne gimake mi gitere ir ruoth Nebukadnezar, mane oyudo ni Ribla e gweng’ Hamath, mong’adone bura kuno.

Jeremia 39:6

Ruodh Babulon nogolo chik moneg yawuot Zedekia e dala mar Ribla kuno, mana e nyim Zedekia koneno. Bende noneg jodong Juda duto.

Jeremia 41:10

Bang’e ne okawo nyi ruoth kaachiel gi ji mamoko duto man Mizpa mane Nebuzaradan jatend lweny maduong’ oseketo e bwo Gedalia. Kane osemakogi kamano, nochako wuoth kochomo yo piny Amon.

Jeremia 6:12

Utegi gi puothegi kod mondgi bende nomi jomoko nono, nimar abiro kumo jopinyni. An Ruoth Nyasaye ema awacho kamano.

Ezekiel 14:9

“Ka gimoro owuondo janabi, mi owacho wach ma ok adier, to an Ruorh Nyasaye ema awuonde, omiyo abiro rieyo bada mondo atieke, oa kuom jo-Israel.

Ezekiel 17:15

To ruodh Juda ne ong’anyo, mi ooro joote Misri, mondo oyudne farese kod oganda lweny maduong’. To bende dolo lweny adier? Bende dotony adier, kuom timo gima kamano? Koso bende doketh winjruok, mi weye mak okume?”

Ezekiel 43:3

Fwenyno ne chalo gi fweny mane aneno kane Nyasaye obiro ketho Jerusalem, kendo ochal gi moro mane aneno e bath aora Kebar. Bang’e ne apodho piny auma.

Kwan 4:18

“Kik uwe dhood joka Kohath rum mi lal kuom jo-Lawi wetegi,