Jeremia 38:19 - MUMA MALER 2015

¹⁹ Ruoth Zedekia nodwoke niya, “Aluoro jo-Yahudi ma oseringo odok ni jo-Babulon, nikech dipo ka ochiwa e lwetgi, mi gisanda.”

Motingʼo Loko Manyien

¹⁹ Ruoth Zedekia nowachone Jeremia niya, “Aluoro jo-Yahudi mosedhi ir jo-Babulon, nimar jo-Babulon nyalo chiwa e lwetgi mi gisanda.”

Jeremia 38:19 ပူးပေါင်းရင်းမြစ်များ

2 Weche mag Ndalo 30:10

Kamano joote nodhi e dala ka dala e piny Efraim gi Manase duto nyaka Zebulun, to ji nonyierogi anyiera ka charogi.

Nehemia 4:1

Kane Sanbalat owinjo ni wagero ohinga mar Jerusalem, mirima nomake ahinya, kendo nojaro jo-Yahudi,

Ayub 31:34

Ok aseluoro gima ji biro wacho, omiyo ok aseling’ kata siko ei ot ka aluoro achaya margi.

Ngeche 29:25

En gima rach luoro gima ji paro kuomi, to ber geno mana kuom Ruoth Nyasaye.

Isaya 57:11

To en ng’a ma iluoro ahinya, ma omiyo iweya, ma ok inyal para, kata mana rwaka e chunyini? Koso idagi luora nikech ne ineno ka aling’ aling’a, mi achalo ng’ama ok oneni?

Jeremia 20:7

“A Ruoth Nyasaye, ne iwuonda, mi iwuonda adier. In itek moloya, omiyo ne ihewa. Ji duto tugo koda kendo ginyiera odiechieng’ duto.

Jeremia 38:22

to mon modong’ e od ruodh Juda ibiro gol, mi ter ni jotelo mag ruodh Babulon, kendo ka gidhi to giniwach niya, ‘Osiepe ruoth mogeno osewuonde, kendo gisebet ka gihewe gi rieko. Koro tinde osemoko e chuodho, omiyo osiepene oseweye!’ ”

Jeremia 38:5

Mano omiyo ruoth Zedekia nowacho niya, “Onge wach! Kara timneuru gima uneno ni ber. Ok anyal tamou.”

Jeremia 39:9

To mogik Nebuzaradan ma jatend lweny nomako joma ne odong’ e dala motero Babulon kaachiel gi joma nosedokne.

Johana 12:42

To kata kamano, ji mang’eny, koda ka jodongo, noyie kuome, to ne giluoro jo-Farisai, omiyo ne ok gidwar hulo wachno, nikech ne dipo ka oriembgi e ut lemo,

Jong’ad Bura 16:25

Kane gisemetho, mi giromo, ne giwacho niya, “Kelnwauru Samson, mondo obi otugnwa.” Omiyo ne gigole e od tuech, motugonigi. Bang’e ne gimiyo ochung’ e kind sirni mag ot.

Jong’ad Bura 9:54

Eka noluongo wuowi mane jating’ne gi lweny piyopiyo, mowachone niya, “Wuodh liganglani, inegago, nimar dipo ka ji owacho ni dhako ema onega.” Kamano wuowino nochwowe, motho.

1 Samuel 15:24

Saulo nowacho ni Samuel niya, “Aseketho, kaweyo luwo chik Ruoth Nyasaye kod wechene bende, nimar naluoro ji, kendo nawinjo dwondgi.

1 Samuel 31:4

Saulo nowacho ni jating’ne gi lweny niya, “Wuodh liganglani, inegago, nono to joma kia Nyasayegi biro chwowa, kendo nyiera.” To jalo nodagi, nikech noluor ahinya. Emomiyo Saulo nomako liganglane owuon, mochwoworee.