Jeremia 37:5 - MUMA MALER 2015

⁵ E kindeni jolweny mag Farao nowuok Misri, kendo kane jo-Babulon mane oyudo monjo Jerusalem owinjo kamano, ne giweyo monjo Jerusalem.

Motingʼo Loko Manyien

⁵ Jolwenj Farao ne osewuok oa Misri, kendo ka jo-Babulon mane gero pidhe kolworo Jerusalem nowinjo wach mar biro margi, ne gidar gia Jerusalem.

Jeremia 37:5 ပူးပေါင်းရင်းမြစ်များ

2 Ruodhi 24:7

Ruodh Misri ne ok owuok kendo e pinye, nimar ruodh Babulon nosemaye pinje duto mane nie bwo lochne, chakre aora manie tong’ Misri nyaka chop aora Yufrate.

Jeremia 34:21

Bende abiro chiwo Zedekia ruodh Juda gi jodonge e lwet joma dwaro negogi, kendo abiro ketogi e lwet jolweny mag ruodh Babulon ma koro oseweyo monjou.

Jeremia 37:11

Kane jolweny mag Babulon oweyo monjo Jerusalem, nimar jolweny mag Farao ne biro,

Jeremia 37:6

Eka Ruoth Nyasaye ma Nyasach Israel nowacho ni Jeremia janabi,

Jeremia 37:7

“Ruodh Juda osekwayi mondo ipenjne wach kuoma. Nyise ni jolweny mag Farao ma osebiro mondo okonye biro dok thurgi Misri.

Ezekiel 17:15

To ruodh Juda ne ong’anyo, mi ooro joote Misri, mondo oyudne farese kod oganda lweny maduong’. To bende dolo lweny adier? Bende dotony adier, kuom timo gima kamano? Koso bende doketh winjruok, mi weye mak okume?”

Ezekiel 17:17

E kinde ma jo-Babulon obiro donjoe Jerusalem, ka gingo pidhe mag lowo kendo kunyo buche e dir ohinga, to Farao ok noorne oganda lweny maduong’ mondo okonye, omiyo ji notho mang’eny.