Jeremia 36:31 - MUMA MALER 2015

³¹ Anakumi in kod nyikwayi, kaachiel gi jodongi nikech richo ma usetimo. In gi jo-Jerusalem kod jo-Juda, ok usedewo siem mane asiemougo, omiyo abiro kelo kuomu masiche duto ma asewacho.”

Motingʼo Loko Manyien

³¹ Anakume gi nyithinde kod jogo marite nikech timbegi maricho; anakel kuomgi kod jogo modak Jerusalem gi jo-Juda kit masira moro amora mane asechanonegi, nikech gitamore winja.’ ”

Jeremia 36:31 ပူးပေါင်းရင်းမြစ်များ

Zaburi 94:23

Ibiro kumo jogo kuom timbegi mamono, mi itiekgi nikech richogi. Ee, in Ruoth Nyasachwa, ibiro tiekogi.

Ngeche 29:1

Ng’at ma wiye medo bedo matek, kata ka osekwere, nopo mana ka otur ma ok chomre.

Jeremia 11:8

To ne gitamore winjo kata dewo. Kar timo kamano to ng’ato ka ng’ato nosiko ka timo timbene mag wich teko. Ne oyudo ka osechikogi mondo girit singruokno, to ne gidagi. Mano emomiyo nakelonigi kum duto mane singruokno oting’o.”

Jeremia 17:18

Kel wichkuot kuom joma sanda, to an mondo iweya, kendo kelnigi kihondko, to an kik ibwoga. Kelnigi masira, kendo kethgi chuth.”

Jeremia 19:15

“Ruoth Nyasaye Manyalo Gik Moko Duto ma Nyasach Israel owacho ni obiro kelo masiche duto mane osiemogo dalani kaachiel gi mier duto mokiewo kode, nikech un joma tokgi tek, motamore winjo wachne.”

Jeremia 23:34

To kapo ni janabi kata jadolo kata achiel kuom jogi omulo wechego, kawacho niya, ‘Wach mapek moa kuom Ruoth Nyasaye,’ to anakume kaachiel gi joode.

Jeremia 29:32

Nowacho niya, “An Ruoth Nyasaye abiro kumo Shemaya gi nyikwaye duto, nikech ne owuoyo ka gima en janabi, mi omiyo uyie weche mag miriambo, to ne ok aore. Ok nobed gi nyikwayo ma nochung wiye e ogandau, bende obiro tho ka pok oneno gik mabeyo ma abiro timo ni joga, nikech nowachonigi mondo gitamre mako chikena. An Ruoth Nyasaye ema awacho kamano.”

Jeremia 35:17

Omiyo an Ruoth Nyasaye Manyalo Gik Moko Duto kendo ma Nyasach Israel abiro kelo kuomu un jo-Juda gi jo-Jerusalem masiche duto mane asesiemougo, nikech ne ok unyal winja ka awuoyo kodu, bende ne ok unyal dwoka ka aluongou.”

Jeremia 52:2

Timbe Zedekia ne richo e nyim Ruoth Nyasaye, mana kaka timbe Jehoyakim.

Ezekiel 7:8

Piyopiyo nono abiro olo kuomu mirimba duto mager. Anang’adnu bura mana maromre gi timbeu, mi akumu kuom gik makuero duto musetimo.

Ezekiel 7:9

Ok anakechu kata ok anang’uonnu, to anakumu kuom timbe makuero musetimo. Eka unung’e ni an e Ruoth Nyasaye ma jakum ji.

Tim jo-Lawi 26:14

“To ka utamoru winja, kendo ok urito chikenago duto,

Mathayo 23:37

“Yaye, jo-Jerusalem! Yaye, jo-Jerusalem! Un munego jonabi, kendo ugoyo joma Nyasaye ooro iru gi kite. Mano kaka asedwaro mondo achoku kaka nyabuch gweno choko nyithinde e bwombe, to usetamoru.