Jeremia 36:24 - MUMA MALER 2015

²⁴ To ruoth, kata ng’ato ang’ata kuom jodonge ne ok obedo maluor, kata yiecho lepgi ma dinyis ni giloko chunygi.

Motingʼo Loko Manyien

²⁴ Ruoth gi jogo duto mane en godo mane owinjo wechegi ne ok obedo gi luoro moro, kata lepgi ne ok giyiecho.

Jeremia 36:24 ပူးပေါင်းရင်းမြစ်များ

Chakruok 37:29

Kane Reuben odok limo bugono, ma ok oyudo Josef, noyiecho lepe.

Chakruok 37:34

Noyiecho lepe, morwako pien gugru, kendo noywago wuode kuom ndalo mang’eny.

2 Samuel 1:11

Kane Daudi owinjo wachno, noyiecho lepe owuon, kendo ji duto mane ni kode bende notimo kamano.

1 Ruodhi 21:27

Kane Ahab owinjo wechego, noyiecho lepe, morwako pien gugru e dende. Notueyo chiemo, monindo e pien gugru, kendo nodembore koboch.

Ayub 15:4

Inyoso chuny ji mondo kik luor Nyasaye kendo imonogi lame.

Zaburi 36:1

Richo wuoyo gi jaricho e chunye kuma tut. Jaricho ok oluoro Nyasaye kata matin.

Zaburi 36:2

Owuondore kende ni en ng’at maber, omiyo oparo ni Nyasaye ok nyal fwenyo richone, mi kume.

Zaburi 64:5

Gijiwore kendgi giwegi kuom timbegi maricho, kendo gipenjore mana kama onego gichikie obathgi, ka giparo ni onge ng’ama nenogi.

Wuok 7:23

kendo noa modok e ode ka ok odewo wachgi.

Isaya 26:11

A Ruoth Nyasaye iselocho, to joricho ok ne mano. We gineye hera matut miherogo jogi, mondo wigi okuodi, kendo mach ma iseiko ni wasiki otiekgi!

Isaya 36:22

Eliakim wuod Hilkia ma jaduong’ od ruoth, gi Shebna jagoro kod Joa wuod Asaf ma jachan weche mag piny ne jobiro ir Hezekia, ka joyiecho lepgi, mi ginyise gima ne Rabshake owacho.

Isaya 37:1

Kane ruoth Hezekia owinjo wechego, noyiecho lepe, mi orwako pien gugru, kendo odhi e Od Ruoth Nyasaye.

Jeremia 36:16

kendo kane osetieko some duto, jotelogo nowuoyo e kindgi giwegi ka wuoro. Eka ne giwacho ni Baruk niya, “Nyaka wanyis ruoth wachni.”

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

Jona 3:6

Kane ruoth owinjo wachno, noa malo e kome, molonyo lepe mag ruoth, kendo norwako pien gugru, mi obet e buru.

Mathayo 12:41

To Chieng’ Bura, jo-Nineve nochung’ mi donjnu, nikech kane Jona olandonigi Wach Nyasaye, to ne gilokore mi giweyo richogi, to awachonu ni koro nitie gimoro kaeri man gi duong’ moloyo Jona.

Jo-Rumi 3:18

“Ok giluoro Nyasaye kata matin.”