Jeremia 36:23 - MUMA MALER 2015

²³ E kinde ka kinde mane Jehudi tieko somo laini adek kata ang’wen, ruoth ne ng’ado kuondego gi pala moro matin, kendo owito e mach. Ne otimo atima kamano nyaka ne otieko kitabuno.

Motingʼo Loko Manyien

²³ Ka Jehudi nosesomo laini adek kata angʼwen mar kitabuno, ruoth nongʼadogi gi pala mabith kendo owitogi e kar hoyo mach, nyaka kitabuno duto nowangʼ e mach.

Jeremia 36:23 ပူးပေါင်းရင်းမြစ်များ

1 Ruodhi 22:27

Wachnigiuru niya, ‘Ruoth owacho ni mondo uket ng’atni e od tuech, kendo umiye mana kuon abang’a gi pi kende, nyaka aduog ka angima.’ ”

1 Ruodhi 22:8

Ruodh Israel nodwoke ni, “Ee, ng’at achiel pod odong’ ma dipenjnwa Ruoth Nyasaye wach, en Mikaya wuod Imla.” To Jehoshafat nowachone ni, “Kik iwuo kamano.”

Zaburi 50:17

to isedagi ni ok rieyi, kendo ok idwar chikena?

Ngeche 1:30

Ne udagi winjo wachna, bende ne ok udewo puonjna kata ka akwerou gimoro.

Ngeche 13:13

Kitamori winjo puonj, to idwaro mana chandruok, to kiwinjo gima iwachoni, to iyudo pok maber.

Ngeche 19:21

Ng’ato nyalo chano gik mathoth, to dwaro mar Ruoth Nyasaye ema timore.

Ngeche 21:30

Rieko gi ng’eyo kod paro matut, Ruoth Nyasaye ok kwan ka gimoro.

Ngeche 29:1

Ng’at ma wiye medo bedo matek, kata ka osekwere, nopo mana ka otur ma ok chomre.

Ngeche 5:12

Bang’e iniwach niya, “Ang’o mane omona puonjora rieko? Koso ere gima nomiyo adagi, ni ng’ato ok nyisa gima atimo marach?

Jeremia 36:2

“Kaw kitabu mondo indikie weche duto ma asenyisi kuom Israel gi Juda kod ogendini duto, chakre chieng’ mane akwongo losoe kodi e ndalo loch ruoth Josia nyaka chil kawuono.

Jeremia 36:27

Kane ruoth Jehoyakim osewang’o kitabu mane Baruk ondikoe weche mane Jeremia oluwone, Ruoth Nyasaye nonyiso Jeremia

Jeremia 36:28

mondo okaw kitabu machielo, kendo ondikie weche duto mane nie kitabu mokwongono.

Fweny 22:19

Bende ka ng’ato ogolo wach moro kuom weche mokor manie kitabuni, to Nyasaye nogol kuome pok ma doyudo kuom yadh ngima kendo kuom Dala Maler mondiki e kitabuni.”