Jeremia 36:10 - MUMA MALER 2015

¹⁰ Eka Baruk nosomonigi weche duto mane Jeremia owachone, mi ondiko e kitabu. Ne osomo wechego e Hekalu gi e od Gemaria wuod Shafan ma jang’ad ni ruoth rieko. Odno ne nie laru mamalo e dhoranga Hekalu miluongo ni ‘Rangach Manyien.’

Motingʼo Loko Manyien

¹⁰ Kochakore e agola mar Gemaria wuod Shafan ma jagoro, mane nitiere e laru man malo e kar donjo mar Dhorangach Manyien mar hekalu, Baruk nosomone ji duto e hekalu mar Jehova Nyasaye weche Jeremia koa e kitabu.

Jeremia 36:10 ပူးပေါင်းရင်းမြစ်များ

2 Samuel 20:25

Sheva ne jagoro, kendo Zadok gi Abiathar ne jodolo.

2 Samuel 8:17

Zadok wuod Ahitub, kod Ahimelek wuod Abiathar ne jodolo. Seraya to ne jagoro.

1 Ruodhi 6:36

Laro maiye nochielo gi ohinga moger gi kite mopa, moluow didek, kaachiel gi laini achiel mar bap sida.

2 Ruodhi 15:35

To kata kamano hembko mane ni kuonde moting’ore ne ok okethi. Ji ne pod timo misengni kendo wang’o ubani kuondego. Jotham ema nogero dhorangach mamalo mar Od Ruoth Nyasaye.

2 Ruodhi 18:37

Eliakim wuod Hilkia ma jaduong’ od ruoth, gi Shebna jagoro kod Joa wuod Asaf ma jachan weche mag piny ne jobiro ir Hezekia, ka joyiecho lepgi, mi ginyise gima ne Rabshake owacho.

2 Ruodhi 22:3

Kane Josia obedo ruoth, kuom higni apar gaboro, nooro Shafan jagoro wuod Azalia ma wuod Meshulam e Od Ruoth Nyasaye, kowachone niya,

Jeremia 26:10

Kane jodong Juda owinjo wachno, ne giwuok e od ruoth, mi gidhi gibet e dhoranga Hekalu miluongo ni Rangach Manyien.

Jeremia 26:24

Jeremia to notony, mi ok ochiw e lwet ji mondo onege, mana nikech Ahikam wuod Shafan nokonye.

Jeremia 29:3

Jeremia noketo baruano e lwet Elasa wuod Shafan gi Gemaria wuod Hilkia mane oyudo Zedekia ruodh Juda ooro ir Nebukadnezar ruodh Babulon. Jeremia nondiko baruano kama:

Jeremia 35:4

mi okelogi e Hekalu. Ne oterogi e od yawuot Hanan wuod Igdalia ng’at Nyasaye. Odno ne nie bath od jodong Hekalu, kendo ewi od Maaseya wuod Shalum mane jatich maduong’ e Hekalu.

Jeremia 36:11

Kane Mikaya wuod Gemaria ma nyakwar Shafan owinjo ka Baruk somo weche Ruoth Nyasaye e kitabuno,

Jeremia 36:25

Kata obedo ni Elnathan gi Delaya gi Gemaria ne jokwayo ruoth ni mondo kik owang’ kitabuno, to ne ok odewogi.

Jeremia 36:6

Omiyo adwaro ni wang’ni ka ji tueyo chiemo, to mondo idhi kuno isom weche manie kitabuni matek mondo giwinj gik moko duto ma Ruoth Nyasaye osenyisa, mi awachoni indiko. Nyaka itim kamano kama ji duto nyalo winjigo, koda ka jo-Juda mobiro ka oa e miechgi.

Jeremia 36:8

Kamano Baruk nodhi e Hekalu mosomo weche Ruoth Nyasaye manie kitabuno, mana kaka Jeremia nonyise.

Jeremia 43:3

To Baruk wuod Neria ema osethuwi kodwa mondo iketwa e lwet jo-Babulon, mondo onegwa, kata omakwa oterwa Babulon.”

Jeremia 52:25

Bende nokawo ng’at mane osebedo jatend jolweny, gi jagoro mare mane tichne en ndiko nying joma onego obed jolweny, kaachiel gi ji abiriyo kuom joma ne ng’ado ni ruoth rieko, kod jodongo piero auchiel mane pod ni Jerusalem.

Ezekiel 40:38

E laru maoko ne nitie ot moro momakore gi rangach maiye, odno ne nigi dhoot madonjo e ot maduong’ mane omanyore gi laru. Kanyo ema ne ilwokoe jamni monegi, midwaro timogo misenghni miwang’o pep.