Jeremia 35:6 - MUMA MALER 2015

⁶ To ne gidwoke niya, “Ok wamadh divai nikech Jonadab wuod Rekab ma kwarwa nowachonwa ni wan kata nyikwawa kik wamadh divai nyaka chieng’.

Motingʼo Loko Manyien

⁶ To negidwoko niya, “Ok wamadh divai, nikech kwarwa Jehonadab wuod Rekab nomiyowa chikni: ‘Un kata nyikwau ok onego madh divai.

Jeremia 35:6 ပူးပေါင်းရင်းမြစ်များ

Chakruok 25:27

Kane gidoko joma dongo, Esau nobet jadwar ma jaganga, kendo ng’at ma jathim. Jakobo to ne japur, kendo ne dong’ dala.

Chakruok 36:7

Nodar nimar kama ne gidakie gi Jakobo ne tin mane ok nyal romogi nikech giduto ne gin gi jamni mathoth ahinya.

2 Ruodhi 10:15

Kane Jehu osea kuno, noneno Jehonadab wuod Rekab ka biro romone. Nomose, mopenje niya, “Bende chunyi ler koda, kaka chunya ler kodi?” Jehonadab nodwoke niya, “Ee, chunya ler kodi.” Jehu nokone ni, “Ka kamano, to mak lweta.” Omiyo Jehonadab nomako lwete. Eka Jehu nokwaye mondo giidh gari,

2 Ruodhi 10:23

Eka Jehu nodonjo e od Baal gi Jehonadab wuod Rekab. Nowacho ni jolam Baal niya, “Nonuru mondo une ni onge jatich Ruoth Nyasaye moro e dieru ka, to mak mana jolam Baal kende.”

1 Weche mag Ndalo 16:19

Ne pod gin ji manok ahinya, kendo jodak adaka e pinyno.

1 Weche mag Ndalo 2:55

gi dhout jondiko ma nodak Jabez, gi jo-Tira gi jo-Shimea kod jo-Suka. Jogi ne jo-Keni ma kwargi ne or joka Rekab.

Zaburi 105:12

Jo-Nyasaye ne nok, kendo ne gin mana jodak e pinyno.

Wuok 20:12

“Luor wuoru gi meru, eka mondo idag aming’a e piny ma Ruoth Nyasaye ma Nyasachu biro miyou.

Jeremia 35:10

to wadak mana e hembe, kamano, chike duto mane kwarwa Jonadab omiyowa waserito maber.

Jeremia 35:14

Nyikwa Jonadab oserito chik mane kwargi omiyogi mi ok gimadh divai, kendo kata nyaka sani onge ng’ato kuomgi mametho, nikech girito chik mane kwargi ogolo. To an asebedo ka awuoyonu pile, to utamoru.

Tim jo-Lawi 10:9

“In kod yawuoti kik umadh kong’o kata gimoro mamero ji, ka udhi e Hemb Romo, nono to utho. Mano en chik momako nyikwau nyaka chieng’.

Luka 1:15

nimar enobed ng’at maduong’ e nyim Ruoth Nyasaye. Ok nomadh kong’o kata gimoro amora ma mero ji, kendo chakre nywolne enobed kopong’ gi Roho Maler.

1 Petro 2:11

Osiepena, akwayou ni kaka un welo kendo jodak e pinyni, beduru motang’ gi gombo mag ringruok makedo gi chunyu pile.

Jong’ad Bura 13:14

Kik omadh divai kata gimoro amora mamero ji, kata mana chamo chiemo makuero kik ocham. Duto mane asenyise, ema mondo otim.”

Jong’ad Bura 13:7

Nowachona ni abiro mako ich, kendo nywolo nyathi ma wuowi, omiyo koro kik amadh divai, kata gimoro mamero ji, kata kik acham chiemo makuero, nikech nyathino biro bedo ja-Nazir, ng’at mowal ni Nyasaye, chakre chieng’ nywolne nyaka chieng’ thone.”