Jeremia 35:2 - MUMA MALER 2015

² “Dhiyo ir joka Rekab mondo iwuo kodgi. Bang’e ikelgi e ot achiel kuom ut Hekalu mondo imigi divai gimadhi.”

Motingʼo Loko Manyien

² “Dhiyo ir anywola mar Rekab kendo igwelgi mondo gibi e achiel kuom agola mar od Jehova Nyasaye kendo imigi divai gimadhi.”

Jeremia 35:2 ပူးပေါင်းရင်းမြစ်များ

1 Ruodhi 6:10

Eka nogero udi molworo Hekalu duto. Bepe mag sida ema noriwo kor udigo gi Hekalu, kendo bor modhi malo mar gorofa ka gorofa noromo mita ariyo gi nus.

1 Ruodhi 6:8

Dhoot midonjogo e udi mapiny ne nie bat korachwich mar Hekalu, to raidhi nochopo e udi madiere nyaka gorofa mar adek.

1 Weche mag Ndalo 2:55

gi dhout jondiko ma nodak Jabez, gi jo-Tira gi jo-Shimea kod jo-Suka. Jogi ne jo-Keni ma kwargi ne or joka Rekab.

1 Weche mag Ndalo 23:28

Tichgi ne en konyo joka Harun tiyo e Od Ruoth Nyasaye. Nomigi tich rito udi mag Od Nyasaye gi alworane, kendo lwoko gik lemo duto, kod tiyo tije moko duto mag Od Nyasaye.

1 Weche mag Ndalo 28:12

Nonyise bende paro ma en go kuom gero laru mag Od Ruoth Nyasaye, gi udi mane olwore, gi ut keno mag Od Nyasaye kod udi ma nokanie mich maler mochiw ni Ruoth Nyasaye.

1 Weche mag Ndalo 9:26

Jorit ang’wen ma jotelogo noyier nimar ne gin joma kare. Ne gin jo-Lawi, kendo ne girito udi gi kuonde keno mag Od Nyasaye.

1 Weche mag Ndalo 9:33

Mago ne jower kendo jodong dhout jo-Lawi. Ne gidak e udi moko mag Hekalu. Ne ok omigi tich moro machielo, nikech nonego gibed moikore ni tichgi odiechieng’ gotieno.

2 Weche mag Ndalo 3:9

Pek dhahabu mar musmal mane otiyogo noromo nus kilo. Nobawo udi mamalo bende gi dhahabu.

2 Weche mag Ndalo 31:11

Eka Hezekia nochikogi mondo gilos kuonde keno e Od Ruoth Nyasaye. Kane gisetimo kamano,

Ezra 8:29

Kawgiuru kendo uritgi nyaka chop chieng’ muketogi e ut Od Ruoth Nyasaye, ka jotend jodolo gi jo-Lawi kod jodong dhout Israel man Jerusalem neno.”

Nehemia 13:5

Odno ema yandi ikanoe chiwo mag cham gi ubani gi gik lemo mitiyogo e Hekalu, gi achiel kuom apar mag cham gi divai manyien gi modhi, mane ochiw ni jo-Lawi gi jower gi jorit dhorangeye kaka chik dwaro, kaachiel gi chiwo mane opog ni jodolo.

Jeremia 35:3

Kuom mano Jeremia nokawo Jazania wuod Jeremia machielo, ma nyakwar Habazia kod owetene gi joka Rekab duto,

Jeremia 35:4

mi okelogi e Hekalu. Ne oterogi e od yawuot Hanan wuod Igdalia ng’at Nyasaye. Odno ne nie bath od jodong Hekalu, kendo ewi od Maaseya wuod Shalum mane jatich maduong’ e Hekalu.

Jeremia 35:8

Waserito chike duto mag Jonadab wuod Rekab ma kwarwa. Wan wawegi ok wamadh divai, kata mana mondwa gi yawuotwa kod nyiwa bende ok madhi.

Ezekiel 40:16

Ne nitie dirise matindotindo e kor udi maoko mag udi duto, kendo e kor udi maiye manie kind udi. Kor udi ma yo ka iye, momanyore gi yo makadho e kind udino ne ogorie yiend othidhe.