Jeremia 34:9 - MUMA MALER 2015

⁹ Noyudo ji duto osewinjore ni ng’ato ka ng’ato biro gonyo wasumbni mage ma jo-Hibrania machwo gi mamon mondo ng’ato kik bed gi ja-Yahudi matiyone ka misumba.

Motingʼo Loko Manyien

⁹ Ngʼato ka ngʼato ne onego we misumbane ma ja-Hibrania, madichwo kod ma dhako; onge ngʼama ne dongʼ gi ja-Yahudi wadgi e twech.

Jeremia 34:9 ပူးပေါင်းရင်းမြစ်များ

Chakruok 14:13

To ng’at moro mane otony e lwenyno nobiro ir Abram ja-Hibrania monyise gima osetimore. E ndalogo, Abram nodak but yiend Mamre ja Amor. Mamreno ne omin Eshkol kod Aner mane osiepe Abram.

Chakruok 40:15

Ne omaka gi thuon e piny jo-Hibrania, to bende onge gima rach ma asetimo ka, mowinjore gitueyane.”

Wuok 2:6

Kane osekelnego, noele, moyudo nyathi ma wuowi e iye ka ywak. Nokeche, mowacho niya, “Nyaka bed ni en achiel kuom nyithind jo-Hibrania.”

Wuok 3:18

Kamano jo-Israel biro winjo gima iwacho. Bang’e nyaka udhi gi jodong Israel ir ruodh Misri, kendo uwachne niya, ‘Ruoth Nyasaye ma Nyasach jo-Hibrania, oseromo kodwa. Omiyo koro yie iwe wadhi e thim kuom wuodh ndalo adek, mondo watim misango ni Ruoth Nyasaye ma Nyasachwa.’

Jeremia 25:14

Ogendini mang’eny kod ruodhi madongo nolokgi wasumbini, kendo abiro chulonigi kuor kuom timbegi.’ ”

Jeremia 27:7

Ogendini duto notine, kendo giniti ni wuode kod nyakware bende, nyaka chop kinde ma ogandane owuon nopodhie. Bang’e ogandane noti ni ogendini marateke kod ruodhi madongo.

Jeremia 30:8

Ruoth Nyasaye Manyalo Gik Moko Duto wacho niya, “Chieng’no anang’ad jok manie ng’utgi, kendo anatur ratege motuegigo, mi ok ginichak gibed wasumb jopinje mamoko

Jeremia 34:10

Kane ji duto kaachiel gi jotendgi osetimo singruok ni gibiro gonyo wasumbgi kamano kendo ni ok ginichak gilokgi wasumbni, ne gichopo singruokno, mi giweyo wasumbgi odhi.

1 Jo-Korintho 6:8

Kar timo kamano to un uwegi ema utimo marach, kendo un ema umecho, to eka utimo kamano mana ni oweteu!

2 Jo-Korintho 11:22

Gipakore ni gin jo-Hibrania koso? To donge an ja-Hibrania mana kaka gin? Bende gipakore ni gin jo-Israel, to an ok an ja-Israel koso? Kendo giwacho ni gin nyikwa Ibrahim, to an bende ok an nyakwar Ibrahim?

Rapar mar Chik 15:12

“Ka ing’iewo ja-Hibrania wadu ma dichwo kata ma dhako mondo obed misumbani, enotini kuom higni auchiel, to e higa mar abiriyo nyaka iweye odhi.

Jo-Filipi 3:5

Notera nyangu chieng’ mar aboro bang’ nywolna, kaka Chik Musa dwaro, kendo an ja-Israel ma jadhood Benjamin, bende an ja-Hibrania ma wuod jo-Hibrania. Kuom wach rito Chik Musa to ne an ja-Farisai,

1 Samuel 14:11

Omiyo ne giwuok e lela, mondo jolweny mag jo-Filistia onegi. Jo-Filistiago nowacho ni, “Neuru! Jo-Hibrania wuok e buche ma yande gipondoe.”

1 Samuel 4:6

Kane jo-Filistia owinjo kokono, ne gipenjore niya, “Mano koko manade matimore e kambi jo-Hibraniano?” To kane giwinjo ni Sanduk mar Ruoth Nyasaye osechopo e kambi,

1 Samuel 4:9

Jiwreuru ubed ka chwo, un jo-Filistia, mondo kik ubed ka wasumb jo-Hibrania, kaka gisebedonu. Beduru ka chwo, kendo keduru!”