Jeremia 34:7 - MUMA MALER 2015

⁷ E kindeno jolweny mag ruodh Babulon noyudo monjo Jerusalem, kaachiel gi Lakish kod Azeka. Mier ariyogo kende e miech Juda mochiel motegno mane pok okaw.

Motingʼo Loko Manyien

⁷ sa mane jolweny mar ruodh Babulon ne kedo gi Jerusalem kod mier madongo mamoko mag Juda mane pod odongʼ, ma gin Lakish kod Azeka. Magi kende e mier madongo mochiel motegno gohinga mane odongʼ e Juda.

Jeremia 34:7 ပူးပေါင်းရင်းမြစ်များ

2 Ruodhi 14:19

Joge moko nojame Jerusalem, mi noringo nyaka Lakish, to ne gilawe mi ginege kuno.

2 Ruodhi 19:8

Rabshake nodok, moyudo ni ruodh Asuria osea Lakish, odhi monjo Libna. Omiyo nodhi ire kuno.

2 Weche mag Ndalo 27:4

Bende nogero mier e piny gode mag Juda gi kuonde maboyo mag ng’icho kod mag siro lweny e gode motimo bunge.

Isaya 36:2

Ne ooro Rabshake kod oganda lweny mang’ongo ka en Lakish mondo odhi Jerusalem ir ruoth Hezekia. Kane Rabshake ochopo kuno, ne ochung’ but fereji magolo pi e yawo mamalo man yo mochiko puodho miluongo ni Puoth Jalwok Lewni.

Jeremia 11:12

Bang’e jo-Juda gi joma odak Jerusalem biro dhi ir nyisechegi ma gisebedo ka gitimonigi misengni, mondo okonygi. To nyisechego ok noresgi ka masira obiro.

Jeremia 34:1

Ruoth Nyasaye ma Nyasach Israel nowuoyo gi Jeremia kane oyudo Nebukadnezar ruodh Babulon gi ogandane mar lweny kod jolweny mag ogendini mamoko, kaachiel gi mag pinje duto mane ni e bwo lochne omonjo Jerusalem kod mier mokiewo kode.

Jeremia 4:5

“Gouru tung’, e piny duto, kendo koguru matek, kunyiso jo-Juda gi jo-Jerusalem mondo oring odhi e mier mochiel motegno.

Jeremia 8:14

Jo-Nyasaye penjore niya, “Ere gimomiyo wabet abeta? Biuru wadhi e mier mochiel motegno wathoe, nimar Ruoth Nyasaye oseng’adonwa buch tho. Osemiyowa pi motimo kwiri mondo wamodhi, nikech timbewa osebedo maricho e nyime.

Mika 1:13

Un joma odak Lakish, tueuru fareseu e geche lweny. Ne uluwo timbe maricho mag Israel, mi umiyogo jo-Jerusalem odonjo e richo.

Rapar mar Chik 28:52

Ginilwor mier duto ma Ruoth Nyasaye nomiu mondo gikau, nyaka gimuk ohinga maboyo kendo motegno muparo ni dugeng’rugo.

Joshua 10:3

Omiyo Adoni-zedek ruodh Jerusalem nooro wach ni Hoham ruodh Hebron, gi Piram ruodh Jarmuth, gi Jafia ruodh Lakish, kod Debir wuod Eglon, kowachonogi niya,

Joshua 10:5

Kamano ruodhi mag Jerusalem gi Hebron gi Jarmuth gi Lakish kod Eglon, ma gin ruodhi abich mag jo-Amor, noriwo jolwenjgi kaachiel, mi gimonjo Gibeon.

Joshua 12:11

gi Jarmuth gi Lakish

Joshua 15:35

gi Jarmuth gi Adulam gi Soko gi Azeka.

Joshua 15:39

gi Lakish gi Bozkath gi Eglon