Jeremia 34:16 - MUMA MALER 2015

¹⁶ To bang’e ne uchako uloko parou, mi ukwedo nyinga. Uduto ne uchako ukawo wasumbni kendo.

Motingʼo Loko Manyien

¹⁶ To koro uselokoru kendo usedwanyo nyinga; uduto usekawo wasumbini machwo kod mamon mane useweyo thuolo mondo gidhi kama gidwaro. Usechunogi mondo gibed wasumbini magu kendo.

Jeremia 34:16 ပူးပေါင်းရင်းမြစ်များ

Wuok 20:7

“Kik uluong nying Ruoth Nyasaye ma Nyasachu kayiem nono, nimar anakum ng’ato ka ng’ato mokonyore gi nyinga e yo ma ok ni kare.

Jeremia 34:11

To achien ne giloko parogi mi gikawo mon gi chwo mane gisegonyo, mi gichako gidwoko e tich wasumbni.

Ezekiel 13:22

“Unyoso chuny joma kare gi miriambo, to an ok adwar mondo unyos chunygi. Bende ujiwo chuny joma timbegi mono, mi gidagi weyo timbegi mamonogo, mondo gires ngimagi.

Ezekiel 18:24

“To ka ng’at makare oweyo timne makare, mi odonjo e richo, kotimo timbe mamono kendo modwanyore ma joricho ema timo, to koro dobed mangima adier? Ooyo, onge timne makare kata achiel ma napar. To enotho nikech noweya, mi odonjo e richo.

Ezekiel 20:39

“An Ruoth Nyasaye awacho kama: Ara, un jo-Israel, koro dhiuru adhiya nyime gi tiyo ni nyisecheu manonogo! To aramo ni e giko to ubiro luora, mi ok unumi nyinga maler kethre kuom chiwo mich ni nysecheu manono.”

Ezekiel 3:20

“Ka ng’at makare odonjo e richo, mi akelone masira, to enotho. Adier, enotho nikech richone, nimar ok isesieme. Ok napar timbene makare mosebedo kotimo, to in ema nakwani ka ng’ama onege.

Ezekiel 39:7

Anami joga Israel ng’e nyinga maler, kendo ok nawe nyinga chak kethre. Eka ogendini nong’e ni an Ruoth Nyasaye an Ng’ama Ler mar Israel.”

Tim jo-Lawi 19:12

Kik ikuong’ri gi nyinga kiwuondo ng’ato, nimar kitimo kamano to ichayo nying Ruoth Nyasaye ma Nyasachu. An e Ruoth Nyasaye.

Malaki 1:12

To uchaya, kuparo ni kendona mar misango en kama odwanyore, ma unyalo chiwoe chiemo moro amora.

Malaki 1:7

Usejara kuom chiwo chiemo ma chik ok oyiego e kendona mar misango, to eka upenja ni ere kaka ok usemiya luor! To usejara kuchayo kendona mar misango.

1 Samuel 15:11

“Chunya olokore kuom keto Saulo ruoth, nimar osedok chien ma ok oluwa, kendo ok osetimo gima nachike.” Mirima nomako Samuel, moywak ni Ruoth Nyasaye otienono duto.