Jeremia 34:15 - MUMA MALER 2015

¹⁵ Un to yande uloko parou, mi utimo gima ahero. Uduto ne uyie gonyo jo-Hibrania weteu, mi utimo singruok e nyima ei Hekalu miluongo gi nyinga.

Motingʼo Loko Manyien

¹⁵ Kinde mosekadho machiegni, ne ikwayo weruok kendo ne itimo gima nikare e nyim wangʼa: Un duto ne uyie weyo oweteu thuolo. Bende ne utimo singruok e nyima e ot motingʼo Nyinga.

Jeremia 34:15 ပူးပေါင်းရင်းမြစ်များ

2 Ruodhi 12:2

Timbe Joash ne long’o e nyim Ruoth Nyasaye ndalone duto, nikech Jehoyada jadolo ne ng’adone rieko.

2 Ruodhi 14:3

Timbe Amazia ne long’o e nyim Ruoth Nyasaye, to ok machal gi Daudi kwar mare. Noluwo timbe duto mag Joash wuon mare,

2 Ruodhi 23:3

Eka nodhi e bath siro, mochung’ e nyim Ruoth Nyasaye kosingore ni enoluw Ruoth Nyasaye gi chunye duto kod tekone duto, komako chikene gi wechene kod buchene, kamano mondo orit weche mag singruok mondiki e kitabuno. Mi ji duto bende notimo singruokno.

Nehemia 10:29

Ne gikuong’ore giduto kendo gichamo muma, ni ginirit chike Nyasaye mane Musa jatich Nyasaye omiyogi, kendo ni ginimak kendo ginichop chike Ruoth Nyasaye ma Nyasachgi duto.

Zaburi 119:106

Akuong’ora ni anarit chikeni makare, mana kaka ne asingora.

Zaburi 76:11

Miuru Ruoth Nyasaye ma Nyasachu gima ne usingoru ni unumiye, kendo un ogendini duto modak machiegni, keluru mich ni ng’ama ji duto oluoro.

Isaya 58:2

Kata obedo ni gin joricho kamano, to pod gidwara pilepile, kendo gihero ng’eyo yorena, mana ka oganda ma timo gik makare, kendo ma ok oweyo chik Nyasaye. Gikwaya mondo amigi chike makare, kendo giwacho ni gimor ka gisudo machiegni koda.

Jeremia 32:34

Giseketo kido mag nyisechegi makuero e Hakalu mara, mi gidwanyo,

Jeremia 34:8

Ruoth Nyasaye nowuoyo gi Jeremia, kane ruoth Zedekia osetimo winjruok gi jo-Jerusalem mondo ogony wasumbni maggi odhi.

Tim jo-Lawi 25:10

Kamano unuwal higa mar piero abich, kugoyo milome mondo obed higa miweyoe jopinyu duto thuolo. Higano nobed higa mar mor, ma ng’ato ka ng’ato nodogie pinygi ir joodgi.

Mathayo 15:8

‘Jogi paka mana gi dhogi, to chunygi bor koda.