Jeremia 34:1 - MUMA MALER 2015

¹ Ruoth Nyasaye ma Nyasach Israel nowuoyo gi Jeremia kane oyudo Nebukadnezar ruodh Babulon gi ogandane mar lweny kod jolweny mag ogendini mamoko, kaachiel gi mag pinje duto mane ni e bwo lochne omonjo Jerusalem kod mier mokiewo kode.

Motingʼo Loko Manyien

¹ Ka Nebukadneza ruodh Babulon kod jolweny mage duto gi pinjeruodhi duto gi ji duto mane ni e gwengʼ mane orito ne kedo gi Jerusalem kod dala mane olwore duto, wachni nobiro ne Jeremia koa ir Jehova Nyasaye:

Jeremia 34:1 ပူးပေါင်းရင်းမြစ်များ

Jeremia 1:15

Aluongo ogendini duto man yo nyandwat mondo obi. Ruodhi maggi bende nobi, kendo norenj kombegi mag loch e dhorangeye Jerusalem, kendo e alwora mar ohinga Jerusalem, kendo e alwora mag mier moko duto mag Juda.

Jeremia 21:2

“Yie ipenjnwa Ruoth Nyasaye wach, nikech Nebukadnezar ruodh Babulon kedo kodwa. Dipo ka Ruoth Nyasaye otimonwa hono moro kaka ne ojatimo, mi ochun Nebukadnezar mondo owewa.”

Jeremia 32:1

Ruoth Nyasaye nowuoyo gi Jeremia e higa mar apar mar loch Zedekia ruodh Juda, ma bende ne higa mar apar gaboro mar loch Nebukadnezar ruodh Babulon.

Jeremia 32:2

E ndalono jolweny mag ruodh Babulon ne monjo Jerusalem, kendo noyudo Jeremia janabi otue e laru mar od ruoth.

Jeremia 34:7

E kindeno jolweny mag ruodh Babulon noyudo monjo Jerusalem, kaachiel gi Lakish kod Azeka. Mier ariyogo kende e miech Juda mochiel motegno mane pok okaw.

Daniel 4:1

Ruoth Nebukadnezar nolando wach ni ogendini duto mae piny ngima, bed ni gia e dhoot mane, kata bed ni giwacho dhok mane. Nowachonigi niya, “Amosou gi mos mogundho.

Daniel 4:22

“Ruoth, in e yadhno! Irabora kendo itegno. Tekoni osedongo mochopo e polo, kendo lochni okwako piny ngima.

Daniel 5:19

Omiyo ogendini duto mae piny ngima, bed ni gia e dhoot mane kata giwacho dhok mane, ne oluore kendo ne tetni e nyime. Kapo ni ne odwaro nego ng’ato, to onego anega, kata kane odwaro weyo ng’ato ka ngima, to oweyo aweya. Ne onyalo miyo ng’ato teko, kata mayogo tekono, mana kaka en ema ohero.