Jeremia 33:9 - MUMA MALER 2015

⁹ Jerusalem nobed kama miya mor, kendo makelona pak gi duong’, mi ogendini duto mae piny nobed maluor kendo makirni ka giwinjo gik moko duto mabeyo ma atimo ni jo-Jerusalem, kod dongruok maber ma akelo ni dalani.”

Motingʼo Loko Manyien

⁹ Eka dala maduongʼni nomi abed gihuma, ilo, pak kod luor e nyim ogendini duto manie piny mawinjo gik moko duto mabeyo masetimone; kendo ginibed gi luoro mi ginitetni kuom gweth mogundho kod kwe masechiwone.’

Jeremia 33:9 ပူးပေါင်းရင်းမြစ်များ

2 Weche mag Ndalo 20:29

Kane ruodhi mag pinje mamoko duto owinjo kaka Ruoth Nyasaye osekedo gi wasik Israel, luoro moa kuom Ruoth Nyasaye nomakogi.

Nehemia 6:16

Kane wasikwa owinjo kamano, kendo ogendini mokiewo kodwa oneno tijno, ne giwuoro kaka en tich maduong’, kendo ne ging’eyo ni Nyasachwa ema nokonyowa.

Zaburi 130:4

To in ing’wononwa, omiyo waluori.

Zaburi 40:3

Ne opuonja wer manyien mipakogo Nyasachwa. Ji mathoth moneno kamano biro bedo maluor, kendo gibiro keto genogi kuom Ruoth Nyasaye.

Isaya 43:21

Gin ji mane atimo ogandana awuon, mondo oland weche ma miya duong’.

Isaya 55:13

Kuonde ma koro pedo gi kudho nitie, yien mabeyo ema biro dongoe. Mano nomi Ruoth Nyasaye bedo gi huma ma ok nyal lal, kendo nobed rapar mosiko nyaka chieng’.”

Isaya 60:5

Kineno kamano to inibed mamor, mi chunyi pong’ gi ilo. Mwandu mogundho mag ogendini mopogore opogore nokelni gi yiedhi.

Isaya 62:1

In Sayun aheri, omiyo ok analing’. Adier, aheri in Jerusalem, omiyo ok nawe wuoyo, nyaka chop resi, mi resruokni rieny ka taya maliel.

Isaya 62:12

Noluonggi ni, ‘Joma owal’, kendo ni, ‘Joma Ruoth Nyasaye osewaro’, kendo ni, ‘Dala ma ok ojwang’.’ ”

Isaya 62:4

Ji ok nochak oluongi kendo ni, ‘Dala Mojwang’’. Piny bende ok nochak oluongi kendo ni, ‘Piny Mowe.’ To noluongi ni ‘Dala Ma Amorgo’, kendo noluong pinyi ni, ‘Dhako mokendi’, nimar Ruoth Nyasaye mor kodi, kendo pinyi nochal gi dhako man gi chwore.

Isaya 62:7

Kata en bende kik uwe oyue, nyaka chop ami Jerusalem bed dala marahuma ma ji duto pako.”

Isaya 64:2

mana kaka mach wang’o oswekle, kendo yienyo pi! Kitimo kamano, eka wasiki diwinj humbi, kendo ogendini ditetni ka ibiro.

Jeremia 13:11

Kaka law atueya mako nungo ng’at morwake matek, e kaka nadwaro ni mondo jo-Isarel gi jo-Juda omaka matek, mondo gibed joga, kendo gikel pak kod duong’ ni nyinga. To kata kamano ne gitamore luora.”

Jeremia 16:19

Eka Jeremia nolemo ka wacho kama: “A Ruoth Nyasaye, in ema imiya teko, kendo irita, bende in e kara ma abwokie e kinde mag chandruok. Ogendini moa tung’ piny ka tung’ piny nobi iri, kawacho niya, ‘Kwerewa ne lamo nyiseche manono ma gin mana kido ma onge tich.

Jeremia 24:6

Abiro ritogi maber, kendo anaduoggi e pinyni. Abiro gerogi, kendo ok namukgi. Abiro pidhogi, kendo ok napudhgi.

Jeremia 26:6

Ka ok uwinjogi, kendo ka pod utamoru timo gik ma awacho, to abiro ketho Hekaluni mana kaka naketho Shilo, kendo ogendini duto noluong nying dalani ka gima okuong’.”

Jeremia 29:1

Jeremia nondiko ni jotelo mane odong’ kuom joma otue, kaachiel gi jodolo gi jonabi kod ji duto mane Nebukadnezar ogolo Jerusalem motero Babulon.

Jeremia 3:17

E ndalogo noluong Jerusalem ni komduong’ mar Ruoth Nyasaye, kendo ogendini duto nochokre kuno mondo omi nyinga duong’. Ok ginichak gitim tim wich teko, bende ok ginibed gi chuny mar timo richo.

Jeremia 3:19

“Un jo-Israel aseyie kawou ka yawuota, mondo amiu piny maberie moloyo pinje mamoko duto. Ne aparo ni ubiro luonga ni wuonu, kendo ok nuchak uweya.

Jeremia 31:14

Abiro miyo jodolo gundh gi chiemo mabeyo moloyo, kendo joga noyud gik moko duto ma gichando. An Ruoth Nyasaye ema awacho kamano.”

Jeremia 31:4

Jo-Israel, abiro chako gerou, kendo ubiro tueyo gara, mi umiel gi ilo.

Jeremia 32:42

“Kaka asekelo masira maduong’ni kuom jogi, e kaka abiro miyogi gik moko duto mabeyo ma asesingoranigi.

Jeremia 33:14

Ruoth Nyasaye nowacho niya, “Kinde biro ma anachopie singruok mane atimo ni jo-Israel gi jo-Juda ni anaguedhgi.

Jeremia 4:2

Ka ukuong’oru gi nying Ruoth Nyasaye gi adiera gi bura makare kendo gi tim malong’o, to ogendini biro kwaya mondo gin bende aguedhgi kaka aseguedhou, kendo gibiro miya duong’.

Jeremia 44:8

To mano ema biro timore, kumedo miya mirima gi kido mag nyisecheu manono, kendo kuom timo misengni ni nyiseche mamoko e piny Misri, kama usebiro mondo udagieni. Koso utimo kamano mana ni mondo urum, kendo mondo ogendini duto mae piny ojaru, kendo oluong nyingu ka gima okuong’?

Jeremia 49:25

Dala marahuma mane mor chono, ji osedarie pep.

Ezekiel 26:20

Abiro teri e piny joma otho, mondo ibed gi joma notho chon. Anami idag e piny manie bwo lowono, kibudho e bur matut e kind gik machon mokethore, mi ok nichak iduog e piny joma ngima.

Ezekiel 36:35

mi ji duto nowach niya, “Piny ma yande thimni tinde chalo gi puoth Eden, kendo mier mane omukore mi oyaki kendo owe gundni, tinde ochiel motegno, kendo ji odakie.”

Ezekiel 39:13

Ng’ato ka ng’ato modak e pinyno noyikgi, kendo mano nomi giyud duong’, chieng’ ma alocho. An Ruoth Nyasaye awacho kamano.

Hosea 3:5

To achien jo-Israel noduog ir ruoth Nyasachgi, kendo ir Daudi ruodhgi, kendo ka ndalogo ochopo, to giniluor Ruoth Nyasachgi, mi giyud michne mabeyo.

Zekaria 1:17

To bende malaikano nowachona ni mondo anyis ji ni, Ruoth Nyasaye wacho kama: “Miecha duto biro pong’ gi gik moko mabeyo, mi anachak aho Sayun, kendo anatim Jerusalem dala ma ayiero.”

Zekaria 12:2

“Anami Jerusalem chal gi agwata mar kong’o, ma ogendini mokiewo kode biro madho, mi kwang’ ka joma omer. Ka ogendinigo goyo ni Jerusalem ageng’a, to miech Juda bende giniluor.

Rapar mar Chik 30:5

Ruoth Nyasaye ma Nyasachu nodwoku e piny kwereu mondo udagie. Enomi unya mang’eny, kendo ubed gi mwandu mathoth moloyo kwereu.