Jeremia 33:8 - MUMA MALER 2015

⁸ Abiro pwodhogi kuom richogi duto, kendo abiro weyonigi timbe maricho ma gisetimo e nyima ka gitamore mako chikna.

Motingʼo Loko Manyien

⁸ Anapwodhgi kuom richo magisetimona kendo anawenegi richogi duto mag ngʼanyona.

Jeremia 33:8 ပူးပေါင်းရင်းမြစ်များ

Zaburi 130:4

To in ing’wononwa, omiyo waluori.

Zaburi 130:8

Obiro waro joge Israel kuom richogi duto.

Zaburi 51:2

Lwok timbena mamono, kendo pwodha kuom richona.

Zaburi 65:3

Yaye, kethowa ohingowa, to in ema ing’wononwa kuomgi.

Isaya 4:2

E ndalogo, yath ma Ruoth Nyasaye osepidho nobed gi duong’ kendo nonere maber, bende olemo ma piny onyago ema nobed gima kelo ni jo-Israel motony mor kod pak.

Isaya 44:22

Aserucho richou, mi oduono mana ka ong’ueng’o. Ee, asekeyo timbeu mamono mana ka boche polo. Duoguru ira, nikech asewarou.”

Isaya 56:7

Awachonigi ni anakelgi e goda maler, mi ami gibed mamor e oda mar lemo, kendo nayie gi gik ma giwacho e kendona-mar-misango, kaachiel gi misengni ma gitimona, nikech noluong oda ni, Od Lemo mar ogendini duto.”

Jeremia 31:34

Onge ng’ama nopuonj wadgi kata ma nopuonj omin mare, kawachone ni, ‘Ng’e Ruoth Nyasaye,’ nikechh giduto gining’eya, chakre ng’at matinie moloyo nyaka ng’at maduong’ie moloyo. Anawenigi richogi, kendo ok nachak apar timbe maricho mane gisetimo. An Ruoth Nyasaye ema awacho kamano.”

Jeremia 50:20

Ka kindeno ochopo, to onge richo ma noyud kuom jo-Israel kata kuom jo-Juda, nikech joma aweyo ka ngima, ema bende anawenigi richogi. An Ruoth Nyasaye ema awacho kamano.

Ywagruok 4:22

Kum mane okumgo jo-Sayun kuom timbegi mamono koro orumo. Ok nochak oriembgi kendo, mondo gibed wasumbni e piny wasikgi. To un jo-Edom ema Ruoth Nyasaye nokumu, kendo enoel kethou e lela.

Ezekiel 36:25

Anakir kuomu pi maliw, mi apuodhu kuom nyisecheu mamono, kod gimoro amora mane odwanyou.

Ezekiel 36:33

“An Ruoth Nyasaye awacho niya, ‘Ka apwodhou kuom richou duto, to anami uchak udag e miechu, mi uger kuonde mane omukore.

Tim jo-Lawi 16:30

nikech chieng’no ema nogolnue richou mondo upwodhru. Kamano unupwodhru kuom richou duto e nyim Ruoth Nyasaye.

Zekaria 13:1

Ruoth Nyasaye Manyalo Gik Moko Duto wacho niya, “Ka ndalogo ochopo, to soko noyawre ni nyikwa Daudi kod jo-Jerusalem mondo opwodhgo richogi gi timbegi makuero.

Fweny 1:5

kendo moa kuom Yesu Kristo ma janeno maradier, mane okwongo chier oa kuom joma otho, kendo ma jatend ruodhi mag piny. Oherowa kendo osegonyowa kuom richowa gi rembe,