Jeremia 33:6 - MUMA MALER 2015

⁶ To kata kamano, abiro change, mi odok mangima. Bende abiro chango joma odakie mi amigi mor kod kue.

Motingʼo Loko Manyien

⁶ “ ‘Kata kamano, anamigi ngima kendo chang; anachang joga kendo anami gibed gi mor kuom kwe mathoth kod rit mogundho.

Jeremia 33:6 ပူးပေါင်းရင်းမြစ်များ

Zaburi 147:3

bende oduogo chuny joma genogi oserumo, kendo othiedho adhondegi.

Zaburi 37:11

To joma muol ema nobed weg piny, kendo giniyud mor maduong’ ka gidak gi kue.

Zaburi 67:2

Eka mondo piny duto ong’e yoreni, kendo ogendini duto bende ong’e teko miseresogo ji.

Zaburi 72:7

Tim makare onego olandre e ndalone, kendo ji onego odhi maber nyaka chieng’.

Wuok 34:6

Nokadho e nyim Musa, kowacho gi dwol maduong’ niya, “An JEHOVA. An Ruoth Nyasaye, an Nyasaye ma jang’wono kendo makecho ji. Iya ok wang’ piyo, kendo anyiso hera mosiko kod adiera.

Eklesiastes 3:3

kinde mar nek, gi kinde mar chengo, kinde mar muko, gi kinde mar gero,

Isaya 2:4

Enong’ad bura ka othego ogendini mopogore opogore kendo enoyal pinje mang’eny. Ng’ato ka ng’ato nothedh liganglane mondo obed kwer. Tongegi to ginithedh rabetni. Onge oganda moro ma noked gi oganda machielo, kendo ji ok nochak opuonjre lweny.”

Isaya 30:26

Chieng’no due nobed karieny maler ka wang’chieng’ kendo wang’ chieng’ nobed ka rieny maler nyadibiriyo moloyo kaka orieny pile. Nochal mana gi ler mar ndalo abiriyo moriw e odiechieng’ achiel! En chieng’ ma Ruoth Nyasaye nochomie tiende joge kod bedegi motur, kendo ochangie adhondegi.

Isaya 39:8

Hezekia ne odwoke niya, “Wach Ruoth Nyasaye ma isenyisa ber.” To ne odwoke kamano, koparo ni en to kue biro siko e ndalone duto.

Isaya 54:13

Ruoth Nyasaye ema nopuonj joma geri duto, kendo nyithindi nodhi nyime maber ahinya.

Isaya 55:7

Joma timbegi mono mondo owe timbegi maricho kod paro mochido. Onego giduog ir Ruoth Nyasaye mondo okechgi. Adier, onego giduogi ir Nyasachwa, nimar nong’wonnigi richogi duto.

Isaya 57:18

Aseneno timbegi, to pod abiro mana changogi, mi aho chunygi, kendo amigi yueyo maber, bende anakue chuny jogi maywak.”

Isaya 57:19

An Ruoth Nyasaye awacho niya, “Kue mondo obedie ni joma ni mabor, kendo ni joma ni machiegni, nikech abiro changogi.

Isaya 58:8

Kutimo kamano eka ler ma un go noyawre mana ka ru piny, kendo unubed mangima mana ka adhola mosechango. Timbeu uwegi makare ema notelnu, kendo duong’ maler mar Ruoth Nyasaye ema nodong’nu chien.

Isaya 66:12

Ruoth Nyasaye wacho niya, “Abiro miyo Jerusalem bedo gi kue mamol ka aora, kendo mwandu mag ogendini bende abiro olone, mana ka aora motiak. Unubed mamor mana ka nyithindo midhodho, kendo miiko e bath, kata mipiro e chong.

Jeremia 17:14

Jeremia nokwayo niya, “A Ruoth Nyasaye, changa mondo adok mangima. Resa mondo ayud kue. In ema apaki.

Jeremia 29:11

An awuon ema ang’eyo gima achanonu. En gima ber to ok gima rach, kendo abiro kelonu gik mabeyo duto mugeno. An Ruoth Nyasaye ema awacho kamano.

Jeremia 3:22

Duoguru un nyithinda moseweya, mondo aloku joma kare. Udwoka niya, ‘Ee, waduogo iri, nimar in e Ruoth Nyasaye ma Nyasachwa.

Hosea 6:1

Jo-Israel wacho niya, “Wadoguru ir Ruoth Nyasaye. Osekidhowa, to kata kamano obiro changowa. Osehinyowa, to donge obiro keto yath e adhondewa?

Hosea 7:1

“Pile ka adwaro chango jo-Israel mondo gichak gidhi nyime maber, to richogi gi timbegi makuero ema aneno. Giwuondo ji kendo gituro udi mondo gikuelie, bende gimayo ji gik moko kata mana e wang’ yore.

Mika 4:3

Enong’ad bura, ka othego ogendini, kendo enoyal weche mag ogendini marateke modak kuonde maboyo. Ng’ato ka ng’ato nothedh liganglane mondo obed kwer, kendo tongegi ginithedhi rabetni. Onge oganda moro ma noked gi oganda machielo, kendo ji ok nochak opuonjre lweny.

Mika 7:20

Initim gima kare, kendo iniher jo-Israel ma nyikwa Ibrahim gi hera mosiko, mana kakane isingori ni kwerewa chon.

Malaki 4:2

To un joma oluoro nyinga tekona nopilre kuomu ka wang’chieng’ ma kelo ler, mi noresu, kendo ler mare nobed gima changou. Unubed joma ni thuolo kendo mail ka nyiroye moyawnigi abila.

Johana 10:10

Jakuo biro mana ni mondo okwel, kendo oneki, kendo oketh gik moko. Anto asebiro ni mondo ji oyud ngima kendo obed ngima moromo chuth.

Jo-Efeso 6:23

Kue gi hera kod yie moa kuom Nyasaye Wuoro gi Ruoth Yesu Kristo, obed kod owete duto.

Rapar mar Chik 32:39

“Koro ng’euru malong’o ni an e Nyasaye, kendo onge nyasaye moro, mak mana an. An kende ema anego ji, kendo an ema achiwo ngima. Ahinyo, bende achango. Onge ng’ama nyalo reso ng’ato e lweta.

1 Petro 1:3

Duong’ obed ni Nyasaye Wuon Ruodhwa Yesu Kristo. Kuom ng’wonone maduong’ nonywolowa gi nywol manyien kuom chiero Yesu oa kuom joma otho. Mano miyo wabedo gi geno mangima.