Jeremia 33:2 - MUMA MALER 2015

² Nowachone kama: “An Ruoth Nyasaye mane ochueyo piny, mi oloso kendo oguro motegno, nyinga en Ruoth Nyasaye.

Motingʼo Loko Manyien

² “Ma e gima Jehova Nyasaye wacho, en ema nochweyo piny, Jehova Nyasaye mane olose kendo oketo mise mare, Jehova Nyasaye e nyinge:

Jeremia 33:2 ပူးပေါင်းရင်းမြစ်များ

Zaburi 102:16

E kinde ma Ruoth Nyasaye nochak ogerie Sayun kendo, to enothinyre gi duong’.

Zaburi 87:5

Kuom Sayun to ji duto nowachie niya, “En min ogendini duto, kendo Ng’ama Duong’ Moloyo biro miyo ogurore motegno.”

Wuok 15:3

Ruoth Nyasaye en jalweny, kendo Ruoth Nyasaye nyinge.

Wuok 6:3

Nafwenyora ni Ibrahim gi Isaka kod Jakobo ka Nyasaye Manyalo Gik Moko Duto, to ne ok aweyo ging’eya gi nyinga mar Ruoth Nyasaye.

Isaya 14:32

Koro ere dwoko ma onego mi joote mag ogandano? Dwokgiuru niya, “Ruoth Nyasaye osemiyo Sayun ogurore motegno, kendo kanyo ema joge ma jochan biro tonyie.”

Isaya 37:26

To in Senakerib, kata obedo ni iwacho kamano, donge ing’eyo ni an Ruoth Nyasaye ema ne achano chon mondo gigo otimre? Adier, ne achanogi chon, to koro amiyo gitimore. An ema ne achano mondo imuk mier mochiel motegno, olokre gundni,

Isaya 42:8

An e Ruoth Nyasaye, kendo mano e nyinga. Ok ayie mondo duong’ ma imiya omi nyasaye moro machielo, bende ok ayie mondo pak mipakago opakgo gik ma opa.

Isaya 43:1

Un jo-Israel ma nyikwa Jakobo, Ruoth Nyasaye mane otimou oganda wacho kama: “Kik ubed maluor nikech asewarou. Aseluongou gi nyingu, omiyo un joga awuon.

Isaya 43:21

Gin ji mane atimo ogandana awuon, mondo oland weche ma miya duong’.

Isaya 62:7

Kata en bende kik uwe oyue, nyaka chop ami Jerusalem bed dala marahuma ma ji duto pako.”

Jeremia 10:16

Nyasach Jakobo to ok chal gi gigo, nimar en ema ochueyo gik moko duto, kendo oseyiero jo-Israel mondo obed joge owuon. Ruoth Nyasaye Manyalo Gik Moko Duto e nyinge.

Jeremia 16:21

Ruoth Nyasaye nodwoko niya, “Mano emomiyo abiro nyisogi tekona gi duong’na dichiel kendo mogik, mi gibiro ng’eyo ni an e Ruoth Nyasaye.”

Jeremia 32:18

Isenyiso herani mosiko ni ji gana gi gana, to bende ikumo ji nikech richo mag wuonegi. In Nyasaye maduong’ man gi teko, kendo nyingi en Ruoth Nyasaye Manyalo Gik Moko Duto.

Jeremia 51:19

Nyasach Jakobo to ok chal gi gigo, nimar en ema ne ochueyo gik moko duto, kendo oseyiero jo-Israel mondo obed joge owuon. Ruoth Nyasaye Manyalo Gik Moko Duto e nyinge.

Amos 5:8

Ruoth Nyasaye ema nochueyo Yugni gi Ratego, kendo en ema omiyo piny ru kendo yuso. Oluongo pi nam mondo obi, kendo oologi e piny.

Amos 9:6

Ruoth Nyasaye gero ute e polo, kendo orenjo polo kuom piny. Oluongo pi nam mondo obi, kendo oologi e piny. Ruoth Nyasaye e nyinge!

Jo-Hibrania 11:10

Ibrahim nodak e hema kamano, nikech nogeno yudo dala man gi mise motegno, mane Nyasaye ema ochano kendo ogero.

Jo-Hibrania 11:16

To koro ne gigombo piny maber moloyo, tiende ni piny polo. Mano emomiyo wi Nyasaye ok kuodi kiluonge ni Nyasachgi, nikech oseikonigi dala.

Fweny 21:10

Eka malaikano notera malo ewi got maduong’ kendo mabor, ka an ei Roho, mi onyisa Jerusalem, Dala Maler, kalor piny a e polo kuom Nyasaye,

Fweny 21:2

Eka ne aneno Dala Maler, ma en Jerusalem manyien, kalor piny a e polo kuom Nyasaye, koikore ka miaha moikore ni chwore.