Jeremia 33:18 - MUMA MALER 2015

¹⁸ kendo pile nobedie jodolo ma jo-Lawi ka tiyo e nyima, kendo kachiwo misengni miwang’o pep gi mag mogo kaachiel gi misengni mamoko.”

Motingʼo Loko Manyien

¹⁸ kata jodolo, ma jo-Lawi, bende ok nobed maonge gi ngʼato machungʼ e nyima seche duto mar chiwo misengini miwangʼo pep, ka giwangʼo misengini mag cham kendo chiwo misengini.’ ”

Jeremia 33:18 ပူးပေါင်းရင်းမြစ်များ

Ezra 3:5

To bende ne gitimo misengni mapile, gi misengni mag Sabato gi mago mitimo ka due opor, kod mag sewni moko duto mowal ni Nyasaye, kendo ne gichiwo mich mane ji okelo ni Ruoth Nyasaye kuom herogi.

Isaya 56:7

Awachonigi ni anakelgi e goda maler, mi ami gibed mamor e oda mar lemo, kendo nayie gi gik ma giwacho e kendona-mar-misango, kaachiel gi misengni ma gitimona, nikech noluong oda ni, Od Lemo mar ogendini duto.”

Isaya 61:6

To un, noluongu ni, ‘Jodolo mag Ruoth Nyasaye’, kendo ni, ‘Jotich Nyasachwa’. Unucham mwandu mag ogendini mamoko, bende unukaw gigi mabeyo, mi ukonyrugo.

Jeremia 33:19

Ruoth Nyasaye nowacho ni Jeremia niya,

Jeremia 33:22

Abiro miyo nyikwa Daudi jatichna kod jodolo ma jo-Lawi ma tiyona nya, mondo gibed mang’eny ma ok nyal kwan, mana ka sulue manie polo kata ka kuoyo mae dhonam.”

Jeremia 35:19

Kuom mano an Ruoth Nyasaye Manyalo Gik Moko Duto, kendo ma Nyasach Israel asingora ni e kinde duto nobedie nyakwar Jonadab wuod Rekab ma tiyona.”

Ezekiel 44:15

“An Ruoth Nyasaye awacho kama: Jodolo ma jo-Lawi ma nyikwa Zadok to ne odhi nyime katiyona maber e Hekalu, ka jo-Israel mamoko to oringo oweya, kuom mano, koro gin ema nyaka gitina, kendo gibi e nyima mondo gichiwna boche kod remo mag misengni.

Ezekiel 45:5

To bende bath lowono komachielo ma borne bende oromo kilomita apar gariyo gi nus, kendo lachne kilomita abich, noket tenge ni jo-Lawi matiyo e Hekalu. Ginibed gi mier kuno ma gidakie.

Kwan 3:5

Ruoth Nyasaye nowacho ni Musa niya,

Jo-Rumi 1:21

Kata obedo ni ji nong’eyo Nyasaye, to ne ok gidwar mana miye duong’, kata goyone erokamano moromogo. Kar timo kamano, to parogi nokethore, kendo chunygi maonge rieko, mudho opong’o.

Jo-Rumi 15:16

mondo abed jatich Kristo Yesu, kendo mondo ati tich dolo ni joma ok jo-Yahudi. Tijano en lando Wach Maber mar Nyasaye mondo joma ok jo-Yahudi obed misango malong’o ni Nyasaye, ma Roho Maler osepwodho.

Rapar mar Chik 18:1

“Jodolo ma jo-Lawi, tiende ni dhood Lawi duto, ok noyud pinygi giwegi kaka dhout Israel mamoko. Ginibed ka giyudo pokgi mana kuom misengni motim ni Ruoth Nyasaye, kendo kuom dir mwandu muchiwo ni Ruoth Nyasaye.

Rapar mar Chik 24:8

“Kuom weche mag tuo dhoho, nyaka utim mana kaka jodolo ma jo-Lawi biro chikou, nimar namiyogi chikena duto ma nyaka uriti.

Joshua 3:3

ka ginyiso ji niya, “Kuneno ka jo-Lawi ma jodolo otelo e nyimu koting’o Sandug Muma mar Ruoth Nyasachu, eka un bende unuchak wuoth kuluwo Sanduk.

1 Petro 2:5

Biuru ire ka gima un kite mangima, mondo ubed jodolo maler matimo misengni mag chuny ma Nyasaye oyiego kuom Yesu Kristo,

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!

Fweny 1:6

mi omiyo wadoko oganda ruodhi matiyone kaka jodolo mag Nyasache kendo Wuon mare. Duong’ kod teko obedne nyaka chieng’! Amin.

Fweny 5:10

Ne itimogi oganda joka ruoth matiyo ni Nyasachwa kaka jodolo, kendo ginibed jotend piny.”