Jeremia 33:14 - MUMA MALER 2015

¹⁴ Ruoth Nyasaye nowacho niya, “Kinde biro ma anachopie singruok mane atimo ni jo-Israel gi jo-Juda ni anaguedhgi.

Motingʼo Loko Manyien

¹⁴ “ ‘Ndalo biro ma abiro chopo singruokna mar ngʼwono mane aloso gi od Israel kod gi od Juda,’ Jehova Nyasaye ema owacho.

Jeremia 33:14 ပူးပေါင်းရင်းမြစ်များ

Chakruok 22:18

kendo ogendini duto mae piny nokwaya mondo aguedhgi kaka aseguedho nyikwayi. Magi duto notimre nikech iserito chikna.”

Chakruok 49:10

Juda nomak ludh loch, kochunge e kind tiendene, kobedo ruoth nyaka wuon loch ma biro rito ogendini duto, chopi.

Isaya 7:14

Koro Ruoth Nyasaye owuon biro miyou ranyisi ma chalo kama: Nyako moro osemako ich, kendo obiro nywolo wuowi, ma obiro chako ni Emanuel, (ma tiende ni, Nyasaye ni kodwa.)

Jeremia 23:5

“Ndalo biro ma nayierie nyakwar Daudi hie mondo obed ruoth. Enorit piny gi rieko, kotimo gik ma owinjore kendo makare e piny.

Jeremia 29:10

Ruoth Nyasaye wacho niya, “Ka higni piero abiriyo mag loch Babulon oserumo, to anaparu mi aduogu e pinyu kachopogo singruok mane atimonu.

Jeremia 31:27

“An Ruoth Nyasaye awacho ni kinde biro ma ji gi jamni nonya mang’eny e piny Israel gi Juda.

Jeremia 32:42

“Kaka asekelo masira maduong’ni kuom jogi, e kaka abiro miyogi gik moko duto mabeyo ma asesingoranigi.

Jeremia 33:9

Jerusalem nobed kama miya mor, kendo makelona pak gi duong’, mi ogendini duto mae piny nobed maluor kendo makirni ka giwinjo gik moko duto mabeyo ma atimo ni jo-Jerusalem, kod dongruok maber ma akelo ni dalani.”

Daniel 2:44

E kinde loch ruodhigo, Nyasach Polo nokel loch moro ma ok norum. Onge ng’ama noketh lojno, to en ema noketh loch mamoko duto, mi otiek chuth. En to nosik kogurore nyaka chieng’.

Daniel 9:25

Koro winji, mondo ing’e tiend gik ma abiro wachoni. Chakre chieng’ ma ogolie chik ni Jerusalem onego ochak oger, higni piero ang’wen gochiko nokadhi, eka jatelo mowir nobi. Bang’e Jerusalem nobed ka oseger, molosie yore kendo ochiel gi ohinga motegno, mi nodag higni mia ang’wen gi piero adek gang’wen. Kindeno nobed kinde mar thagruok,

Amos 9:11

“Chieng’no anachung’ e dhood Daudi mosebet ka ot molokore gunda. Analos kuonde momukore mondo oduog maber. Abiro gere kendo, mi alose machal gi kaka nochal chon.

Mika 5:2

Bethlehem Efratha, in e dala matinie moloyo miech Juda duto. To kuomi ema jatend Israel biro wuokie, ma anywolane nitie nyaka nene.

Malaki 3:1

To Ruoth Nyasaye Manyalo Gik Moko Duto dwoko kama: “Abiro oro jaotena otel, mondo olosna yo. Bang’e Ruoth mudwaro nobi apoya e Hekalu mare, kendo jaote mudwaro nenono nobi, mi nohul weche mag singruokna.

Luka 10:24

Awachonu ni, jonabi kod ruodhi mang’eny ne jogombo neno gik ma koro unenogi, to ne ok ginyal neno, bende ne gigombo winjo gik ma uwinjogi, to ne ok ginyal winjo.”

2 Jo-Korintho 1:20

nimar en ema singruok Nyasaye duto chopo kare kuome. Mano emomiyo kwamiyo Nyasaye duong’ to wawacho ni, “Amin” kuom Yesu Kristo.

1 Petro 1:10

Wach warruokni ema ne jonabi onono kendo omanyo matek, kane gikoro wach gueth mane Nyasaye biro miyou.

Fweny 19:10

Ne apodho piny e tiende mondo alame, to nokwera ni, “Ngang’! Kik itim kamano! An mana jatich wadu matiyo kodi kaachiel gi oweteni mamoko. Wan duto wahulo wach man kuom Yesu. Nyasaye kende ema mondo ilam. Adiera ma Yesu kelo ema miyo jonabi koro wach.”