Jeremia 33:11 - MUMA MALER 2015

¹¹ To ubiro chako winjo mor gi ilo kuondego. Dwond mon ma miehni gi chwogi bende nowinji. Unuwinj ka ji wer ka gikelo chiwo mag erokamano e Hekalu mara niya, ‘Gouru erokamano ni Ruoth Nyasaye Manyalo Gik Moko Duto, nikech ong’won kendo herane osiko.’ Abiro miyo pinyni bed maber mana kaka ne ochalo chon. An Ruoth Nyasaye ema awacho kamano.”

Motingʼo Loko Manyien

¹¹ mor gi ilo kuondego, dwond miaha kod wuon kisera, kod dwond jogo makelo chiwo mar goyo erokamano ne od Jehova Nyasaye. Negiwacho niya, “ ‘ “Goneuru Jehova Nyasaye Maratego erokamano, nimar Jehova Nyasaye ber; herane osiko nyaka chiengʼ.” Nimar anaduog gweth ne piny mane gin-go chon,’ Jehova Nyasaye owacho.

Jeremia 33:11 ပူးပေါင်းရင်းမြစ်များ

1 Weche mag Ndalo 16:34

Gouru erokamano ni Ruoth Nyasaye, nikech ober, kendo herane mosiko ochwere.

1 Weche mag Ndalo 16:8

gouru erokamano ni Ruoth Nyasaye. Luonguru nyinge, kendo landuru humb timbene ni ogendini duto.

2 Weche mag Ndalo 20:21

Kane oseporo wach gi joge, noyiero joma onego tel nyim jolweny korwako lep lemo, mondo opak Ruoth Nyasaye, ka wer kama: “Gouru erokamano ni Ruoth Nyasaye, nimar herane mosiko ochwere.”

2 Weche mag Ndalo 29:31

Eka Hezekia nowacho niya, “Kaka usechiworu ni Ruoth Nyasaye, koro keluru misengni mag erokamano e Od Ruoth Nyasaye.” Mi joma nochokore nokelo misengni mag erokamano.

2 Weche mag Ndalo 5:13

Joma ne goyo tung’go kaachiel gi jower, ne wer ka pako Ruoth Nyasaye, kendo goyone erokamano. Ne gigoyo tung’ gi thumbe mopogore opogore ka gipako Ruoth Nyasaye gi wer niya, “Ruoth Nyasaye ber! Herane mosiko ochwere.”

2 Weche mag Ndalo 7:3

Kane jo-Isarel duto oneno mach kalor piny kod duong’ mar Ruoth Nyasaye ka nie Hekalu, ne gikulore piny e laru. Ne gilamo Nyasaye kendo gigoyone erokamano ka giwacho niya, “Ruoth Nyasaye ber, herane mosiko ochwere.”

Ezra 6:22

Ne gitimo Sap Makati ma ok Ketie Thowi kuom ndalo abiriyo ka gimor, nimar Ruoth Nyasaye nosemiyo gibedo mamor, koloko chuny ruodh Asuria mondo ohergi kendo ojiwgi e tich gero Od Nyasaye, ma Nyasach Israel.

Nehemia 12:43

Misango maduong notim chieng’no, kendo ji nobedo mamor nikech Nyasaye nosetimonigi gima omiyo gimor ahinya. Kata mana mon gi nyithindo bende nodoko mamor, kendo mahu mar mor mane otimore Jerusalem ne winjore gi kuma bor.

Nehemia 8:12

Kuom mano ji duto nodhi mondo ochiem kendo omethi, kendo opog chiemo ni joma moko, kendo otim sawo gi mor maduong’, nikech ne gisewinjo gima opuonjgi.

Zaburi 106:1

Pakuru Ruoth Nyasaye! Bende goneuru erokamano nikech ober, kendo herane mosiko ochwere.

Zaburi 107:1

Gouru erokamano ni Ruoth Nyasaye, nikech ober, kendo herane mosiko ochwere.

Zaburi 107:22

Onego gigone erokamano gi misengni, kendo giwer wende ma nyiso gik moko duto mosetimo.

Zaburi 116:17

Abiro chiwoni misango mar erokamano, kendo abiro lami.

Zaburi 147:13

Oseketo lodi motegno e dhorangeyeu, kendo oseguedho jou.

Zaburi 85:7

A Ruoth Nyasaye, reswa, kinyisowago ni iherowa gi hera mosiko.

Isaya 35:10

Adier, joma Ruoth Nyasaye osereso noluw yorno, ka duogo dala. Ginidonj Sayun ka gikok gi mor kendo ka giil, to kuyo gi parruok nolal nono.

Isaya 51:11

Kamano joma Ruoth Nyasaye osewaro noduog dala. Ginidonj Sayun ka gikok gi mor, kendo ka mor mosiko opong’o chunygi. Chutho, giniwuothi ka gimor kendo ka giil. To kuyo gi parruok nolal nono.

Isaya 51:3

An Ruoth Nyasaye naho chuny Sayun. Adier, anaguedh kuonde modong’ gundni, mi alok kuonde motimo ongoro bed ka Eden, puoth Nyasaye. Mor gi ilo, kaachiel gi erokamano kod wer mamit nopong’ Sayun.

Isaya 52:8

Winjuru! Jorito mau nokog gi mor, nikech gibiro neno Ruoth Nyasaye gi wengegi, ka duogo Sayun.

Isaya 52:9

Un kuonde mokethore mag Jerusalem, koguru gi mor, nikech unuyud ka Ruoth Nyasaye osekecho joge, kendo owaro Jerusalem.

Jeremia 16:9

An Ruoth Nyasaye Manyalo Gik Moko Duto awacho kama: Abiro tieko mor kod ilo ma jogo nigo, ma kata dwond mon ma miehni gi chwogi ok nowinj kaeri. Gigi duto notimre kapod gingima kendo gineno gi wang’gi!”

Jeremia 17:26

Ji nobi koa e miech Juda kod mier mokiewo gi Jerusalem. Bende ji moa e piny Benjamin nobi kaachiel gi joma odak e tiend gode, gi ewi gode, kod e piny Negeb. Ginikel misengni miwang’o pep gi misengni mag cham kod ubani, kaachiel gi misengni mag erokamano gi misengni mamoko e Hekalu mara.

Jeremia 25:10

Abiro tieko mor gi ilo ma gin go, ma kata dwond mon ma miehni gi chwogi ok nowinji. Ponge bende ok nowinji ka rego, kendo anasim techegi.

Jeremia 29:14

Adier, awacho ni un uyuda, mi anadwoku e pinyu. Anagolu e pinje duto kuonde ma asekeyoue, mi anadwoku e piny mane agoloue, kane amiyo oteru e tuech. An Ruoth Nyasaye ema awacho kamano.

Jeremia 30:19

Ji modak kuondego nower wende pak, kendo ginikogi gi ilo. Anami ginya mathoth, ma ok gidok chien, kendo anami giyud pak, ma onge ng’ama chayogi.

Jeremia 30:3

nimar ndalo biro ma anaduogie joga ma jo-Israel gi jo-Juda. Anadwokgi e piny mane amiyo kweregi, mi gidagie kendo.”

Jeremia 32:44

Ji nong’iewgi mi ket sei e barupe mag winjruok manyiso ni oseng’iewgi, kendo ginidin barupego e nyim joneno. Mano notimre e piny Benjamin gi mier mokiewo gi Jerusalem gi miech Juda, kendo e miech piny gode, kod piny motwo man yo milambo, nimar nadwok joga e pinygi. An Ruoth Nyasaye ema awacho kamano.”

Jeremia 33:26

to eka anyalo ketho singruok mane atimo gi nyikwa Jakobo kendo gi Daudi jatichna, ni anaket nyakwar Daudi moro obed ruodh nyikwa Ibrahim gi Isaka kod Jakobo. Adier, abiro timonigi ng’wono mi gichak gidhi nyime maber.”

Jeremia 33:7

Abiro miyo jo-Juda gi jo-Israel dhi nyime maber, kendo anachak agergi, mi gibed mana kaka ne gin chon.

Jeremia 7:34

Anatiek mor gi ilo duto e miech Juda, kendo e wang’ yore man Jerusalem, ma kata mana dwond miaha gi chwore ok nowinji, nikech noyud ka piny oselokore thim.

Amos 9:14

Abiro chako amiyo joga Israel dag e ngima maber. Gibiro gero miechgi mane olokore gundni, mi gidagie, kendo gibiro pidho yiend mzabibu, mi gimadh divai. Gibiro puro puothegi, mi gicham gik manyakie.

Jona 2:9

an to natimni misango, ka apaki gi wer. Anachul gima asingorani. Ruoth Nyasaye ema reso ji!”

Nahum 1:7

Ruoth Nyasaye ber. En e kar konyruok mar adier ni joma dwaro mondo okonygi ka gin e thagruok, bende ong’eyo ji duto mogeno kuome,

Zefania 3:14

Un jo-Sayun, koguru gi mor! A jo-Israel, gouru mahu matek! Ee, beduru mamor gi chunyu duto, yaye, jo-Jerusalem,

Zekaria 10:7

Jo-Israel nochal gi jolweny marateke, bende ginibed moil ka joma ometho. Nyithindgi none kamano, mi bed mamor, kendo ginipak Ruoth Nyasaye gi ilo.

Zekaria 8:19

“Kinde mag riyo kech e due mar ang’wen gi mar abich gi mar abiriyo kod mar apar biro lokore sewni mag mor gi ilo ni jo-Juda. Omiyo beduru gi adiera kod kue.”

Zekaria 9:17

Mano kaka gin gi mwandu mogundho kod mor maduong’! Cham gi divai biro miyo yawuotgi gi nyigi bed gi del mabeyo.

Johana 3:29

Ng’at man gi miaha e wuon kisera, to osiep wuon kisera mochung’ kanyo bedo mamor kowinjo dwond wuon kisera. Mor ma kamano ema an bende an-go, kendo koro oroma chuth.

Jo-Hibrania 13:15

Emomiyo, kuom Yesu, pile watimuru ni Nyasaye misango mar pak. Adier, dhowa mohulo nyinge mondo opake pile.

Fweny 18:23

Ler mar taya ok nochak orieny kuomi, kata dwond wuon kisera gi dwond miaha ok nowinji kuomi kendo ng’ang’. Joohala magi ne gin joohala madongo e piny, bende ne iwuondo ogendini duto gi timbeni mag jwok.”