Jeremia 33:10 - MUMA MALER 2015

¹⁰ Ruoth Nyasaye nowacho niya, “Ji wacho ni kaeri chalo gi thim, kendo onge ji kata jamni modakie. En adier ni miech Juda kod yore mag Jerusalem odong’ nono, kendo onge ji kata jamni mantie.

Motingʼo Loko Manyien

¹⁰ “Ma e gima Jehova Nyasaye wacho: ‘Uwuoyo kuom dala maduongʼni niya, “Osedongʼ nono chuth, maonge ji kata jamni modakie.” Kata obedo ni mier mag Juda kod yore mag Jerusalem odongʼ nono kamano, maonge ji kata jamni modakie, to ubiro chako winjo,

Jeremia 33:10 ပူးပေါင်းရင်းမြစ်များ

Zaburi 147:13

Oseketo lodi motegno e dhorangeyeu, kendo oseguedho jou.

Zaburi 85:7

A Ruoth Nyasaye, reswa, kinyisowago ni iherowa gi hera mosiko.

Jeremia 26:9

Ere gima omiyo ikoro wach e nying Ruoth Nyasaye ni Hekalu biro chalo gi Shilo, kendo ni dalani ibiro kethi, ma onge ng’ama nodagie?” Gikanyono ji nochokore mang’eny, molworo Jeremia ei Hekalu.

Jeremia 32:36

Ruoth Nyasaye ma Nyasach Israel nowuoyo kuom Jerusalem niya, “Jeremia, isenyiso ji ni lweny gi kech kod tuoche biro miyo jo-Babulon kaw dalani. To koro winji gima chielo ma adwaro wacho

Jeremia 32:43

In Jeremia, isewacho ni pinyni biro chalo thim, kama le kata dhano ok dagie, kendo ni jo-Babulon biro kawe. To kata kamano, bang’e, puothe nochak ong’iew e pinyni.

Jeremia 34:22

Adier, abiro golo chik, mi jo-Babulon-go biro duogo monjo dalani mi gikaw, kendo giwang’ pep. Abiro ketho miech Juda, mi lokre thim maonge ng’ama dakie. An Ruoth Nyasaye ema awacho kamano.”

Ezekiel 37:11

Nyasaye nowachona niya, “Wuod dhano, jo-Israel chalo mana gi chokego. Giwacho ni gitwo kururu, kendo ni gionge gima gigeno.

Tim jo-Lawi 26:32

Anaketh pinyu, mi wasiku mobiro dakie nohum nono.

Hagai 1:4

“Bende ma en kinde maber adier monego un uwegi udag e utu mugero mabeyo, ka Hekalunani to omukore kama?