Jeremia 32:40 - MUMA MALER 2015

⁴⁰ Anatim kodgi singruok mochwere ni ok nawe timonigi maber, kendo anami giluora gi chunygi duto, mi ok ginibar giweya.

Motingʼo Loko Manyien

⁴⁰ Analos singruok manyaka chiengʼ kodgi: Ok anawe timonegi maber, kendo anamigi giluora, mondo omi kik gilokre giweya.

Jeremia 32:40 ပူးပေါင်းရင်းမြစ်များ

2 Samuel 23:4

To lochne chalo gi ler mar wang’chieng’, mopilore gokinyi ka boche polo onge, kendo mamiyo lum loth bang’ koth.’

Zaburi 80:19

A Ruoth Nyasaye Manyalo Gik Moko Duto, duogwa iri, kendo rienynwa mondo wayud resruok.

Isaya 24:5

Ji modak e piny osedwanyo piny, nikech gidagi rito chike, mi giketho muma mochwere.

Isaya 55:3

Biuru ira mondo uchik itu ni gima awacho. Adier, winjuru wachna mondo ubed mangima. Eka abiro timo kodu singruok mochwere, ka asingora ni abiro herou gi chunya duto, kaka ne ahero Daudi.

Isaya 61:8

nimar an Ruoth Nyasaye ahero adiera, to amon gi mecho kod timbe mamono. Omiyo abiro miyou pok ma ok lokre, mi atim kodu singruok mochwere.

Jeremia 24:7

Anamigi chuny mar ng’eyo ni an e Ruoth Nyasaye. Bang’e ginibed joga, kendo anabed Nyasachgi, nikech giniduog ira gi chunygi duto.

Jeremia 31:34

Onge ng’ama nopuonj wadgi kata ma nopuonj omin mare, kawachone ni, ‘Ng’e Ruoth Nyasaye,’ nikechh giduto gining’eya, chakre ng’at matinie moloyo nyaka ng’at maduong’ie moloyo. Anawenigi richogi, kendo ok nachak apar timbe maricho mane gisetimo. An Ruoth Nyasaye ema awacho kamano.”

Jeremia 50:5

Ginipenj yo madhi Sayun, kendo ginichik kuno. Bang’ mano ginitimna singruok mochwere ma wigi ok nowilgo ka gisingore ni ginibed joga.

Ezekiel 36:26

Anamiu chuny manyien kod paro manyien. Bende anagol kuomu chuny matek ka lwanda, mi amiu chuny malong’o.

Ezekiel 36:27

Anaket Rohona awuon kuomu, mondo uluw chikena, kendo urit buchena duto ma asemiyou.

Ezekiel 37:26

Abiro timo kodgi singruok mochwere makelonigi kue. Anami gimedre, mi aket Hekaluna e pinygi, kendo nobed kuno nyaka chieng’.

Ezekiel 39:29

Anapong’ jo-Israel gi Roho mara, mi ok nachak awegi kendo. An Ruoth Nyasaye ema awacho kamano.”

Mika 4:5

Oganda ka oganda lamo nyasache kendo tiyone. Wan to wabiro lamo Ruoth Nyasachwa, kendo en ema wabiro tiyone nyaka chieng’.

Rapar mar Chik 31:6

Beduru gi chir, kendo gi jing’o. Kik uluorgi, kendo kik chunyu nyosre, nimar Ruoth Nyasaye ma Nyasachu biro dhi kodu, kendo ok noweu kata jwang’ou ok nojwang’u.”

Rapar mar Chik 31:8

Ruoth Nyasaye owuon biro teloni, kendo nobed kodi. Ok noweyi, bende ok nojwang’i, omiyo kik ibed maluor, kendo kik chunyi nyosre.”

Jo-Hibrania 13:20

Nyasach kue mane ochiero Ruodhwa Yesu oa kuom joma otho gi teko mar remb muma mochwere, mi okete Jakwath Maduong’ mar rombe,

Jo-Hibrania 4:1

Koro Nyasaye oseweyonwa singruok ni wanyalo donjo kama entie mondo wayue kode. Omiyo watang’uru mondo ng’ato kuomwa kik par ni thuolo mar donjo e yueyono osekadhe,

Jo-Hibrania 7:24

Yesu to nigi tich dolo ma ok we ni ng’at moro machielo, nikech osiko nyaka chieng’.

Jakobo 1:17

Mich mabeyo duto, kod chiwo malong’o duto, a e polo malo. Gia kuom Nyasaye Wuoro mane ochueyo ler mag polo. En ok olokre, bende ok owichre owewa e mudho.

1 Petro 1:5

Adier obiro ritou nyaka chop warruok, ma oselosi mondo oel e chieng’ giko, bi.