Jeremia 32:39 - MUMA MALER 2015

³⁹ Abiro miyogi chuny achiel gi yo achiel mondo giluora nyaka chieng’, eka gidhi nyime maber kod nyikwagi bende.

Motingʼo Loko Manyien

³⁹ Anami gibed gi chuny achiel kod tim achiel, mondo omi giluora manokel negiber kod nyithindgi manobi bangʼ-gi.

Jeremia 32:39 ပူးပေါင်းရင်းမြစ်များ

Chakruok 17:7

“Anarit singruok ma asetimo kodi kendo gi nyikwayi e tienge mabiro, mi anabed Nyasachi kendo Nyasach nyikwayi nyaka chieng’.

Chakruok 18:19

Aseyiere mondo ochik nyithinde kod nyikwaye oluw yorena ka gitimo timbe mabeyo kendo makare. Kamano natimne gik moko duto ma nasesingorane.”

Chakruok 22:12

Eka malaikano nokwere ni, “Kik ineg wuodi, kata kik itimne gimoro marach, nikech koro ang’eyo ni in ng’at moluoro Nyasaye, nimar ok isetama e wuodi ma miderma.”

2 Weche mag Ndalo 30:12

To piny Juda ema ne Nyasaye otiyoe gi teko, momiyogi chuny achiel mar winjo wachne kaka ruoth gi jodonge nochikogi.

Zaburi 112:1

Pakuru Ruoth Nyasaye! Ng’at moluoro Ruoth Nyasaye, kendo marito chikene gi mor, en jahawi.

Zaburi 128:6

Onego idag aming’a, mondo ine nyikwayi. Israel mondo obed gi kue!

Zaburi 86:11

A Ruoth Nyasaye, nyisa yori mondo awuothie gi adiera. Puonja kaka daluori gi chuny achiel.

Ngeche 23:17

Kik nyiego maki gi gik ma joricho nigo, to luor mana Ruoth Nyasaye ndalo duto.

Isaya 35:8

Wang’yo maduong’ nobed e thimno, kendo noluonge ni, ‘Wang’yo Maler’ Joma ok ler gi joma ofuwo ok nowuothie.

Isaya 52:8

Winjuru! Jorito mau nokog gi mor, nikech gibiro neno Ruoth Nyasaye gi wengegi, ka duogo Sayun.

Isaya 65:23

Ok giniketh tekregi kayiem, bende ok gininywol nyithindo maneno masira, nimar gin, kaachiel gi nyithindgi, gin joma Ruoth Nyasaye oguedho.

Jeremia 24:7

Anamigi chuny mar ng’eyo ni an e Ruoth Nyasaye. Bang’e ginibed joga, kendo anabed Nyasachgi, nikech giniduog ira gi chunygi duto.

Jeremia 31:33

Singruok ma anatim gi dhood Israel bang’ ndalogo ema: Anaket chiekena e parogi, kendo anandikgi e chunygi. Anabed Nyasachgi, mi ginibed jogaa.

Jeremia 32:40

Anatim kodgi singruok mochwere ni ok nawe timonigi maber, kendo anami giluora gi chunygi duto, mi ok ginibar giweya.

Jeremia 6:16

Ruoth Nyasaye wacho ni joge niya, “Chung’uru e akek yo, mondo urang wang’yore machon, kupenjo kuma yo maber nitie. Wuothuru e wang’yorno, mi unuyud kue.” To gidwoko niya, “Ok wanawuothi e wang’yorno.”

Ezekiel 36:26

Anamiu chuny manyien kod paro manyien. Bende anagol kuomu chuny matek ka lwanda, mi amiu chuny malong’o.

Ezekiel 37:22

Anariwgi mondo gibed oganda achiel e piny gode mag Israel. Ginibed gi ruoth achiel maritogi, bende ok ginichak gipogre ogendini ariyo, kata pinje ariyo.

Ezekiel 37:24

Jatichna Daudi ema nobed ruodhgi. Kamano giduto giniriwre e bwo ruoth achiel, mi gimak chikena.

Ezekiel 37:25

Ginidag e piny mane amiyo Jakobo jatichna. En e piny mane kweregi odakie. Ginidag kuno kaachiel gi nyithingdi kod nyikwagi nyaka chieng’, kendo jatichna Daudi nobed ruodhgi mochwere.

Johana 14:6

Yesu nodwoke niya, “An e yo, kendo an e adiera. Onge ng’ama dhi ka Wuora mak okadho kuoma.

Johana 17:21

Wuora, mi gibed achiel. Kaka in kuoma, kendo kaka an kuomi, e kaka bende gibed kuomwa, mondo piny oyie ni in ema niora.

Tich Joote 13:33

Nyasaye osetimonwa gima ne osingore ni kwerewa, mana kaka Muma wacho e Zaburi mar ariyo ni, ‘In e Wuoda, tiende ni asedoko Wuoru.’

Tich Joote 2:39

Singruok mane Nyasaye osetimono, notimonu gi nyithindu, kod ji duto man kuma bor, tiende ni ng’ato ka ng’ato ma Ruoth Nyasachwa noluong ire.”

Tich Joote 3:26

Un ema Nyasaye nokwongo ooronu jotichne mondo oguedhu, komiyo ulokoru uduto, kuweyo yoreu maricho.”

Tich Joote 4:32

Joma oyie duto ne nigi paro achiel kod chuny achiel. Onge ng’ato kuomgi mane nyalo wacho ni gima en-go en mare owuon, to ne giriwo gik moko duto mane gin-go kaachiel.

Tich Joote 9:31

Kamano kanyakla mar jo-Kristo manie piny Judea duto gi Galili kod Samaria noyudo kue. Roho Maler nokonyogi, mi gidoko motegno, kendo gimedore, ka giluoro Nyasaye.

Jo-Rumi 11:16

Ka makati mokwong tedo ochiw ni Nyasaye, to mano miyo makati duto bet maler, kendo ka tiend yath ler, to mano nyiso ni bedene duto ler.

1 Jo-Korintho 7:14

Mano en kamano nikech dichwo ma ok oyie owal ni Nyasaye nikech chiege ma oyieno, kendo dhako ma ok oyie kuom Kristo bende owal ni Nyasaye nikech chwore moyieno. Ka da ni ok kamano, to nyithindu da ok obedo mag Nyasaye.

2 Jo-Korintho 13:11

Koro oritu owetena! Temuru mondo ubed joma kare, kuwinjo wechena. Beduru gi winjruok, kendo gi kue, eka Nyasach hera kod kue nobed kodu.

Rapar mar Chik 5:29

Da ber ka gisiko gi chuny moluora kendo morito chikena duto, eka mondo gin gi nyikwagi gidag maber nyaka chieng’.

Rapar mar Chik 6:2

E ngimau duto un kaachiel gi nyikwau nyaka uluor Ruoth Nyasaye ma Nyasachu, kendo urit buchene gi chikene ma amiyou kawuono. Bang’e eka unudag maber aming’a.

Rapar mar Chik 6:24

Ruoth Nyasaye nochikowa ni mondo warit chikegi duto, kendo ni mondo waluore. Eka dwadag maber ndalo duto, kendo domed ritowa.

Jo-Hibrania 10:20

mi oyawonwa yo manyien kendo mangima kuom ringre owuon, mondo wakadh nanga mar rageng’ wadonj e nyim Nyasaye.