Jeremia 32:38 - MUMA MALER 2015

³⁸ Eka ginibed joga kendo anabed Nyasachgi.

Motingʼo Loko Manyien

³⁸ Ginibed joga, kendo anabed Nyasachgi.

Jeremia 32:38 ပူးပေါင်းရင်းမြစ်များ

Chakruok 17:7

“Anarit singruok ma asetimo kodi kendo gi nyikwayi e tienge mabiro, mi anabed Nyasachi kendo Nyasach nyikwayi nyaka chieng’.

2 Samuel 7:24

Niwalo jogi Israel mondo obed jogi nyaka chieng’, kendo in, a Ruoth Nyasaye, ema isedoko Nyasachgi.

Zaburi 144:15

Ji ma ok odak kamano gin johawi, kendo joma Nyasachgi en Ruoth Nyasaye, bende johawi.

Isaya 65:23

Ok giniketh tekregi kayiem, bende ok gininywol nyithindo maneno masira, nimar gin, kaachiel gi nyithindgi, gin joma Ruoth Nyasaye oguedho.

Jeremia 24:7

Anamigi chuny mar ng’eyo ni an e Ruoth Nyasaye. Bang’e ginibed joga, kendo anabed Nyasachgi, nikech giniduog ira gi chunygi duto.

Jeremia 30:22

Kamano unubed joga kendo anabed Nyasachu. An Ruoth Nyasaye ema awacho kamano.

Jeremia 31:1

Ruoth Nyasaye wacho niya, “Ndalo biro ma anabedie Nyasach dhout Israel duto, kendo ginibed joga.

Jeremia 31:33

Singruok ma anatim gi dhood Israel bang’ ndalogo ema: Anaket chiekena e parogi, kendo anandikgi e chunygi. Anabed Nyasachgi, mi ginibed jogaa.

Ezekiel 16:60

An to abiro rito singruok mane atimo kodi kapod itin, kendo abiro timo kodi singruok machielo, mosiko nyaka chieng’.

Ezekiel 36:28

Bang’e unudag e piny mane amiyo kwereu, mi unubed joga, kendo anabed Nyasachu.

Ezekiel 37:27

Anadag kodgi kanyo, mi abed Nyasachgi, kendo gibed joga.

Ezekiel 39:22

Chakre kanyo jo-Israel nong’e ni an e Ruoth Nyasaye ma Nyasachgi,

Ezekiel 39:28

Eka joga nong’e ni an e Ruoth Nyasaye ma Nyasachgi, nikech ne aterogi e tuech, to koro achokogi kaduogogi e pinygi giwegi ma ok aweyo kata achiel chien.

Zekaria 13:9

Bang’e anaket achiel kuom adek nogono e mach mondo opwodhgi maler mana kaka ipwodho fedha. Adier, natemgi mana kaka itemo dhahabu. Bang’e ginilama, mi anadwok kwayogi, an awuon. Anawachnigi ni gin joga. Gin to giniwach ni an Nyasachgi.”

Rapar mar Chik 14:23

Chamgiuru e nyim Ruoth Nyasaye ma Nyasachu kama obiro yiero mondo nyinge obedie. Kamano ubiro puonjoru luoro Ruoth Nyasaye ma Nyasachu ndalo duto.

Jo-Hibrania 11:16

To koro ne gigombo piny maber moloyo, tiende ni piny polo. Mano emomiyo wi Nyasaye ok kuodi kiluonge ni Nyasachgi, nikech oseikonigi dala.

Jo-Hibrania 8:10

To Ruoth medo wacho niya, ‘Singruok ma anatim gi dhood Israel bang’ ndalogo e ma: Anaket chikena e parogi, kendo anandikgi e chunygi. Anabed Nyasachgi, mi ginibed joga.

Fweny 21:7

Ng’at molocho noyud gigo, kendo anabed Nyasache, to enobed wuoda.