Jeremia 32:35 - MUMA MALER 2015

³⁵ kendo gisegero kende-mag-liswa ni Baal e holo Ben-hinom mondo giwang’ie yawuotgi gi nyigi ka liswa ni nyasaye miluongo ni Molek. To ne ok anyisogi mondo gitim kamano, bende ne ok aparo kata matin ni ginyalo timo gima kamano, mi gimi jo-Juda bed joricho.”

Motingʼo Loko Manyien

³⁵ Negigero kuonde motingʼore gi malo ne Baal e Holo mar Ben Hinom mondo gitim misango gi yawuotgi kod nyigi ne Molek, kata kamano ne ok amiyogi chik mar timo kamano, kata mano ne onge e pacha niginyalo timo gima mono kamano kendo gimi Juda tim richo.

Jeremia 32:35 ပူးပေါင်းရင်းမြစ်များ

1 Ruodhi 11:33

Abiro golo loch kuome nikech oseweya, molamo Ashtoreth, nyasaye madhako mar jo-Sidon, gi Kemosh nyasach jo-Moab, kod Milkom nyasach jo-Amon, ka ok oluw yorena mondo otim gik malong’ona, kata rito chikena gi buchena kaka Daudi wuon mare notimo.

1 Ruodhi 11:7

Nogero ut lemo ni Kemosh, nyasach jo-Moab, kendo ni Molek, nyasach jo-Amon, ewi got yo wuok chieng’ mar Jerusalem.

1 Ruodhi 14:16

Enojwang’ jo-Israel nikech richo Jeroboam, mane omiyo jo-Isarel bende otimo.”

1 Ruodhi 15:26

to notimo gik ma Ruoth Nyasaye okwero, koluwo timbe wuon mare, ma nomiyogo jo-Israel obedo joketho.

1 Ruodhi 15:30

Mano notimore nikech Ruoth Nyasaye ma Nyasach Israel, nokecho gi richo mane Jeroboam otimo, kendo mane omiyo jo-Israel otimo.

1 Ruodhi 16:19

Mano notimore nikech notimo gik mane Ruoth Nyasaye okwero, koluwo timbe Jeroboam, kendo nikech nomiyo jo-Israel obedo joricho.

1 Ruodhi 21:22

Anami dhoodi chal gi dhood Jeroboam wuod Nebat, kendo gi dhood Baasha wuod Ahija, nikech isemiya mirima, kendo nikech isemiyo jo-Israel obedo joricho.

2 Ruodhi 21:11

“Manase ruodh Juda osetimo tim makuero, kod richo madongo moloyo mago duto mane jo-Amor otimo chon, kendo osemiyo jo-Juda bende obedo joricho, nikech nyisechene manono.

2 Ruodhi 21:4

Nogero kende mag liswa e Hekalu mane Ruoth Nyasaye osewuoyo kuome niya, “Jerusalem ema naketie nyinga.”

2 Ruodhi 23:10

Ruoth Josia noketho Tofeth manie holo mar Ben-hinom ni kik ji wang’ie nyithindgi ka misango ni Molek.

2 Ruodhi 23:15

Josia nomuko kendo-mar-misango man Bethel, kaachiel gi hembkone mane Jeroboam wuod Nebat oloso. Notoyo kitene, molokore buru, kendo nowang’o siro milamo mane ni kanyo. (Jeroboam nogo ema nomiyo jo-Israel obedo joricho.)

2 Ruodhi 3:3

Kata kamano notuere e timbe mokwer mane Jeroboam wuod Nebat omiyogo jo-Israel obedo joricho. Ne ok oweyogi kata matin.

2 Weche mag Ndalo 33:6

Nowang’o yawuote bende ka liswa e holo mar wuod Hinom. Noyie gi jokor wach gi jonyakalondo kod ajuoke. Timbene maricho ne ng’eny e nyim Ruoth Nyasaye, omiyo Ruoth Nyasaye nokecho kode.

2 Weche mag Ndalo 33:9

Manase nosemo jo-Juda gi jo-Jerusalem, mi ne gimedo timo richo e nyim Ruoth Nyasaye moloyo ogendini mane Ruoth Nyasaye otieko mondo owe thuolo ni jo-Israel.

2 Weche mag Ndalo 36:14

Jodolo madongo duto bende kaachiel gi ji, noweyo Ruoth Nyasaye chuth, ka giluwo timbe makuero mag jopinje mamoko. Ne gidwanyo Od Ruoth Nyasaye, mane oseguedho mondo obed mare e Jerusalem.

Wuok 32:21

Nopenjo Harun niya, “Ang’o ma ne jogi otimoni momiyo imiyo gitimo richo maduong’ kama?”

Isaya 57:5

Uoworu gi nyiseche manono e tiend yien mang’ich duto, kendo uwang’o nyithindu ka misengni e hohni, kendo e kind lwendni maboyo.

Jeremia 19:2

adhigo e holo mar Ben-hinom, mokiewo gi dhorangach miluongo ni Ranga Tegni. Kuno ema ne adhi huloe wach mane obiro miya.

Jeremia 30:14

Osiepeu duto oseweyou, kendo tinde ok gidewu. Asemonjou mana ka jasigu, kendo useyudo kum mager nikech richou mang’eny, bende nikech timbeu maricho lich.

Jeremia 44:4

Ne asiko ka aoronu jotichna ma jonabi mondo okweru kik utim gik makuero ma amon-gogo,

Jeremia 7:30

“Jo-Juda osetimo gima rach e nyima. Giseketo nyisechegi makuero e Hekalu mara, mi gidwanyo. An Ruoth Nyasaye ema awacho kamano.

Jeremia 7:31

Gisegero kendo-mar-misango miluongo ni Tofeth e holo Benhinom mondo giwang’ie yawuotgi gi nyigi ka misango. To ne ok achikogi mondo gitim kamano, bende wach ma kamano ne ok aparo kata matin!

Ezekiel 23:37

Gisebedo ka giterore kendo giseneko. Giseterore gi nyiseche manono, kendo gisenego nyithindo mane ginywolona. Adier, ne gichiwo yawuota ka misango miwang’o ni nyisechegi manono!

Tim jo-Lawi 18:21

Kik ichiw nyathini moro ni nyasaye manono miluongo ni Molek, nikech kitimoo kamano to ikwedo nying Nyasachu. An e Ruoth Nyasaye.

Tich Joote 7:43

Ooyo, ne uting’o mana hemb Molek kod sulue mar Refan, ma gin nyiseche mane useloso mondo ulam. Kuom mano, koro abiro darou, mi ateru mabor, tok Babulon.’

Rapar mar Chik 12:31

Kik ulam Ruoth Nyasaye ma Nyasachu kaka gilamo nyisechegi, nikech Ruoth Nyasaye mon gi timbe makuero ma gilamogo nyisechegi, nimar gise kata mana wang’o ni nyisechegigo yawuotgi gi nyigi ka misango.

Rapar mar Chik 18:10

Kik uyie ni ng’ato kuomu wang’ wuode kata nyare ka gir misango. Bende kik bedie jakor kata jambofwa kata jadil kata jandagla

Rapar mar Chik 24:4

to chwore mokwongo mane oriembe cha kik chak kawe mi loke chiege kendo, nikech koro osedokone mogak. Tim ma kamano en kuero e nyim Ruoth Nyasaye ma Nyasachu, kendo dikel richo e piny ma Ruoth Nyasaye ma Nyasachu biro miyou obed mwanduu.