Jeremia 32:29 - MUMA MALER 2015

²⁹ Jo-Babulon ma koro monjo Jerusalem biro moke mach, mi obiro wang’ pep kaachiel gi udi ma ji osebedo kawang’o ubani ni Baal e tetgi, kendo timoe misengni miolo piny ni nyiseche mamoko, ka gimiyago mirima.

Motingʼo Loko Manyien

²⁹ Jo-Babulon mamonjo dala maduongʼni nodonji kendo ginimok kuome mach; giniwangʼe pep, kaachiel gi udi kamane ji owangʼoe iya kuom wangʼo ubani ewi tedni ne Baal kendo kuom chiwo misango miolo piny ne nyiseche manono.

Jeremia 32:29 ပူးပေါင်းရင်းမြစ်များ

2 Ruodhi 25:9

Nowang’o Od Ruoth Nyasaye, gi od ruoth, kod udi duto mag Jerusalem,

2 Weche mag Ndalo 36:19

Ne giwang’o Od Nyasaye, mi gimuko ohinga mar Jerusalem. Ne giwang’o ut ruoth duto, kendo ne giketho gik moko duto ma nengogi tek man Jerusalem.

Nehemia 8:16

Omiyo ji nodhi moomo bede yien, kendo ogerogo kichego, ka ng’ato ka ng’ato ogero mare owuon ewi tat ode, kata e laru mar dalane, kata e laru mar Od Nyasaye kata e laru momanyore gi Ranga Efraim.

Isaya 22:1

Wach mane Nyasaye onyiso kuom holo mar Hinom e ma: Un jo-Jerusalem, nyisauru gima omiyo uduto uidho ewi udi.

Jeremia 11:17

“An Ruoth Nyasaye Manyalo gik Moko Duto ema napidho jo-Israel gi jo-Juda kaka ng’ato pidho yath, to koro abiro bwogogi gi masira nikech richo ma gisetimo. Gisekelo gima kama kuomgi giwegi, nikech gimiya mirima kuom timo misengni ni Baal.”

Jeremia 17:27

To ka ok giluora, mi gitamore rito chieng’ Sabato obed maler, kendo giting’o misigo moro amora ka gikadho e dhorangeye mag Jerusalem chieng’no, to anamok mach e dhorangeye mag Jerusalem, mi majno nowang’ ut ruodhi mag Jerusalem, kendo onge ng’ama nonege.”

Jeremia 19:13

Naketh udi mag Jerusalem gi ut ruodhi Juda, to moloyo udi duto ma osewang’ ubani ewi tetgi ni sulue, kendo ma osepukie lisweche miolo piny ni nyiseche mamoko, mi ginibed mogak mana ka Tofeth.”

Jeremia 21:10

Aseng’ado wach ni ok anyal weyo dalani, to nyaka akethe. Ibiro kete e lwet ruodh Babulon, kendo obiro wang’e morum pep. An Ruoth Nyasaye ema awacho kamano!”

Jeremia 30:14

Osiepeu duto oseweyou, kendo tinde ok gidewu. Asemonjou mana ka jasigu, kendo useyudo kum mager nikech richou mang’eny, bende nikech timbeu maricho lich.

Jeremia 32:3

Ruoth Zedekia notueye kanyo nikech noyudo osekoro wach niya, “Ruoth Nyasaye osewacho ni obiro chiwo Jerusalem e lwet ruodh Babulon, mi kaw,

Jeremia 34:2

Nowachone mondo odhi onyis Zedekia ruodh Juda niya, “An Ruoth Nyasaye, abiro chiwo dalani e lwet ruodh Babulon, mi nowang’e pep.

Jeremia 39:8

E kindeno, jo-Babulon nowang’o od ruoth gi ute ji, mi gimuko ohinga mar Jerusalem.

Jeremia 44:25

‘Un kaachiel gi mondu, usetimo singruok ni ruoth madhako mar polo. To mano ber! Chopuru achopa singruokugo, kendo timuru atima gik ma usekuong’oru ni ubiro timo!

Jeremia 52:12

Chieng’ due apar due mar abich e higa mar apar gochiko mar loch Nebukadnezar, Nebuzaradan, ma jang’ad ni ruoth rieko, kendo ma jatend joge mag lweny, nodonjo Jerusalem.

Jeremia 52:13

Ne owang’o Hekalu mar Ruoth Nyasaye gi od ruoth kod ut joma dongo duto,

Jeremia 7:17

Donge ineno gik ma gitimo e miech Juda kendo e yore mag Jerusalem?

Jeremia 7:18

Nyithindo modo yien, eka wuonegi moko mach, to mon dwalo mogo mondo olosgo kek obed misango ni nyasaye ma dhako ma iluongo ni Ruodh Polo. Bende gitimo ni nyiseche mamoko misengni miolo piny, mondo gichwanyago.

Ywagruok 4:11

Ruoth Nyasaye ne oolo mirimbe mang’eny ka iye owang’, mi omoko mach kuom Sayun mowang’o mise mage duto.

Ezekiel 23:47

Jogo mondo ogogi gi kite kendo omonjgi gi ligangla, ka nego nyithindgi, kendo wang’o utgi.

Mathayo 22:7

Mirima nohewo ruodhno, omiyo nooro askechene, mi odhi otieko jonekgo, kendo owang’o dalagi.

Tich Joote 10:9

Kinyne kane jootego nie yo chiegni chopo Jopa, Petro noidho e tat ot kar sa auchiel mondo olem.

Jo-Hibrania 3:16

Ng’ano giri mane ong’anyo kane owinjo dwonde? Donge gin jogo duto mane Musa owuokgo Misri?