Jeremia 32:25 - MUMA MALER 2015

²⁵ To kata kamano, Ruoth Nyasaye, in ema ne inyisa mondo ang’iew puodho cha e nyim joneno, kata obedo ni jo-Babulon ochiegni kawo dalani kamano.”

Motingʼo Loko Manyien

²⁵ To kata obedo ni dala maduongʼ enochiw ne jo-Babulon, in, yaye Jehova Nyasaye Manyalo Gik Moko Duto, wachona ni, ‘Ngʼiew puodhoni gi fedha kendo ngʼiepone mondo obed gi joneno.’ ”

Jeremia 32:25 ပူးပေါင်းရင်းမြစ်များ

Zaburi 77:19

A Nyasaye, niwuotho, king’ado nam matut, to ger tiendi ne ok nyal ne.

Zaburi 97:2

Boche polo gi mudho molil olworo Ruoth Nyasaye, kendo lochne otenore kuom tim makare kod adiera.

Jeremia 24:10

Anakel kuomgi lweny gi kech kod tuo, nyaka chop girum pep e piny mane amiyogi gi kweregi.”

Jeremia 32:15

nikech Ruoth Nyasaye Manyalo Gik Moko duto kendo ma Nyasach Israel osewacho ni udi gi puothe mag mzabibu nochak ong’iew kendo e pinyni.”

Jeremia 32:24

“Jo-Babulon osedhuro lowo pidhe pidhe e alwora mar dala, kendo gimonje mondo gikawe. Lweny gi kech kod tuo biro miyo gikawe. A Ruoth Nyasaye, ineno kaka gigo mane iwacho timore.

Jeremia 32:26

Eka Ruoth Nyasaye nowacho ni Jeremia niya,

Jeremia 32:43

In Jeremia, isewacho ni pinyni biro chalo thim, kama le kata dhano ok dagie, kendo ni jo-Babulon biro kawe. To kata kamano, bang’e, puothe nochak ong’iew e pinyni.

Jeremia 32:8

Kane Ruoth Nyasaye osenyisa kamano, Hanamel ma wuod owadgi wuora nobiro ira e laru mar jorit, mowachona niya, “Ng’iew puotha man Anathoth e piny Benjamin, nikech in watna mahie, omiyo in ema in gi ratiro mar ng’iewe obed mari.” To koro nang’eyo ni Ruoth Nyasaye ema dwaro mondo ang’iew puodhono.

Jeremia 34:17

Kuom mano, an Ruoth Nyasaye awacho ni ne achikou mondo uwe jo-Hibrania weteu thuolo, to ok userito chiknano, emomiyo abiro weyou thuolo, to mana ni mondo lweny gi tuoche kod kech onegu! Abiro miyo ogendini duto manie piny bed maluor konenou. An Ruoth Nyasaye ema awacho kamano.

Johana 13:7

To Yesu nodwoke ni, “Sani ok inyal ng’eyo tiend gima atimo, to ibiro ng’eyo bang’e.”