Jeremia 32:24 - MUMA MALER 2015

²⁴ “Jo-Babulon osedhuro lowo pidhe pidhe e alwora mar dala, kendo gimonje mondo gikawe. Lweny gi kech kod tuo biro miyo gikawe. A Ruoth Nyasaye, ineno kaka gigo mane iwacho timore.

Motingʼo Loko Manyien

²⁴ “Ne kaka oger pidhe madongo but dala maduongʼ mondo gimonje kendo gikawe. Nikech ligangla, kech kod masiche, dala maduongʼ nochiwne jo-Babulon ma monje. Gima ne iwacho osetimore kaka koro inene.

Jeremia 32:24 ပူးပေါင်းရင်းမြစ်များ

2 Samuel 20:15

Bang’e Joab nobiro gi joge duto, mi gilawo Sheba e Abel-beth-maaka. Ne gigingo pith maduong’ but dala, eka ne gichako kunyo ohinga mondo osienyre.

Isaya 37:33

Kuom mano, Ruoth Nyasaye owuoyo kuom ruodh Asuria kama: “Ok nodonj e dala Jerusalem, kendo ok nobaye gi asere, kata monjogo koting’o kuot ok nomonje. Bende ok nong’ing pith mondo oidhgo ohingane.

Jeremia 16:4

Tuoche maricho biro negogi, to onge ng’ama noywaggi, bende ok noyikgi. Ginidhurre pidhe pidhe mana ka owuoyo miolo e puothe. Moko notho e lweny to moko kech nonegi, kendo winy gi ondiegi nocham ringrergi.

Jeremia 20:5

Bende anawe wasikgi yak mwandu duto manie Jerusalem kaachiel gi gik moko duto mantie, koda ka gik mabeyo duto mag ruodhi Juda, mi gikaw gidhigo Babulon

Jeremia 24:10

Anakel kuomgi lweny gi kech kod tuo, nyaka chop girum pep e piny mane amiyogi gi kweregi.”

Jeremia 29:17

Ruoth Nyasaye Manyalo Gik Moko Duto wacho niya, ‘Abiro kelo lweny gi kech gi tuoche kuomgi, kendo abiro miyo gichal ka ng’owo motop ma ok nyal cham.

Jeremia 29:18

Abiro chandogi gi lweny gi kech gi tuoche, mi ogendini duto mag piny biro bedo maluor koneno gima otimorenigi. Kamoro amora ma akeyogie, ji nobed kangerogi kendo tugo kodgi. Ginichargi, kendo giniluong nyinggi ka gima okuong’.

Jeremia 32:25

To kata kamano, Ruoth Nyasaye, in ema ne inyisa mondo ang’iew puodho cha e nyim joneno, kata obedo ni jo-Babulon ochiegni kawo dalani kamano.”

Jeremia 32:28

Kuom mano, abiro chiwo dalani e lwet Nebukadnezar ruodh Babulon kod joge mag lweny mondo okawe.

Jeremia 32:3

Ruoth Zedekia notueye kanyo nikech noyudo osekoro wach niya, “Ruoth Nyasaye osewacho ni obiro chiwo Jerusalem e lwet ruodh Babulon, mi kaw,

Jeremia 32:36

Ruoth Nyasaye ma Nyasach Israel nowuoyo kuom Jerusalem niya, “Jeremia, isenyiso ji ni lweny gi kech kod tuoche biro miyo jo-Babulon kaw dalani. To koro winji gima chielo ma adwaro wacho

Jeremia 32:5

Enotere Babulon kendo nobed kuno nyaka chop otimne gima odwaro. To kata da oked gi jo-Babulon matek manade, to ok nolo. Ruoth Nyasaye ema owacho kamano.”

Jeremia 33:4

An Ruoth Nyasaye ma Nyasach Israel, awacho ni ut Jerusalem kod od ruodh Juda ibiro muki. Onge tiende wuok mondo utem muko pidhe mag lowo ma jo-Babulon osedhuro mondo giidhi ka gimonjo dala,

Jeremia 34:17

Kuom mano, an Ruoth Nyasaye awacho ni ne achikou mondo uwe jo-Hibrania weteu thuolo, to ok userito chiknano, emomiyo abiro weyou thuolo, to mana ni mondo lweny gi tuoche kod kech onegu! Abiro miyo ogendini duto manie piny bed maluor konenou. An Ruoth Nyasaye ema awacho kamano.

Jeremia 52:4

Omiyo chieng’ due apar due mar apar e higa mar ochiko mar loch Zedekia, Nebukadnezar ruodh Babulon nobiro gi joge mag lweny, momonjo Jerusalem. Ne gigero kambi oko mar dala, eka gichielone ohinga molwore.

Jeremia 52:6

Koro kech ne lich e dalano, kendo ji ne onge gi chiemo chuth. Chieng due ochiko due mar ang’wen,

Jeremia 6:6

Ruoth Nyasaye Manyalo Gik Moko Duto osegolo chik niya, “Tong’uru yien, kendo uging lowo pidhe pidhe e tiend ohinga, mondo umonj Jerusalem.” Osewacho bende niya, “Abiro kumo dalani nikech bura makare onge kanyo chuth.

Ezekiel 14:21

“Koro an Ruoth Nyasaye awacho kama: Ka kamano, Jerusalem none malit machal nadi, ka akumogi gi lweny gi kech gi ondiegi kod tho marach, ma gin kumna ang’wen marichoe moloyo, mabiro nego ji kod jamni machalre?

Ezekiel 21:22

Koro oting’o asere mondikie ni Jerusalem, gi lwete ma korachwich. Kamano ong’eyo ni onego odhi Jerusalem mondo ogi sigich lweny, kendo olos lodi mituomogo dhorangeye, bende oging pidhe mag lowo, kendo okuny buche molworo ohinga.

Ezekiel 21:27

Adier, abiro ketho dalano chuth, mi lokre gunda. To mano ok notimre nyaka chop ka ruoth mowinjore gi loch obiro, kendo en ema abiro miye osimbono.

Ezekiel 26:8

Jogi modak e mier maoko noneg e lweny. Wasikigo nokuny buche mi giging pidhe mag lowo e bath ohingani, kendo ginimonji ka gigeng’ore gi kuodi.

Ezekiel 4:2

Bang’e ikuny bur molwore duto, mi idhurne lowo, kendo iketne gik moko mochung’ kaka ranyisi mag kambe jolweny kod lodi mituomogo ohinga.

Habakuk 1:10

“Gijaro ruodhi kod jodonggi, bende giseyo kuonde mochiel motegno mag siro lweny, nikech gidhuro pidhe mag lowo, ma giidhogo ohinga, kendo gimuko kuonde mochiel motegnogo.

Zekaria 1:6

To donge wechena gi chikena mane amiyo jotichna ma jonabi mondo osiemgo kwereu ne otimore, mi masira omakogi? Koso donge ne gilokore mi giweyo timbegi maricho, ka giwacho niya, ‘Ruoth Nyasaye Manyalo Gik Moko Duto osetimonwa kaka nochano. Adier, osetimonwa mana maromre gi timbewa.’ ”

Mathayo 24:35

Polo gi piny norum. Wechena to ok norum ngang’.

Rapar mar Chik 4:26

Koro aluongo polo gi piny mondo obed janeno ni, ka timbeu obedo maricho e nyim Ruoth Nyasaye ma Nyasachu kamano, mokecho kodu, to unurum piyopiyo, kendo ok nudag aming’a e piny ma koro ung’ado Jordan mondo udhi ukaw, to notieku chuth.