Jeremia 32:22 - MUMA MALER 2015

²² Ne imiyogi piny maber kendo momewni, mana kaka nisesingori ni kweregi.

Motingʼo Loko Manyien

²² Ne imiyogi pinyni mane isesingone kweregi, piny mopongʼ gi chak kod mor kich.

Jeremia 32:22 ပူးပေါင်းရင်းမြစ်များ

Chakruok 13:15

nimar piny duto minenono abiro miyi gi nyikwayi nyaka chieng’.

Chakruok 24:7

Ruoth Nyasaye ma Nyasach polo gi piny ma nogola thurwa e dala wuora, kendo nosingorena ni nomi nyikwaya pinyni ema noor malaikane nyimi mondo iyud ni wuoda nyako kuno.

Chakruok 50:24

Achien Josef nowacho ni owetene niya, “An koro achiegni tho, to Nyasaye biro ritou, kendo golou e pinyni, moteru e piny mane osingore ni nomi Ibrahim gi Isaka kod Jakobo.”

Nehemia 9:15

Nimiyogi chiemo moa e polo mondo otieknigi kech, kendo nigolonigi pi e lwanda mondo gineg godo riyo; bende nichikogi mondo gidonj kendo gikaw piny mane ikuong’ori ni nimigi.

Wuok 13:5

Ruoth Nyasaye nosingore ni kwereu ni nomiu piny momew kendo machiek ahinya ma jo-Kanaan gi jo-Hiti gi jo-Amor gi jo-Hivi gi jo-Jebus odakie. Ka Ruoth Nyasaye oseterou kuno, to nyaka utim sawoni e due nogoni.

Wuok 3:17

Koro aseng’ado wach ni nyaka agolu e piny Misri kuma isandoue, mi ateru e piny ma jo-Kanaan gi jo-Hiti gi jo-Amor gi jo-Perizi gi jo-Hivi kod jo-Jebuz odakie. En piny momew kendo machiek.’

Wuok 3:8

Omiyo aselor mondo aresgi e lwet jo-Misri, kendo agolgi e pinyno mondo atergi e piny maber kendo malach. En piny momew, kendo machiek, ma koro jo-Kanaan gi jo-Hiti gi jo-Amor gi jo-Perizi gi jo-Hivi kod jo-Jebus ema odakie.

Jeremia 11:5

Bang’e eka anachop singruok mane atimo gi kweregi ni namigi piny maber kendo momew, ma koro gintieni.” Jeremia nodwoko Ruoth Nyasaye niya, “Ee, ayie timo kamano.”

Ezekiel 20:15

To ne akuong’ora e thim ni ok natergi e piny momew kendo maberie moloyo pinje mamoko duto mane asingora ni namigi.

Ezekiel 20:6

Mano e kinde mane asingorae ni abiro gologi e Misri mondo atergi e piny momew kendo maberie moloyo pinje mamoko duto, mane aseyieronigi.

Kwan 14:16

‘Ruoth Nyasaye osetieko jogi e thim, nikech kelogi e piny mane osingorenigi otame.’

Kwan 14:30

Onge ng’ato kuomu ma nodonj e piny mane akuong’ora kating’o bada ni nobed maru, to mak mana Kaleb wuod Jefune gi Joshua wuod Nun.

Rapar mar Chik 1:35

‘Onge kata ng’at achiel kuom tieng’ marachni ma none piny maber mane asingora ni nami kweregi,

Rapar mar Chik 1:8

Aseikonu pinyno, omiyo dhiuru mondo ukawe. En e piny mane Ruoth Nyasaye osingore ni nomi kwereu ma Ibrahim gi Isaka gi Jakobo kod nyikwagi.’

Rapar mar Chik 6:10

“Ruoth Nyasaye ma Nyasachu nokelu e piny mane osesingore ni kwereu ma Ibrahim gi Isaka kod Jakobo ni nomiu. En piny man gi mier mang’eny madongo miwuoro, mane ok ugero,

Rapar mar Chik 6:18

Timuru gik makare kendo mabeyo e nyim Ruoth Nyasaye, mondo udag maber mi udonj kendo ukaw opiny maber mane osesingore kokuong’ore ni kwereu

Rapar mar Chik 6:23

Nogolowa kuno mondo oterwa e piny mane osesingore ni kwerewa ni nomiwa.

Rapar mar Chik 7:13

Enoheru kendo enogwedhu, mi enomi unya mathoth. Enoguedhu gi nyithindo mang’eny kod gik manyak e pwotheu, kaka ngano gi divai kod mo, kendo enoguedhu gi jamni mang’eny e piny ma nosingore ni kwereu ni nomiu.

Rapar mar Chik 8:1

“Nyaka urit chike duto ma amiyou kawuononi, mondo ubed mangima, mi unya, kendo udonj e piny mane Ruoth Nyasaye osingore ni nomi kwereu, odagie.

Joshua 1:6

Bed gi chir, kendo gi jing’o, nimar in ema nitel ni jogagi, ka gikawo piny mane asingora ni kweregi ni namigi.

Joshua 21:43

Kamano Ruoth Nyasaye nomiyo jo-Israel piny duto mane osesingore ni kweregi ni nomigi. Ne gikawe, mi gidak kuno.