Jeremia 32:18 - MUMA MALER 2015

¹⁸ Isenyiso herani mosiko ni ji gana gi gana, to bende ikumo ji nikech richo mag wuonegi. In Nyasaye maduong’ man gi teko, kendo nyingi en Ruoth Nyasaye Manyalo Gik Moko Duto.

Motingʼo Loko Manyien

¹⁸ Inyiso herani ne ji alufu to ikelo kum mar wuone ni nyithindgi. Yaye Nyasaye maduongʼ kendo maratego, ma nyinge en Jehova Nyasaye Maratego,

Jeremia 32:18 ပူးပေါင်းရင်းမြစ်များ

Chakruok 49:24

to Jateko ma Nyasach Jakobo noturo atungegi, kendo jakwath ma Lwanda mar Israel, nochodo leche mag ogich bedegi.

2 Ruodhi 9:26

Donge Ruoth Nyasaye nowacho kuome ni, ‘Nyoro aneni kinego Naboth gi yawuote, to abiro chuloni kuor e puodhoni’? Omiyo kawe, ibole e puodhono, mondo wach Ruoth Nyasaye ochop kare.”

Nehemia 1:5

Ne alemo kama: “A Ruoth Nyasaye ma Nyasach polo, Nyasaye maduong’ kendo malich. Irito singruok mitimo gi joma oheri kendo marito chikeni, kiherogi gi hera mosiko.

Zaburi 50:1

Ruoth Nyasaye ma Nyasach nyiseche wuoyo, kaluongo piny duto, chakre yo wuokchieng’ nyaka yo podho chieng’.

Zaburi 89:9

In gi loch kuom nam, kendo ikueyo apaka mage madongo.

Wuok 34:6

Nokadho e nyim Musa, kowacho gi dwol maduong’ niya, “An JEHOVA. An Ruoth Nyasaye, an Nyasaye ma jang’wono kendo makecho ji. Iya ok wang’ piyo, kendo anyiso hera mosiko kod adiera.

Wuok 34:7

Arito singruokna masetimo gi ji gana gi gana, kendo aweyonigi rochruokgi gi kethogi kod richogi, to kata kamano ok akwan jaketho ka ng’ama ler, to akumo nyithindo gi nyikwayo nyaka tieng’ mar adek kod mar ang’wen nikech richo kweregi.”

Isaya 10:21

Adier, joma nok modong’ ma nyikwa Jakobo noduog ir Nyasaye Maratego.

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Isaya 9:6

nikech nonywolnwa nyathi. Adier, ibiro miyowa wuowi, kendo loch nobed e lwete. Noluong nyinge ni, Jabura Mahono, Nyasaye Maratego,, Wuoro ma nyaka chieng’, kendo Ruodh Kue.

Jeremia 10:16

Nyasach Jakobo to ok chal gi gigo, nimar en ema ochueyo gik moko duto, kendo oseyiero jo-Israel mondo obed joge owuon. Ruoth Nyasaye Manyalo Gik Moko Duto e nyinge.

Jeremia 10:6

A Ruoth Nyasaye, onge ng’ato machal kodi, iduong’ kendo nyingi bende duong’.

Jeremia 20:11

To in Ruoth Nyasaye, in koda, itek, kendo iduong’, omiyo joma sanda biro chwanyore, kendo ok ginyal gimoro. Wigi biro kuot malich, nikech ok gibi loyo. Wichkuotgino nosik nyaka chieng’, kendo wich ok nowilgo.

Jeremia 31:35

Ruoth Nyasaye ema miyo chieng’ rieny godiechieng’, kendo omiyo due gi sulue rieny gotieno. En ema otago pi nam, kendo omiyo apaka wuo. Nyinge en Ruoth Nyasaye Manyalo Gik Moko Duto.

Jeremia 33:2

Nowachone kama: “An Ruoth Nyasaye mane ochueyo piny, mi oloso kendo oguro motegno, nyinga en Ruoth Nyasaye.

Jeremia 50:34

To gin gi jawar maratego ma nyinge Ruoth Manyalo Gik Moko Duto! En owuon ema nolos wachgi, mi okel kue e piny, to jo-Babulon enomi chandruok.”

Daniel 2:45

Ne ineno kaka kidi omukore kende ma onge ng’ama omule, kendo nineno kaka ne otuomo kido molos gi nyinyo gi mula gi lowo gi fedha kod dhahabu. Kamano Nyasaye Maduong’ nyisi gik mabiro timore e ndalo mabiro, kendo koro asenyisi ratiro gima nyocha ileko, bende asenyisi tiende.”

Habakuk 1:12

A Ruoth Nyasaye ma Nyasacha kendo ma Ng’ama Ler, donge in e Nyasaye ma nyaka nene kendo mochwere? A Ruoth Nyasaye ma Lwandawa, in ema iketo jo-Babulon mondo okumwa king’adonwa bura.

Kwan 14:18

‘Ruoth Nyasaye ok kech piyo, kendo onyiso herane mosiko, koweyo ni ji kethogi gi richogi, to kata kamano ok okwan jaketho ka ng’ama ler, to okumo nyithindo nyaka tieng’ mar adek kod mar ang’wen nikech richo kweregi.’

Mathayo 27:25

To ji duto nodwoko niya, “Rembe mondo obed e wiwa, kendo e wi nyithindwa.”

Luka 6:38

Chiwuru, eka un bende nomiu. Unuyud rapim mopong’ thich, moiki, kendo motiel moo oko, nimar rapim ma upimoe ema un bende nopimnue.”

Rapar mar Chik 10:17

nimar Ruoth Nyasaye ma Nyasachu en Nyasaye moloyo nyiseche duto, kendo Ruoth moloyo ruodhi duto. En Nyasaye maduong’ kendo malich miwuoro. En kende e Nyasaye miluoro, ma ok dew wang’ ng’ato, kendo ma ok cham asoya.

Rapar mar Chik 7:21

Kik luoro maku kukedo kodgi, nimar Ruoth Nyasaye ma Nyasachu, ma en Nyasaye maduong’ kendo malich ni kodu.