Jeremia 31:7 - MUMA MALER 2015

⁷ “An Ruoth Nyasaye awacho kama: Weruru gi ilo nikech mor ma jo-Israel nigo. En oganda maduong’ie moloyo. Weruru wendeu mag pak, kuwacho niya, ‘Ruoth Nyasaye osekonyo joge. Osereso jo-Israel duto modong’.’

Motingʼo Loko Manyien

⁷ Ma e gima Jehova Nyasaye wacho: “Wer gi ilo ne Jakobo; kog matek ne jotelo madongo mag ogendini. Onego pak magu owinjre, kendo uwachi niya, ‘Yaye Jehova Nyasaye, res jogi, jo-Israel mane otony.’

Jeremia 31:7 ပူးပေါင်းရင်းမြစ်များ

Zaburi 106:47

Reswa, A Ruoth Nyasaye ma Nyasachwa, kendo golwa kuom ogendini mamoko, iduogwa e pinywa, mondo wapak nyingi maler, kendo wayud mor kuom goyoni erokamano.

Zaburi 126:2

Mano kaka ne wanyiero, kendo wawer gi mor! Bang’e ogendini mamoko nowuoyo kuomwa niya, “Ruoth Nyasaye osetimonigi gik madongo miwuoro!”

Zaburi 14:7

Mad jo-Israel yud resruok moa Sayun! Nyikwa Jakobo nobed mamor, e kinde ma Ruoth Nyasaye nochak omi joge dhi nyime maber. Ee, jo-Israel nobed moil.

Zaburi 28:9

A Ruoth Nyasaye, war jogi ma mwanduni iwuon kendo iguedhgi. Bed jakwadhgi, kendo iritgi nyaka chieng’.

Zaburi 67:1

A Nyasaye, kechwa mondo iguedhwa, kendo rangwa gi ng’wono.

Zaburi 69:35

Enores Sayun, kendo nochak oger miech Juda. Joge nodag kuno, kendo nobed weg piny.

Isaya 1:9

Ka dine Ruoth Nyasaye Manyalo Gik Moko Duto ok oreso ji manok kuomwa to dine otiekwa chuth, mana kaka ne otiek Sodom gi Gomora.”

Isaya 11:11

E kindego, Ruoth Nyasaye norie bade mondo odwok joge manok modong’ mapod Asuria gi Misri ma nyandwat kod ma milambo gi ma Ethiopia gi Elam, gi Babulon gi Hamath, kod mag pinje manie dhonam.

Isaya 37:31

Jo-Juda modong’ nochal gi yath ma tero tiendene piny, kendo nyago olemo e bedene,

Isaya 37:4

Nyalo bet ni Ruoth Nyasaye ma Nyasachi osewinjo weche Rabshake, ma ruodh Asuria oseoro, mondo oyany Nyasaye Mangima. Omiyo koro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

Isaya 44:23

Koguru gi mor un polo, nimar Ruoth Nyasaye ema osetimo kamano. Un kuonde matut moloyo mag piny, gouru mahu gi mor, kendo un gode kaachiel gi bunge kod yien, weruru wende locho, nikech Ruoth Nyasaye osewaro jo-Israel ma nyikwa Jakobo, komiyogo nyinge duong’.

Isaya 52:8

Winjuru! Jorito mau nokog gi mor, nikech gibiro neno Ruoth Nyasaye gi wengegi, ka duogo Sayun.

Isaya 61:9

Nyikwau nong’ere, kendo noyud duong’ e kind ogendini. Ji duto monenogi nong’e ni un oganda ma Nyasaye oguedho.

Jeremia 20:13

“Weruru ni Ruoth Nyasaye, kendo pakeuru, nikech osereso joma ithiro e lwet joma timbegi richo.

Jeremia 23:3

Abiro choko joga modong’, kagolo e pinje duto mane akeyogie, kendo nadwokgi e pinygi. Gininywol nyithindo mang’eny mi ginya.

Jeremia 3:23

Onge resruok ma wanyalo yudo kuom lemo ewi gode, kata kuom joma goyo koko kuonde moting’ore. Konyruok ma wayudo wan jo-Israel, wuok mana kuom Ruoth Nyasaye ma Nyasachwa.

Jeremia 31:12

Gibiro duogo, mi giwer gi ilo e got Sayun, ka gimor gi gik ma achiwonigi, kaka cham gi divai gi mo kod jamni. Ginichal gi puodho ma koth oromo, mi ok ginichak gichand gimoro kendo.

Ywagruok 1:1

Mano kaka dala Sayun mane ji ng’enyie tinde odong’ nono! Chon ogendini ne kwane ka dala maduong’, to koro osedong’ mana ka chi liel. Adier, chon ne en ruodh mier duto, to tinde ochalo mana ng’ama tiyo tich misumba.

Ezekiel 6:8

“Anawe jomoko otony mak onegi, mi nakegi e pinje mamoko.

Hosea 1:7

to anaher jo-Juda. An Ruoth Nyasaye anaresgi, to ok naresgi gi lweny, kata gi gilweny.”

Joel 2:32

Chakre kanyo ng’ato ka ng’ato moluongo nying Ruoth Nyasaye noresi. Jomoko modak e got Sayun notony kuno. Ee, jomoko notony Jerusalem, mana kaka Ruoth Nyasaye osewacho. Joma Ruoth Nyasaye oluongo nobed mangima.”

Amos 5:15

Beduru mamon gi gik maricho, to heruru gik mabeyo, kendo gururu bura makare e ut bura, nikech dipo ka Ruoth Nyasaye Manyalo Gik Moko Duto otimo ng’wono ni joka Josef modong’.

Mika 2:12

“To un jo-Israel modong’ abiro chokou kanyakla mana ka rombe manie abila, kata ka kweth manie lek. Koko nogore e pinyu nikech ng’eny mar ji.

Mika 7:18

A Ruoth Nyasaye, onge Nyasaye moro maromo kodi. Iweyo ni jogi iwuon modong’ richogi, kendo ok ikechi nyaka chieng’, to iherowa gi hera mosiko.

Zefania 2:9

“Kuom mano, an Ruoth Nyasaye ma Nyasach Israel, akuong’ora gi nyinga awuon, ni Moab biro chalo gi Sodom, to Amon nochal gi Gomora, mi gibed kuonde ma aila gi bugni mag pundo ema opong’o, kendo mokethore nyaka chieng’. Joga modong’ noyakgi mi kaw pinygi.”

Jo-Rumi 11:5

Kamano ndalogi bende nitie joma odong’ ma Nyasaye oyiero kuom ng’wonone.

Jo-Rumi 9:27

Isaya bende nowuoyo kuom jo-Israel kama: “Kata ka jo-Israel ng’eny mana ka kuoyo manie dhonam, to ji manok kuomgi kende ema nokwo,

Rapar mar Chik 28:13

Kurito chike mag Ruoth Nyasaye ma Nyasachu ma anyisou kawuono mondo urit matek,

Rapar mar Chik 32:43

“Un polo, moruru kaachiel gi Ruoth Nyasaye. Un nyiseche duto, kulreneuru. Moruru un ogendini kaachiel gi joge, kendo malaika duto mag Nyasaye mondo opak tekone, nikech enochul kuor kuom remb jotichne, kokumo wasike kod joma ochaye. Enopwodh piny kaachiel gi joge.”