Jeremia 31:6 - MUMA MALER 2015

⁶ Adier, kinde biro ma jorito noluong ji gie gode mag Efraim niya, ‘Biuru wadhi Sayun ir Ruoth Nyasachwa!’

Motingʼo Loko Manyien

⁶ Odiechiengʼ moro nobedie ma jorit noywagi e gode matindo mag Efraim niya, ‘Biuru wadhi Sayun, ir Jehova Nyasaye ma Nyasachwa.’ ”

Jeremia 31:6 ပူးပေါင်းရင်းမြစ်များ

2 Weche mag Ndalo 13:4

Abija nodhi mochung’ ewi got Zemaraim manie piny gode mag Efraim, mokok niya, “Winjuru in Jeroboam gi jo-Israel duto!

Ezra 1:5

Bang’e jodong dhout Juda gi Benjamin kod jodolo gi jo-Lawi, kaachiel gi ji mamoko duto mane Nyasaye ojiwo chunygi mondo ochak oger Hekalu mar Ruoth Nyasaye man Jerusalem, noikore dhi timo kamano.

Zaburi 84:5

Mano kaka joma yudo tekogi kuomi gin johawi! Ee, joma keto chunygi kuom dhiyo got Sayun gin joma oguedhi adier.

Isaya 27:13

Chieng’no tung’ maduong’ noywagi, mi joma olal e piny Asuria nobi, kaachiel gi joma noter Misri e tuech, mi ginilam Ruoth Nyasaye e got maler man Jerusalem.

Isaya 40:9

In mikelo ni Sayun wach maber, idh wi got mabor, kendo ikogi matek. Ee, in mikelo ni Jerusalem wach maber, ting’ dwondi, ikogi matek ka ok iluor, kiwacho ni miech Juda niya, “Eri, Nyasachu ni ka.”

Isaya 62:6

A Jerusalem, aseketo jorit e ohinga mari. Ok giling’ odiechieng’ gotieno duto. Awachonigi niya, “Un joma paro ni Ruoth Nyasaye wach, kik uyue!

Jeremia 3:14

“Duoguru ira un nyithinda moseweya, nimar an ruodhu. Abiro golo ji manok kuomu e miechu kendo e dhoutu, mi adwoku e got Sayun.

Jeremia 31:12

Gibiro duogo, mi giwer gi ilo e got Sayun, ka gimor gi gik ma achiwonigi, kaka cham gi divai gi mo kod jamni. Ginichal gi puodho ma koth oromo, mi ok ginichak gichand gimoro kendo.

Jeremia 50:19

Abiro dwoko jo-Israel e pinygi, mi ginichal rombe ma kwayo e lek maber, ka gichamo cham manyak e got Karmel kendo e piny Bashan, kendo ka gichamo gik manyak e piny Efraim gi piny Gilead, mi giyieng’.

Jeremia 6:17

Ruoth Nyasaye noketo jorit mondo ka gigoyo tung’ to ji owinji. To ji nowacho niya, “Ok wanawinji.”

Ezekiel 3:17

ka wachona niya, “Wuod dhano, adwaro mondo aketi jarit mar oganda Israel. Tiji biro bedo siemogi gi siem moro amora mamiyi.

Ezekiel 33:2

“Wuod dhano, penj jou kama: Ka akelo lweny e piny moro, donge jopinyno diyier ng’atgi achiel mondo obed jarito?

Hosea 1:11

Bang’e jo-Israel gi jo-Juda nochak oriwre kanyakla achiel, mi gichak gidhi nyime maber. Kamano chieng’ Jezreel nobed chieng maduong’ adier!”

Hosea 9:8

Nyasaye oseora ka jonabi mondo asiem jo-Israel ma joge. Kamoro amora ma adhiye to uchikona obadho mana ka winyo. Kata mana e Hekalu mar Nyasaye bende wasika nitie.